نيران العشق

الحلقة 75

قلبت لمياء عينيها من منظرهم و كبست على البوشات فيدها..قبل ما ترجع تحكي..قاطعهم صوت منصف ملور..
منصف: اناااا جيييت
شافو كاامل جيهتو..عايدة عينها تحلو على وسغهم..واقف عند الباب و شايد ميكروفون فيظو ولابس هاديك لعباية الحمراء فوق الكوستيم تاعو..
عايدة: واااش هاداا !!
ضحك ايهاب و مروى شدت وحدة مصحاباتها و جرات بيها لابيست و حتى منصف جرا لابيست و حكى فالميكروفون..
منصف: احم احم..انتبهوولي هناا
كامل شافو فيه..عايدة مفاهمة والو..
منصف: بما انو العرسان مزوجين من قبل
رفد الدفتر العائلي في وجهم باش يثبتلهم و كمل يحكي..
منصف: يعني دك انا راح نزوجهم بطريقتي..نتمنى العرسان يقربو لينا لهناا
شد يدها و تخطى لمياء قرب ليهم..وقف قدامو..غمزلو و حكى بصوت عالي باش كاانل يسمعو..
منصف: السيد ايهاب غاامد هل تتعاهد هناا و امام الحاضرين ان تحب الانسة عاايدة غامد حتى اخر نفس فحياتك ؟
فمها تحل..الصدمات قاعدين يجوها متسلسلين..شافت فيه بالزربة..مشافش معاها..رمى يدو للميكروفون جبدو ليه..
ايهاب: نتعاهد على حبها لاخر دقيقة فعمري
كامل سفقو..قلبها دق بالقااوي وسط صدرها رمشت عينيها تستوعب فكلامو..كرشها دغدغتها..سمعاتو و مشي مصدقة لي سمعاتو..مشي عارفة حتى ادا لازم تصدقو..
منصف: و نتي عاايدة..تتعااهدي على حبو لاخر نفس ؟
تلفت ليها..طاحت العين فالعين..ريقها شاح..كلهم سكتو يستناو فيها تحكي..غمضت عينيها بالقاوي و رجعت حلتهم..طلعت راصها..طاحت عينها فعين لمياء لي زابطة وجها..تبسمت عايدة فوجها بشماتة و تلفتت لمنصف و شدت الميكروفون من يدو..حكات من غير تفكير..
عايدة: اتعهد
سفقو كااامل..ايهاب ابتسامتو لحقت لوذنيه..تنهدت بالقاوي..مشي عارفة كيفاه حكات..
منصف: و نتوما تشهدو..
مروى: نشهد
_نشهد
رجعو سفقو..
منصف: و الان اعلنكما عاشقي القرن
طرطقو كامل بالضحكة..اما ايهاب فخطف الميكروفون من يد منصف و شبك صبعتيه فصبعتين عايدة و تلفتت لناس..
ايهاب: و دك..خلوني نعرفكم بالمءاة لي واقفة قدامكم
طلعت حواجبها..ركزت معاه اكثر..وجها راح الوان و جا الوان..تعرفو مهبول و مسي عارفة واس راح يدير..
ايهاب: لي رااهي قدامكم مرتي انا..و لي فكرشها وليدي انا..يعني لي قدامكم تابعة ليا..مرتي و قطعة مني..و قدامكم كااامل راح نحكي لاخر مرة..
بلعت ريقها..عارفة راح يبلبزها..
ايهاب: ملخر..يزيد يدنا جيهتها ولا يحكي معاها واحد ####
شهقت..و الصمت عم لبلاصة..حركت راصها باستسلام..كانت عارفة راح يتقبها..منصف و مروى فحمو بالضحك على قلة الادب تاعو..اما الناس فتصدمو فيه و فوقاحتو فالكلام..لالة خديجة قريب تغاشات من الحشمة من الكلمة لي قالها قدامهم كامل..رجع شاف معاها..
ايهاب: خلينا نشطحو دك و خليك من #### مطلعيلهمس حساب ######
عضت شفتها مصدومة فيه..رجعت شافت فلمياء لي تمص فالقارص رماتلها ضحكةصفراء تغزلها بيها..قبل ما تلحق تجاوبو شدها من يدها و جبدها معاه لابيست..تمتمت بين شفافها..
عايدة: تبانلي نتا لي كنت تأثر فالدواء مشي هو لي كان يأثر فيك..
★★★