نيران العشق

الحلقة 79

هابطين معا بعض..يديهم فيدين بعض..يدها الثانية على كرشها..تمشي و تتبختر قدامو و هو يتبسم..هبطو لتحت..طاولة طويلة فالساحة هاديك..مروى رايحة و مولية تحط فالفطور معا لالة خديجة..منصف و السي خالد قاعدينظ..و الجد احمد كيف عادتو ينوض بكري و يروح لخدمتو..
مروى: هااهم شرفونا عرسان لبارح
تبسمت معاها عايدة..اما ايهاب فقلب عينيه وقت تفكر انو ليلة لبارح لي كان ناوي يجوزها عريس صح راحت عليه و خسروهالو..سب بين شفافو..فهمو منصف من ملامحو..ضحك و شارلو بيدو عالكرسي..
منصف: ارواح خويا ارواح مخلوفة
ڨحرلو و قرب لطابلة معاها..جبدلها الكرسي بعدت و قعد قدامها..
خديجة: هايا قبل ما يبرد
لمياء: راني جبت القهوة
عينيها وساعو طلعت راصها بالزربة طاحت عينها عليها..لابسة شورت جين و تريكو قصير و سنيوة القهوة فيدها..الدنيا راحت و ولات بيها..تلفتت لعند ايهاب..تلفت ليها حتى هو..تمتمت بينها و بينو..
عايدة: واش راهي دير هادي هنا
مد يدو ليدها شبك صوابعو فصوابعها يحكي بهدوء..
ايهاب: معلاباليش و ميهمنيش
خذات نفس طويل تحاول تتمالك اعصابها..رجعت شافت فيها..قعدو كامل..رفدت عايدة كاس الماء شرباتو فرد مرة و حطاتو عالطابل بقوة تحكي بغزول..
عايدة: تعرفي حبيبتي ادا مفكرة انو فالريف صح يديرو عرس 7 ايام و سبع ليالي نحب نقولك راكي غالطة..العرس خلاص البارح و ناس راحو
تبسم على جنب..مروى و منصف ضحكو كيف عادتهم..و لالة خديجة نفخت صدرها نحاتهالها من فمها و تمتمت بين شفافها..
خديجة: اول مرة تقولي الصواب
تبسمت لمياء بهدوء..
لمياء: عارفة يا روحي..برك حبيت نبقى يامات سياحة
غمضت عايدة عينيها بقوة و رجعت حلتهم..كبست بيدها عليه كأنها تتوعد فيه..اما هو فبدا ياكل ولا على بالو..
خالد: خلونا نفطرو دك راح يبرد
خديجة: كول كول..اصلا هادا لي يهمك
حرك راصو بإستسلام..و بداو كامل ياكلو من غير عايدة لي عينيها منحاتهاش عليه و هي كابسة عالشوكة فيدها..تستنى فيه غير وقتاش يغلط و يطلع عينو للمياء باش تعميه..اول ما كمل رفد روحو وقف..شافو كامل معاه..
منصف: رايح ؟
ايهاب: مممم تستنى فيا خدمة
عوجت فمها مشي عاجبها الحال..
لمياء: مدامني هنا تحب نجي نعاونك كيما كنا ؟
عينيها خرجو..قبل ما تردلها سبقها هو..
ايهاب: مكالاه قعدتي سياحة خليك فالسياحة تاعك
عضت شفتها من اجابتو و ضحكت معاه ضحمة صفراء..اما عايدة فابتسامة عريضة ترسمت على وجها تلفت هو ليها..نزل عليها اكثر..حك شفافو على جبهتها بهدوء و وشوشلها..
ايهاب: ردي بالك
خذات نفس طويل من ريحتو و هزتلو براصها ايه..طبع بوسة على جبهتها و جبد روحو..وقف منصف و سي خالد حتى هوما..
خالد: خلينا نروحو معا بعض
خديجة: ربي معاك
منصف: ديرونا محاجب لعشية
مروى: روح روح بركا ما تتوحم علينا هنا
خرجو في ثلاثة و هي تبع فيه بعينيها..تنهدت..
لمياء: كيف عادتو..رغم كلش تبقى خدمتو فالمرتبة لولى
غمضت عينيها بقوة مغزلة منها..قبل ما تلحق ترد سبقتها لالة خديجة..
خديجة: لا حبيبتي هاديك بكري..دك مرتو و وليدو هوما لي فلمرتبة لولى كوني هانية كون يصيب يسمح فخدمتو غير باش يبقى معا مرتو
عايدة عينيها وساعو..مشي مأمنة انو حماتها دافعت عليها..اما مروى فشدت ضحكتها بالسيف..و وشوشت لعايدة..
مروى: ماما تفضلك نتي الفمرة على هاد الحية..منيش مأمنة لي سمعتو هههه
ضحكت عايدة بلعقل و تبسمت لالة خديجة لي عوجت فمها..فلوقت لي لمياء ولات تمص فالقارص حرڨتها..
★★★