تفتح فعينيها بالسيف..راصها تحس فيه راح يطرطق..حطت يدها على جبهتها..خرجت هادوك لحروف بالسيف..
عايدة: م..ماما..
دموعها نزلو وقت رجعت تفكرت لي صرا..
شهقاتها طلعو..ستنتدت بيديها بالسيف عالسرير تقعدت..تشوف فهاديك البيت لي رجعتلها كيف فيلم رعب..رفدت روحها وقفت..حطت يديها عالحيط توازن فروحها باش مطيحش و تمشات لدوش..الخطوة تعمل فيها بالسيف الدنيا دور بيها..طبعت الباب و دخلت..وقفت عند لمرايا تشوف فروحها..شعرها داخلة بعضو..عينيها حمورا دم..حالتها مبلبزة كامل..رفدت يديها تحكي معا روحها فلمرايا كيف المجنونة..
عايدة: تبرات مني ! املي الوحيد تخلات عليا !! ههه قالت اني مشي بنتها..لوكان كان بابا حي راهو حشم بيا..
سكت شوية..نزلت راصها للافابو..رفدت هاديك لي يحطو فوقها الصابون..و رجعت عيطت بكامل صوتها..
عايد: تبرااااات مني
خبطت لمرايا هاديك بكامل قوتها..تنفظت و بعدت للور كي طاح الزجاج كامل عالارض رمات هاديك من يدها..و نزلت بلعقل للارض رفدت قطعت زجاج كبيرة..تشوف فانعكاس صورتها عليها..حطتها بلعقل على عروق يدها اليسرى..
عايدة: حتى انا مشي حابة نعيش..حتى انا حابة نروح عند بابا..
غمضت عينيها بهدوء..عضت شفتها و هي تكبس فيها على عروقها حست بقطرة دم سخونة وقت طاحت على رجلها..تمتمتبين شفافها..
عايدة: سامحيني ماما..
اول ما جات تعديها على يدها باش تقطعهم ما حست غير بيد خفطتهالها من يدها و طبعتها بالقاوي عالحيط..غمضت عينيا بقوة و رجعت حلتهم مالوجع لي حساتو وقت تخبط عالحيط..طاحت عينها فعينو..ڨحرلها..نزل راصو يشوف فالفوضى لي دارتها
ايهاب: هبلتي !! زاد عليك الحال ؟
لسقت فالحيط اكثر و عينيها منزلوش منو..دموعها نازلين كيف الشلال..تحكي بالشهقة..
عايدة: كلو بسببك نتا..كلو منك نتااا
نفخ بالقاوي..
ايهاب: راح تعاودي الكاسيطا تاع لبارح ؟
تلاحت عليه بقوة باش تخطف الزجاجة من عندو..
عايدة: اعطينننني
حط يدو على كرشها عاودطبعها بعيد عليه..رجعت قربت منو تضرب فيه على كتفو و هو واقف كي الحيط جيست منزل راصو و يشوف معاها ببرود..
عايدة: وااش دخلك..لا حبيت تقتلني ولا حاب تخليني نمووت..وااش مزال حااب مني خلاااص عيييت اناا عيييت
حطت دفارتيها على صدرو..و نزلت عالارض قعدت ا جونو قدام رجليها و يديها يخبشو فيه..تححي بصوت يادوب يتسمع نفسها يروح و يولي..
عايدة: عييت..حبيت نموووت خليني..حرام عليك خليني..
قلب عينيه من منظرها..رمى الزجاجة لي فيدو عالارض..نزل ليها شدها من معصمها..يحكي بكل راحة..
ايهاب: نوضي الزجاج فالارض
وقفها بالسيف..عينيها شعلو فيه..حطت يدها على يدو تحاول تحاول تجبد روحها..
عايدة: هادا لي هامك !! دك رجع الزجاج فالارض !! و الزجاج لي غرستو فقلبي !!
نفخ بالقاوي..راصو وجعو منها..رجع تمشى بيها للبيت و هو يجبد فيها موراه..رماها عالسرير بقوة..شهقت..قبل ما ترجع تنوض..جا فوقها..
★★★
YOU ARE READING
نيران العشق
Romanceكرونيكات كريستال كرونيك باللهجة الجزائرية كتبتها ف 2019 و مكاش لي مسرقهاليش أيا جيت نحطها هنا _____________🔥#نيران_العشق🔥_____________ ❤حينما وقعت بيدي يا صغيرتي اشعلت بداخلي نيران عشقك و التهمتني بقبلاتك..لم تدركي يومها انني عشقتك و وقعت في ظلما...
