نيران العشق

الحلقة 51

فتح الباب من جيهتها..نزل عليها اكثر..حط يدو على خدها بلعقل..
ايهاب: راكي فايقة؟
عايدة: ممممم
فتحت عينيها بلعقل..تنهد و رجع رفدها فحضنو..كبشت فرقبتو..خبط باب الدار برجلو فتحها و دخل بيها..تلفتو ليهم فيزوج..مروى عينيها خرجو..من غير شي مخلوعة..شهقت و حطت يدها على فمها..قربت لالة خديجة منو تجري..حطت يدها على كرشها و يد على راصها تتفقد فيها و هي مسلمة بين يديه..
خديجة: واش بيهاا
ايهاب: منعرف ديخانة..نظن كان لازم نديها لسبيطار
خديجة: لالا مكالاه حاجة طبيعية فالشهور لولة خصوصا كي مكلات والو الصباح
طلع حواجبو بغضب و هو يشوف فيها..كبس غليها اكثر..بعد من عندها طالع بيها..طاحت عينو فعين مروى ڨحرلها..هبطت راصها بالزربة ندمانة عالدقيقة لي خلاتها تخرج فيها..فكراتو صح راح يرقد و هو تقول عندو قرون استشعار غير خرجت ناض يحوس عليها..
طبع باب البيت بمرفق يدو و دخل..حطها بلعقل عالسرير و جبد روحو غمضت عينيها و تقلبت لجيهة الثانية عطاتو بالظهر و تكمشت فبلاصتها..نفخ بالقاوي و غطاها..اول ما جا يتلفت دق الباب..رمى يدوليه فتحو..هزها و حطها..حكات و هي مهبطة راصها..
مروى: ج..جبتلها حاجة تاكلها كي تفيق و فيتامينات
شد السنيوة من عندها..شبكت صبعتيها تلعب بيهم بتوتر..طلع حاجبو يتسنى فيها تروح..
مروى: س سمحيلي والله ماتوقعت يصرا هاكا..قاتلي تروح بلخف و تولي
ايهاب: ممممم
طلعت راصها ليه بالزربة..
مروى: سامحتني ؟؟
ايهاب: مروى روحي
مروى: بصح م...
ايهاب: قتلك روحي
عضت شفتها و هزتلو براصها ايه و هبطت راصها و راحت..غلق الباب و حط السنيوة فوق لاطابل دو نوي و ترمى عالكرسي لي مقابلها طلع راصو ليه..عوج فمو يتحلف فيها..
~•~•~•~•~•~•~•~•~•
فتحت عينيها تتحرك فوق لفراش..حطت يدها على راصها لي تحس فيه ينغز فيها..اول ماتلفت قابلها واقف قدامها..عينيها تحلو على وسعهم..تهزت و تنفظت جات تقعد حط يديه على كتافها ردها للور..رجعت راقدة على ظهرها و هو واقف فوق راصها..عينيه فعينيها بلعت ريقها بالسيف..
عايدة: اي..ايهاب
هزلها براصو واش..
عايدة: ان..انا م...
مقدرتش حتى تكمل كلامها وقت نزل بعينيه لكرشها..لا اراديا رفدت يدها باس تحطها عليها..اما كان اسرع منها..بحركة خفيفة شدلها يدها و طلع فوق السرير ا جونو..قلبها دق بالقاوي..كبست بيدها عليه..
عايدة: ايهاب واش رااك دير
مردلهاش..طلع التريكو و نزل عليها اكثر..من غير سابق انذار حط شفافو على كرشها..عينيها خرجو و قلبها خرج معاهم..دغديغة سرات فكامل كرشها و جسمها رعس تحتو..شداتو من شعرو بقوة..
عايدة: اي..ايهااب راك مدروڨي !!
عمل روحو كلي مسمعهاش..شدها بيدو من تريكوها يطلع فيه و يدو الثانية تفتح فقفالي سروالها بهدوء..عرفاتو مراحش يبعد حتى يكمل..غمضت عينيها و خلاتو جيست كبست على شعرو اكثر و هو يطبع فبوسات هاديين على كرشها..هبلها و هبل معاها..كأنو مكانش فوعيو..ساكتين فيزوج..محكر حتى حرف جيست خلاها تتفاعل معاه كيما كل مرة و خلى بدنها ينتاغم معا بوساتو الهاديين لي طبعهم فكل انش من جسمها..هاادي و هايج فنفس الوقت..كيف البحر بالنسبة ليها لا قدرت تفهم واش مخبي داخلو ولا قدرت تقاومو..كأنو مواح قاعدين يغرقو فيها داخلو..تمتم بين شفافو و هو يبوس فيها من رقبتها..
ايهاب: ممم تهبلي بصح اصبري نكملو خدمتنا و نتفاهمو على عمايلك..
★★★