نيران العشق

الحلقة 33

لاكثر من ربع ساعة و هو هكاك..يعدي فيدو بهدوء على ظهرها و يدو على شعرها يحاول يهديها..كابشة فيه بيديها فيزوج و تشهق..مشي عارفة بالضبط علاه قاعدة تبكي عندو مع انها مقتنعة 100٪ انو هو السبب فكلش صاري..نفخ بالقاوي وقت شافها محبتش تسكت..تمتم بين شفافو..
ايهاب: ايا ### ## هاد الدموع دك
جبدها شوية عليه..
ايهاب: متعيايش ملبكاء نتي ؟
حساتو كيف الكف لي يفقها على وضعها و فيقها انها كانت تبكي فحضنو..جبدت روحها بالزربة..ضربتلو يدو..طلعت عينيها ليه..
عايدة: والله يا وليد لالة خديجة قبل ما تدخل نتا لحياتي كنت فرحانة و دموعي مينشافوش..منهار عرفتك مزدتش عرفت الفرحة
قلب عينيه منها..عرفها راح تبدا الكاسيطا تاع العادة..منغير سابق انذار..ما حست غير و هي فوق كتفو و يتمشى بيها لدار..عينيها وساعو..
عايدة: هبططططني ايهاااب
ولات تخبط فيه فظهرو..كبس على فخاذها..عيطت ملوجع..
عايدة: ااااه
حكى بكل برود..
ايهاب: حاكم روحي بسيف معنتها اغلقي عليا ## فمك خير ما نقلب العقليا معاك
قبل ما الحق حتى تردلو..رماها عالسرير..تقعدت بالزربة..تحكي و دموعها مزال يهبطو..
عايدة: اخرج عليا منااا
مردلهاش..نحى صباطو بخفة و ترمى على ظهرو قدامها..تهزتو تنفظت..قبل ما تبعد شدها من معصمها و جبدها ليه بقوة..حط يدو على داريارها و لسقها فيه..
عايدة: اطلللق
مردلهاش..لف يدو الثانية عليها و قلبها تحتو..رجع معنقها و هي تحتو..جسمها كامل رعش..قلبها دق بالقاوي..نزل عليها اكثر..حط راصو على رقبتها..وشوشلها فودنها ببرود..
ايهاب: وليد لالة خديجة قالك نزيد نلقى ### تبكي و نزيد نشوف ## هاد الدموع ####
عينيها وساعو..غرست دفارتيها فجنابو بقوة و غمضت عينيها عصرتهم..تحاول تحبس قلبها لي قاعد يدق بالقاوي..تبسم وسط شفافو بهدوء و غمض عينيه كيف الطفل الصغير و خلاها هكاك تصارع فالشي لي قاعد تحس فيه..تحاول تقنع روحها انو قاعد يدير هكا خاطر مشي فوعيو و مدروڨي..
~•~•~•~•~•~•~•~•~•~
فتحت عينيها على اصوات غريبة و ضواوي داخلين من هاداك الشباك..رفدت يدها حكت عينيها..تلفتت يمين و يسار تحوس عليه..
عايدة: ايهاب ؟
عقدت حواجبها و الخوف بدا يتسلل لقلبها وقت ملقاتوش..اخر حاجة متفكرتها وقت رقدت و هو معنقها رفدت روحها بلعقل..خرجت مالبيت..طالعة بلعقل..كل ما تقرب للفوق الاصوات يزيدو كتر..حبست فنص الضالة هاديك..الظلمة غير اضواء الطونوبيلات لي داخلين من الشبابيك مضويينها..صوت طنوبيلات و بزاف هدرة..رجعت حكات بضوت يرجف..
عايدة: ايهااب راك هنا ؟..
واحد ما رد..قلبها خض بالقاوي وسط صدرها كي تأكدت انها وحدها فدار..قربت بلعقل من الشباك..رفدت الريدو طلت..عينيها خرجو وقت شافت رجال ايهاب مرميين عالارض و  بزااف رجال وحدوخرين دايرين خط مستقيم مقابلين الدار و مصوبين سلاحاتهم جيهة الدار..فمها تحل من الصدمة..مشي قادرة تستوعب لي قاعد يصرا..رجعت هبطت الريدو بالزربة..هزت راصها بقوة..تضحك بصدمة..مفاهمة والو..
عايدة: اي..ايهاب وين راك..ادا قاعد تخلع فيا والله ما راهو لعب هاذا
مكاش لي رد..للحظات حسابتلها قاعدة تنوم..فيقها على روحها صوت اول رصاصة كسرت الشباك قدامها..و الزجاج طاير فطل بلاصة..حطت يديها على ودنيها و عيطت بكامل صوتها..
عايدة: ااااااه ايهاااااب
★★★