نيران العشق

الحلقة 52

رمى عليها لغطى و وقف يلبس فحوايجو..كبست عليها و لفتها فوقها..منزلة عينيها منو مشي ثادرة حتى تشوف فيه..شافيها بطرف العين و تبسم على جنب بمكر..يحكي بكل برود..
ايهاب: على اساس كنت نعلمك فأحكام التجويد من شوية باش راكي حشمانة دك
عضت شفتها..وجها طلع حمر..كون صابت تغرس راصها فالمخدة..ما حست غير بيدو لي شدتها من وجها و طلعهولها ليه..طاحت عينها فعينيه الفارغين..قلبها دق بالقاوي وسط صدرها..نزل بيدو لكرشها..يحكي و يضرب فيها بصبعو بهدوء عليها..يحكي ببرود و صوت مكبوس فنفس الوقت..
ايهاب: الطفل هادا لي راهو فكرشك وليدي و مدامك قررتي تخليه عايش معنتها راح تحافظي عليه غصب عليك..
قرنت حواجبها بغضب..حطت يدها فوق يدو بعدتهالو..
عايدة: هادا وليدي حتى انا و مشي نتا لي تجي تقولي كيفاه نحميه م...
قبل ما تكمل تحكي ما حست غير بيدو كبست على فكها و دخلها خدودها فعبضاهم و نزل عليها..يحكي بغزول..
ايهاب: منكثرش الهدرة معا ###..تزيدي تحطي ## رجلك برا بلا بيا #### بالمقلوب..
قلبها رعش وسط ضلوعها..لاول مرة يحكي معاها بهاد البجدية..حطت يديها فوق يديه تحاول تفك روحها..نزل عليها اكثر طبع بوسة على شفافها و كبس عليها اكثر..غمضت عينيها بقوة و رجعت حلتهم..
ايهاب: فهمتي ولا نعاود ؟
هزتلو براصها ايه بالزربة..تبسم ببرود يلعب عالاعصاب..
ايهاب: تهبلي كي تسمعي الهدرة
رخف يدو عليها بلعقل و جبد روحو..نطرت روحها منو و حطت يديها على خدها تمسح عليه و تمتم بين شفافها..
عايدة: حيوان..متوحش
جات تنوض ڨحرلها..
ايهاب: وين ؟
عايدة: منيش ناوية نبقى مقابلاتك
ايهاب: تهبط ## رجلك من هاداك السرير نڨعر ###
عايدة: هبلت نتاا !! واش بيك ليووم واش دخلك فياا !؟
ايهاب: منعاودش ## الهدرة..رخفتلك بزاف طلقتي روحك
قرنت حواجبها بغضب..و كبست عالغطا بيدها شايدة روحها بالسيف عليه..
عايدة: عبدة عندك انااا !!
هز كتافو ببرود و ترمى عالكرسي و ضم يديه..
ايهاب: كوليلي راهو قدامك
تلفتت شافت معا الملكة و رجعت شافت فيه..
عايدة: متعطينيييش اوامر قتلك منيش عبدة عندك
تكى لتالي بهدوء..و غمض عينيه..
ايهاب: كوليه احسن ما نجي نوكلك بطريقتي
عضت شفتها بقوة..حتى هي مقالتش مناكلش..رمات يدها ليه..حاكمة روحها غير باش مترميهش عليه..شاف فيها بطرف العين و رجع تمتم بين شفافو..
ايهاب: مشي عبدة..بصح كي نتي كي لي فكرشك..فيزوج تاوعي انا برك..
★★★