قاعدين فوق هاديك الطابلة..مقابلين بعضاهم..راصها مرفداتوش..كاتب العدل قدامهم..زوج رجال من رجالو واقفين فوق راصو باش يشهدو..مشي مصدقة انو دار كلش بالزربة..حتى مشي عارفة كيفاه جاب وراقها..
_ايهاب غامد..تقبل الانسة عايدة الطاهري زوجة لك على سنة الله و رسوله ؟
طلعت راصها ليه بالزربة..طاحت العين فالعين..يشوف فيها بملامح هااادية و مرتاحة..فالوقت ليقلبها هي تحس فيه راح يخرج مبلاصتو..خرج هادوك لحروف من بين شفافو بكل برود..
ايهاب: اقبل
سفقو هادوك زوج رجال..و غمضت هي عينيها بقوة و رجعت حلتهم..
_الانسة عايدة الطاهري..تقبلي بالسيد ايهاب غامد زوج لك على سنة الله و رسوله..
بلعت ريقها..لكلام وحل فحلقها..تكى هو لتالي عالكرسي..فثواني عقلها رجع كل حاجة صراتلها من اول نهار شافتو فيه..من هاداك النهار لي خبطت فيه فسوق القرية و عينيها بقاو معلقين فيه لهاديك اللحظة من نفس النهار المشؤوم عرفت فيها انو هو لي قتل باباها..لاغتصابو ليها..ليماها لي تبرات منها بسببو..كلش رجعت تفكراتو كيف الفيلم..
_انسة عايدة تسمعي فيا !؟
تهزت و تنفظت على اليد لي تحطت على كتفها..شافت فيه بالزربة..قاعد بكل هدوء..حكى و عينيه مرمشوش..
ايهاب: خليها..اكيد زعفانة خاطر يمااهااا مشي حاظرة فنهار كيما هادا
زير على كلمة يماها..قلبها رعس و فهمت تهديدو بالحرف و المعنى..عضت شفتها بقوة تمنع فدموعها ينزلو..
_راح نسألك مرة اخرى..قابلة بهاد الزواج ؟
طلع حاجبو ايهاب بتڨوعير..غمضت عينيها و هزتلو براصها ايه بالزربة..
عايدة: قابلة..
رجعو هادوك سفقو..و ابتسامة عريضة خبيثة ترسمت على وجه ايهاب..
_و نتوما تشهدوا ؟
_نشهد
قرب الكتاب لايهاب وقع عليه..و زاد دناها ليها..
_وقعيلي هنا
فنحت عينيها..دموعها نزلو معاهم..رفدت يدها ترعش من غير ما طلع راصها ليه..سينيات..حطت الستيلو من يدها و رجعت هبطت راصها و هي كابسة بيديها على رجليها تمنع فشهقاتها انهم يطلعو..مشي مصدقة انها تزوجت بوحش كيما هو..وقف مبلاصتو..
_مبروك عليكم الزواج..
وقف ايهاب..صافحو و حطاو الدفتر العائلي فوق الطابلة..شارلو ايهاب بيدو على الباب..
_نتمنالكم السعادة و نتمنى يسامحوكم عايلاتكم و يفهمو انكم تحبو بعض..
ايهاب: راح يفهمو اكيد
تبسملو و خرج معا الزوج رجال لي كانو لتم..رجع هو تلفت ليها..
ايهاب: عجبك الدفتر العائلي تاعنا ؟
طلعت راصها على كلمتو و دموعها ينزلو وحدهم..تشوف معاه بكل كره..
عايدة: مفهمتش من واش مخدوم قلبك..كيفاه تقدر تبقى هاكا !
مردلهاش..قرب ليها اكثر..وقف قدامها رفد يدو عدا ابهامو على دموعها مسحهم بكل هدوء و هو يتبسم..دنات الكرسي للور مبعدة عليه..قلب عينيه..
ايهاب: نتي مشي مليح ليك لي يعاملك كي ناس ارواحي هنااا
عينيها خرجو..وقفت بالزربة من بلاصتها..هزتلو براصها لالا..تعدل هو فوقفتو..بحركة خاطفة شدها من معصمها و رماها بقوة عالفوتاي..
عايدة: ااااه
★★★
YOU ARE READING
نيران العشق
Romanceكرونيكات كريستال كرونيك باللهجة الجزائرية كتبتها ف 2019 و مكاش لي مسرقهاليش أيا جيت نحطها هنا _____________🔥#نيران_العشق🔥_____________ ❤حينما وقعت بيدي يا صغيرتي اشعلت بداخلي نيران عشقك و التهمتني بقبلاتك..لم تدركي يومها انني عشقتك و وقعت في ظلما...
