عينيها مرشوقين فالسقف..يد على كرشها و يد على جبهتها..حكت عينيها من ضوء الشمس لي داخل من هاديك التاقة..كلامو تاع لبارح مزال يتعاود فودنو..تنهدت بحرقة..دموعها نشفو..ليل كامل و هوما ينزلو وحدهم حتى عينيها ولاو يحرقو..تفتح الباب..تلفتت بعينيها ليه..
طاحت عينو فعينها..نزل عالارض حط الصاشيات و هي مركزة معاه..تتخيل فروحها كانو بين يديها و قاعدة تخنق فيه..
ايهاب: البسي و اطلعي لفوق
عايدة: علاه
تبسم بخبث يحكي بتڨوعير..
ايهاب: حابة تبقاي بهاديك الشوميز ؟ معنديش مشكل تسهلي عليا الامور اكثر نطلعها بالساهل و نلعبو عالخفيف
عضت لسانها مالداخل..غمضت عينيها بقوة و رجعت حلتهم..تقعدت فبلاصتها..
عايدة: مسقسيتكش علاش نلبس سقسيتك علاه نطلع لفوق
ايهاب: عندنا خدمة
غمزلها..جسمها رعش..برودو يخلي جسم الانسان يقشعر..و طريقتو فالهدرة لي ما بين الجمود و الاستهزاء تخلي الرعب يعشش فقلبها..رجع حكى..
ايهاب: راني نستنى فيك..
رمى كلمتو و رجع خرج..خذات نفس طويل..مبقاش عندنا حاجة تخاف عليها..كلش سرقو منها..والديها..حياتها و راحة بالها..و حتى شرفها و فرحتها..رفدت روحها وقفت..قربت لهادوك الاكياس نزلت عندهم تحوس فيهم..عينيها و ساعو و هي تشوف فالملابس الداخلية من كامل الالوان..كبست عليهم لين يديها..تمتمت بين شفافها..
عايدة: خامج..
جبدت سروال جين و تريكو ابيض لقاتهم لداخل و كلاكات و رمات لي بقى عالسرير..دخلت لدوش..وقفت شوية عند لمرايا تشوف فروحها..رفدت يديها فتحت قفالي الشوميز و نزلتها بلعقل..قلبها تزير و هي تشوف فاثار بوساتو لي مزالهم على رقبتها و صدرها و حتى كرشها و فخاذها..تفكرت الليلة لي دمرها فيها..رعشة و سرات فبدنها..نزلت دمعة سخونة من عينها..رفدت يدها بالزربة مسحتها..و تبسمت بوجيعة تحكي معا روحها مقابلة لمرايا..
عايدة: متبكيش على لي راح..وجدي روحك باش تخلفي الثار ملي جاي..
دخلت تحت الماء..تغسل فلحمها..تمنات لوكان جاو حتى الاثار لي خلاهم عليها يتنحاو تحت الماء..تدوش و تمتم بين شفافها..
عايدة: نكرهك ايهاب..
عملت دوش بالزربة..رمات يدها للمنشفة لفتها على شعرها و خرجت لبست كيما جات..نشفاتو شوية و رماتها عالارض..عفست عالشوميز تاعو لي عالارض بغزول و خرجت مالبيت..طلعت هادوك الدروج..قابلها واقف معا راجل لابس عباية حمراء يبان كبير فالعمر قاعد عالكرسي..تلفت ليها..تبسملها بهدوء..ڨحرتلو عقدت حوابجها..حكى بصوت حنين..
ايهاب: ارواحي يا روحي ارواحي كنا نستناو فيك
فمها تحل..تلفتت بالزربة تشوف موراها..مستوعبتش انو قاعد يحكي معاها..عض لسانو مالداخل يمنع فضحكتوو هويشوف فيها كيفاه مصدومة فيه..قاطع صدمتها الراجل لي رجع حكى..
_ارواحي بنتي متخافيش مجيتش نأذيك راح نجمعكم فالحلال برك
فمها تحل اكثر وقت ستوعبت لي صاير..و انو لي قدامها جاي من البلدية باش يزوجهم..قلبها عصر عليها..و الدموع تجمعو فعينيها فثواني و هي تشوف فايهاب بكل حقد متوقعتش يعملها بهاد السرعة..غمزلها ببرود..حكى بصوت مكبوس يهدد فيها..
ايهاب: مطولة لتم حبيبتي ؟! اكيد حشمتي..تحبي نجي نجيبك !؟
بلعت ريقها بالسيف..الدنيا دارت بيها..رمات الخطوة بالسيف جيهتهم..تبسم هو ببرود و رجع حكى معا الراجل..
ايهاب: قتلك تموت عليا..
ضحك معاه هاداك..اما هي فكبشت على طرف التيشرب بيدها بكل قوتها..لوكان جات بيدها راهي دفناتو فارضو..خطوة للقدام و عشرة للور..حاجة فداخها قاعدة تقوللها اهربي..سلكي روحك من هاد المريض و متتزوجيهش
★★★
YOU ARE READING
نيران العشق
Romanceكرونيكات كريستال كرونيك باللهجة الجزائرية كتبتها ف 2019 و مكاش لي مسرقهاليش أيا جيت نحطها هنا _____________🔥#نيران_العشق🔥_____________ ❤حينما وقعت بيدي يا صغيرتي اشعلت بداخلي نيران عشقك و التهمتني بقبلاتك..لم تدركي يومها انني عشقتك و وقعت في ظلما...
