نيران العشق

الحلقة 23

فتح الباب دخل..طاحت عينو فعينها..واقفة مقابلاتو..وجها صفر..ترعش..بلعت ريقها بالسيف وقت شافتو دخل..
عايدة: ج جا يديني ؟
ايهاب: مممم
قربت خطوة للباب..وقف فوجها مطلع حواجبو..طلعت راصها ليه..
ايهاب: وين رايحة !
عايدة: ليه..
تبسم على جنب..
ايهاب: شكون قالك راح نسلمك ليه ؟..
عايدة: ك كيفاه !
رفد يدو حطها على فخذها تحت الشوميز..طلعها شوية..جسمها قشعر عينيها وساعو..جبدت روحها بالزربة للور..رجع هو حكى..
ايهاب: تهربي من راجلك المستقبلي ؟
فمها تحل..رمشت عينيها تحاول تستوعب لي سمعاتو منو..
عايدة: ا ااه !؟
قلب عينيه..بعد عليها رايح لطابل تاع الكولوار و يحكي فنفس الوقت..
ايهاب: طبعا مكيش مجبورة على هاد الزواج عادي ارفضي بصح كوني متأكدة انو مراحش تموتي نتي..راح تقتلي خالتي فتيحة بالقنطة مسكينة والله غاضتني
جبد كاشيات ملقجر..دار وحدة داخل فمو من غير ما تنتهبلو و تلفت ليها..مزال مكوانسية فبلاصتها..دموعها رجعو نزلو..حكات بصوت يقطر وجع و عينيها كلهم كره..
عايدة: علاه..علاه رااك دير فيااا هاكا..
شاف فيها ملفوق للتحت بنظرة كلها رغبة..عض شفتو و هز راصو..و هو يتبسم..و يحكي بلا مبالاة
ايهاب: امور شخصية..
فمها تحل من برودة اعصابو..دموعها لي كانو ينزلو حبسو من الصدمة..مشي مصدقة انو انسان حقيقي..هزتلو براصها لالا..
عايدة: انا..انا مستحييل نقبل بهاد الزواج..انسان مريض مهبوول مستحيل نقبل بيه..
هزلها بكتافو بلا مبالاه..
ايهاب: اوكي كيما تحبي دك رجعو عندك 3 خيارات
بلعت ريقها بالسيف مركزة معاه..كمل هو يحكي..
ايهاب: الاول انك تتزوجيني و تخليني نتفنن بهاداك البدن تاعك كل يوم و كل ليلة..فالحلال و بلا كلام الناس..
رعشة و سرات فبدنها من كلامو..حضنت روحها و رجعت تلقائيا للور..
عايدة: علاه نتا تعرف الحلال من الحرام !
ايهاب: اكييد نعرف مثلا استمتاعي بهاداك الجسم تاعك حلال و لوكان نخليك تموتي و نخسرك من فراشي حرام
عضت شفتها بقوة و غمضت عينيا و رجعت حلتهم..تمتمت بين شفافها من غير ما يسمعها..
عايدة: خامج..وليد ####
كمل هو يحكي..
ايهاب: و الثاني انك تقتليني و تهربي من هنا طبعا قلت تهربي خاطر مستحيل تخرجي من هنا و انا عايش و ساعتها راح تتقلب القرية عليك و على اغلب الظن راح يلقاوك طبعا و تندبحي قدام عينين يماك و يمكن ڨاع هاداك عمك تاع ### يكمل على يماك و حتى ادا مقتلهاش هو يقتلها جدي..عارفة انو الدم يقابلو الدم (غمزلها)  و الثالث هو انك متقتلينيش معنتها مراحش تخرجي من هنا يعني راح تكوني العاهرة تاعي بلا زواج بصح حبيت نسقسيك قلب خالتي فتيحة مليح ؟ زعما تقدر تحمل كلام الناس ! لمهم مشي هاذا هو موضوعنا راهم قدامك بين 3 خيري شكون فيهم
الدم جمد فعروقها..دموعها نزلو..
عايدة: هادو مشي خيارات..نتا وصفتلي واش حصرا ادا متزوجتكش
ايهاب: تقدري تحسبيها كيما حبيتي..ولا تعرفي مدام مراكيش حابة الخيار الاول نفضل نروح نسقسي خالتي فتيحة ادا تحب تموت بالقلب من كلام الناس و لا تحب تتقتل
كبست بكاامل قوتها على هاديك الشوميز..لوكان راهو بين يديها لوكان راهي قطعاتو و مرحماتوش كيما مرحمهاش..النفس تحس فيه تغلق عليها..حطتها مقابلة جهنم و خلاها بين انها تحرق روحها ولا تسلك يماها..يعني ببساطة حاب يردها عاهرة عندو بصح فلحلال..حطت يدها على رقبتها و عيطت بكاااامل صوتها..
عايدة: نكرررهك ايهاااب نكرهك
طاحت عالارض جات قاعدة..تبكي بالشهقة..ابتسامة عرييضة ترسمت على وجهو..من عيطتها دا جوابها..اصلا كان عارفها راح تقبل..قرب ليها بخطوات منتظمين..وقف قدامها سواسوا..يد فجيهو و يدو الثانية حطها على راصها..يحكي ببرود و صوت هااادي قااتل يقطع الاعصاب..
ايهاب: مرحبا بيك فحياتي..
جبدت روحها بالزربة..طلعت راصها ليه و دموعها ينزلو..تشوف فيه بكره و اشمئزاز..بنظرات حكات حجم حقدها عليه..رمى هو يدو لخدها..عداها بلعععقل على خدها مسح دموعها و يحكي بنفس الهدوء..
ايهاب: اششش مرتي..متبكيش..
زير على كلمة مرتي..غمضت عينيها بقوة..مشي مصدقة انها راح تتزوج بلي قتل باباها و اغتصبها و عاملها كيف الحيوان..راح تتزوج بالانسان لي متأكدة انو مشي طبيعي..اما هو فعدا ابهامو على شفتها التحتانية و حطو على شفافو و باسو بهدووء و رجع تبسم ببرود و خبث و هو يشوف فيها هكاك..
★★★