نيران العشق

الحلقة 80

شد فران بالقاوي قدام مصانع الفخار تاع عايلة الطاهري..نزل بهدوء..نحى نظاراتو حط يدو على راصو حرك شعرو بهدوء يحاول يتجاهل وجع الراص لي ولى مرافقو فالفترة الاخيرة..تمشى بهدوء للمكتب لي فنص المصنع..دز الباب برجلو فتحو..
تهز و انفظ على خبطة الباب..اول ما جا يتلفت يشوف شكون ما حس غير بضربة بوية على وجهو..
سعد: ااااه
رجع للور بخطوة..
ايهاب: هادي على ال### لي بعتو
ملحقش يفتح عينيه زادلو الثانية جابو مرمي عالبيرو و كلش عالارض..
ايهاب: و هادي حق ما خسرتلي ليلتي (واش حسابتلكم يجوزهالو😂ليلة لعمر راحت)
عينيه خرجو..الدم خارج من فمو و نيفو..طلع راصو ليه..طاحت عينو فعينيه لي يقطرو برود..شايد معصم يدوو يطرطق فصبعتيه..
غمض عينه بقوة و شد فروحو و وقف بلعقل..تف الدم فالارض..يحاول يشد فروحو..
سعد: شايف لي درتو دك ايهاب غامد..نحلفلك راح تخلصو اضعاااف
ايهاب: تعرف واش راح يصرا فيك لوكان ترجع تقرب منها خطوة ؟؟
تبسم على جنب يحاول يستفزو..
سعد: قلتهالك منهار لول..الطفلة هاديك مستحيل نخليها تعيش كيما قتلت باباها راح تلحقو حتى هي..
هبل في مخو..طرف عقلو لي كان شايد بيه روحو طااار..كلش كلش و مشي هي..برودة اعصابو تحبس هنا..بكل جرءة قال انو راح يأذيها..يأذي خطو الاحمر و يقرب ليه...محسش لروحو حتى كيفاه حط يدو على سلاحو..اول ما جا يجبدو شدلو يدو بقوة و طبعو للور..و لسق فيه
رائد: ايهاااااب
تبسم سعد و تكى للور يتفرج ببرود يحاوب يغطي خوفو من نظرات ايهاب..
ايهاب: بعععععععد على ### متخلينيش نبداااا بيك
صوتو زلزل حيوط المكتب و زلزل قلب سعد لي مقدرش يخبي رعشة رجليه منو..غمض رائد عينيه بقوة و رجع فتحهم..تمتم فوجهو بهدوء..
رائد: راهو يستفز فيك البيرو فيه كميرات رد باالك..غلطة صغيرة يرميك فيها للحبس حياتك كامل..و ساعتها شوف شكون يحمي مرتك و وليدك لي فطريق
طلع عينيه بالزربة للكوانات تاع السقف..قابلوه 3 كاميرات فكل زاوية..غمض عينيه بقوة يتمالك فروحو..على شعرة كان راح يطيحو فالفخ تاعو..رجع همسلو..
رائد: اخرج بهدوء و رد بالك ترفد سلاحك فوجهو و لا تقولو كاش كلمة قادر يشكي بيك بتهمة التهديد بالقتل
خذا نفس طويل..كبست قبضة يدو بكامل قوتو..طبع رائد عليه و رد سلاحو لبلاصتو..تبسم سعد وقت فكر روحو ربح..رفد ايهاب صبعو في وجهو..
ايهاب: #### لوكااان تقرب جيهتها #### و نخليك تحوس على كلينيك وين تولد
قال كلمتو و خرج قبل ما يفقد اعصابو..عض رائد شفتو يمنع فضحكتو بالسيف..قالو متهددوش بالقتل هددو بالاسوء..تلفت شاف فسعد لي وجهو صفار..ڨحرلو و خرج لحقو بالزربة قبل ما يركب الطونوبيل..
رائد: ايهاااااب
تلفت ليه..وقف قدامو..
ايهاب: منظنش راك تستنى فيا نشكرك
ضحك على جنب و حرك راصو بإستسلام..
رائد: راح نعطيك نصيحة
طلع ايهاب حاجبو بتمڨعير..كمل رائد يحكي..
رائد: تاخذ رايي ادي مرتك من هنا..عالاقل حتى تولد متعرف واش قادر يدير
نفخ كيف التنين..ضربو بصبعو على صدرو يحكي..
ايهاب: لا هو ولا واحد غيرو يقدرو يقربو ليها و انا موجود..
رائد: عارف..بصح في رايح حثالة كيما هو راح يقرب ليها و نتا كاين !..شفت واش صرا دك على سوية كان راح يباصيك و يبعدك عليها و شوف حتى دك هاك معايا و هي فدار..و فكل ثانية نتا بعيد فيها حياتها فخطر..خمم مليييح ايهاب..خمم فمصلحتها..منيش نقلك اهرب منو..راني نقولك احميها و احمي حتى نفسيتها متخليهاش عايشة فهاد الخوف..و فالاخير يبقى قرارك
قال لي عندو و عطاه بالظهر راح..ضيق عينيه و هو يشوف فيه يبعد و كلامو يتعاود فمخو..تمتم بين شفافو..
ايهاب: ### ## يدنا ليها ####
★★★