نيران العشق

الحلقة 28

فتحت عينيها بلعقل..رمشتهم شحال من مرة بهدوء..حركت صبعها..تنهدت براحة وقت قدرت تحرك رجلها حتى هي..حطت يديها عالسرير و رفدت روحها بلعقل منو..طاحت الغطا لي كانت مغطية بيها..هبطت راصها تشوف معا روحها غير بالدوبياس..غمضت عينيها بقوة و رجعت حلتهم وقت تفكرت لي صرا..رجعت شافت فيدها تفكرت كي كان يلعب بصبعتيها كبست قبضت شفتها..سؤال واحد يدور فراصها..تاع واش كان هاداك الدواء لي خلى قلبها يدق بهدوء مشي نورمال..فيقها من سرحتها الباب لي تفتح من غير مقدمات..رفدت لغطى هاديك بالزربة تغطي فروحها..تبسم على جنب و هو يشوف فيها..حط يديه فالجياب..يحكي ببرود
ايهاب: واش راكي تغطي ؟ علاه مزال كاين حاجة مشفتهاش
قلبت عينيها منو..كبست بيديها على لغطا..
عايدة: واش هاداك الدواء ؟
ايهاب: حاجة متخصكش
عايدة: كيفاه متخصنيش و انا قريب مت بسبتو
عوج فمو..رمالها الروب لي جابها قدامها..عقدت حواجبها..
عايدة: واش هادا ؟
ايهاب: البسيها و اطلعي
عايدة: علاه !!
تبسم على جنب..يحكي بتقوعير..
ايهاب: راح تروحي تبوسي يد حماتك..اتحركي معنديش النهار كامل ليك..
فمها تحل..غمزلها و خرج و خلاها هكاك فصدمتها..رجعت شافت فالروب هاديك تحكي معا روحها بصدمة..
عايدة: ا انا ؟ راح نقابل عايلة غامد بصفتي كنتهم ؟؟!!
~¤~¤~¤~¤~¤~¤~¤
طلعت هادوك الدروج..وقفت فاخر درجة طاحت عينها فعينو..ابتسامة عريضة ترسمت على وجهو..عض شفتو..كبست بيدها عالروب تلقائيا..قرب ليها و يحكي فنفس الوقت..
ايهاب: تعرفي نظن احسن نروحو لهاداك الفوتاي خير ما نروحو نشوفو وجوه ### هادوك
عضت شفتها و نزلت راصها..لوكان جات بيدها راهي ذبحاتو و رماتو للكلاب برا..ما حست غير بيدو لي شدت يدها بقوة..
عايدة: اااه
طلعت راصها ليه تحاول تفك روحها..قبل ما ترجع تحكي شدها من التالي تاع رقبتها و حط شفافو على شفافها..طبع بوسة عليهم و جبد روحو شوية..قلبها دق بالقاوي وسط صدرها..مقدىتش حتى ترجع تفتح عينيها..تحس فيدو باااردة على رقبتها..حط نيفو على نيفها..يحكي بصوت هادي..
ايهاب: ولا تعرفي نروحو دك ليهم و كي نرجعو عندنا الليل بطولو
بلعت ريقها بالسيف..رجع نزل بيدو ليدها..كبش صبعتيه فصبعتيها..فتحت عينيها طاحت عينو فعينها..تبسم بمكر..و تلفت يمشي و يجبد فيها موراه..و يحكي بإستفزاز..
ايهاب: مرتي تهبل
شدت لاغوب تاعها بيدها الثانية باش مطيحش و هو يجري فيها هكاك..تمتم بين شفافها..
عايدة: ### ## وليد ال#### خامج
حبس عند الطونوبيل..فتحلها الباب و رجع تلفت ليه بتبسم..
ايهاب: هايا مرتي
نطرت يدها من يدو بقوة..طلعت و غلقها موراها..ركبت و هي تنفخ بالقاوي..كلمة مرتي من عندو تحسها كيف الموس لي يتغرس فقلبها و عاارفة انو يديرها زكارة فيها برك..تغتح الباب قدامها..تلفتت للجيهة الثانية باش متشوفش وجهو..عض شفتو و هو يشوف فحركاتها..صح مخو قاعد يقولو يردها لدار و يقطع هاديك لاغوب البيضاء من على لحمها..تبسم على جنب من الافكار لي غزاوه و رجع ديمارا..
¤¤¤¤¤¤