نيران العشق

الحلقة 62

غلقت لافاست تاع السيرفات بلعقل..مروى تلملها فشعرها و لالة خديجة تلم فالطباسا و المواكل لي جابتهم لبارح فليل..اول ما كملت رفدتهم كامل..
خديجة: راح نسبقكم معا منصف لدار
مروى: اوكي انا نجي معا عايدة و ايهاب
هزتلها براصها و خرجت..كملت مروى عملت شعر عايدة لي تلعب بصبعتيها بهدوء..
مروى: عيدود ياخي راكي مليحة ؟
هزتلها براصها ايه..تفتح الباب..تلفتو فيزوج يشوفو فيه..اول ما طاحت العين فالعين هبطت راصها تجري..
ايهاب: سيبون ؟
مروى: وي كملنا
ايهاب: هايا مال
جا يقرب جيهتها باش يعاونها تهبط..سبقاتو بالهدرة..
عايدة: مروى تقدري تعاونيني ؟
مروى: اكيد يا روحي
قربت ليها شدتها من يدها و هبطتها بلعقل..قلب عينيه هو و فتح الباب..خرجو فيزوج..تعدات عليه من غير ما تشوف فيه حتى..خرجو لبرا و هو يمشي موراهم..ناس كامل يشوفو فيهم و يوشوشو..مكاش لي ميعرفش حكايتهم فالقرية..اول ما خرجو مالسبيطار دارت ليه مروى بالصدفة..عقدت حواجبها وقت شافت يديه فارغين..
مروى: وين راهي كابة لحوايج لي جابتها ماما لبارح ؟
هزلها بكتافو بلامبالاة..
مروى: اووه ايهااب نسيتهاا فالبيت ارجع جيبهاا
نفخ بالقاوي و عدا يدو على شعرو بغزول..
ايهاب: متتحركوش منا
هزتلو براصها ايه..رجع للبيت..تمتمت عايدة بين شفافها..
عايدة: اكيد راح ينساها اصلا عقلو غير فالفوتاي
مروى: انعم ؟
عايدة: والو
نزلت مروى عينها لكرش عايدة..حكت يدها عليها و تبسمت..
مروى: بدات تتكعبر شوية
ضحكت و عينيها لمعو..هزتلها براصها ايه..
_شفتي قتلك حاملة
_والله ما ولاو يحشمو
طلعو راصهم في زوج وقت سمعو لكلام..طاحت عينها فعين زوج نساء مقابلينهم و يوشوشو عليها مشي توشويش اصلا خاطر كانو يحكو بصوت عالي باش تسمعهم..اصلا لي يجوز يشوف فيها..عينيها تعمرو بالدموع..كبست مروى على يدها..
مروى: مديريش عليهم
نزلت راصها..كملو هوما يحكو..
_انا سمعت بلي مشي مزوجين
_حتى انا سمعت بلي عشيقتو..معندهاش علاش تحشم تتتف بنات اخر زمن
_الله يبعد هاد الاشكال على بناتنا..
عضت شفتها بقوة و دموعها نزلو..مروى قلبها تقسم..قرنت حواجبها بغضب..اول ما جات تحكي قص عليها صوتو موراهم..
ايهاب: لي راهي قدامك مرتي انا و لي فكرشها وليدي انا و اشرف منك و من بناتك..لمي فمك و #### من قدامها خير ما ندمك عالدموع لي نزلو من عينيها بسبتك
تلفتو كامل ليه..قلبها دق بالقاوي وسط صدرها..يشوف فيها و عينيه مرمشوش..مروى نفخت صدرها و ڨحرتلهم..
مروى: نظن سمعتو لي قالو ؟
شافو فيهم بنظرات يقطرو سم..
_امشي امشي خلينا نروحو مبقاش حياء
ايهاب: امسحي ## هادوك الدموع..مشي لي يسوى و ملي ميسواش يبكيك
★★★