خلصت الطاكسي و نزلت تمشي بلعقل جيهة قبرها..اول ما لحقت ليه نزلت ا جونو قدامو..دموعها نزلو على خدها و هي تعدي فيدها على ترابها..
عايدة: ماما..ماما حبيبة توشحتك
شهقت بالبكاء..
عايدة: توحشتك بزاااف..توحشت نرقد عندك..توحشت حضنك..توحشت صوتك..
غمضت عينيها..دموعها نزلو اكثر..كبست على حفنة تاع تراب بيدها..
عايدة: تعرفي..موليتش نقدر نتفكر ملامحك بالتفصيل ماما..توجع بزاااف بصح منيش نقدر نتفكر ملامحك..سييت بزاف..سييت نبقى حافظتها..بصح مشي بيدي
رفدت يدها تمسح فدموعها..ضحكت بوجيعة..
عايدة: جيت باش نقولك اني حامل..جيت باس نقولك اني راح نكون ام و نتي مكاشك..تمنيت لوكان تكوني نتي لي تعلميني كيفاه ندوش لوليدي..تمنيت لوكان نتي لي تعلميني نڨمطو (لي فهمت هاد الكلمة فهمت و لي مفهمتش واش معنتها نڨمطو معندي ما نديرلك منعرفش مصطلح وحدوخر😂)نتي لي تعلميني نرفدو و نرضعو..تمنيييت ماما..
دموعها نزلو اكثر و اكثر..و ولاو شهقات عاليين فهاديك المقبرة..حطت راصها على الشهدة تاع الاسم..
عايدة: نوعدك اني راح نحبو..رغم كلس انا راح نحبو..راح نعطيه كامل الحب لي عطيتيهولي..راح نكون ام مثالية ليه كيما كنتي نتي ام مثالية ليا..نوعدك ماما..
حطت يدها على كرشها..تبكي بحرقة..تتفكر فيها..فكلامها..ضحكتها..صوتها و لمساتها..اما فلحظة تعدا اخر كلام ليها على مسامعها..كأنو كف و فيقها على روحها.."مشي ايهاب..مشي هو لي ق...."..عقدت حواجبها..مشي قادرة تفهم ولا تسوعب..انك تتفكر عبد مولاش فالدنيا..و تتفكر انو كان حاب يقولك حاجة و مقدرش..يمكن يكون اصعب احساس يعصر القلب..خصوصا ادا كان لي راح هو يماك لي عطاتك الحياة..تنهدت بحرقة..
عايدة: علاه مكملتيهاش..علاه رحتي و خليتيني هاكا..واش كنتي حابو من عندو..علاه جيتي تحوسي عليه هاداك النهار..و علاه خليتيني هاكا محروقة اا ماما علااه
طلعت راصها لسماء..خذات نفس طويل..تحاول تتنفس..قلبها تحس فيه مزير..و سخانة طالعتها من رجليها..ودنيها تحس فيهم راح يطرطقو بالسخانة..ستندت بيديها عالارض وقفت..الارض راحت بيها و ولات..غمضت عينيها بقوة و رجعت حلتهم تحاول توازن روحها..مسحت دموعها بيدها..تبلبزت حالتها اكثر بالتراب..تمشات بخطوات صغار بالسيف..تحس فابدنيا تدور بيهاة مسي فاهمة علاه..من سوية برك كانت لاباس بيها..حطت يدها على كرشها..شادة روحها بالسيف باس متردش..اول ما خرجت من لقبور لطريق شدت بيدها فالشجرة..تشوف فالارض تتحرك تحتها..غمضت عينيها و رجعت حلتهم شحال من مرة تحاول تفيق..تحوس بعينيها على كاش عين تشرب منها لماء..
عايدة: يا ربي عاوني..يا ربي..
جات تعمل خطوة وحدوخرا..رجليها ترخفو و معادوش حاملينها..كبست بيديها على كرشها خايفة غير طيح و كاشما يصرا للبيبي..ما حست غير بيد تلفت على كرشها و صبعتين تشابكو معا صبعتيها..جبدها ليه بلعقل جا ظهرها على صدرو و يدو ملفوفة على كرشها..عرفاتو..تنهدت براحة..كأنها حساتو قاعد يقوللها ارتاحي انا نحميه..تكات راصها على كتفو..رفد يدو عداها على وجها يرجع فشعرها للور بلعقل
ايهاب: واش بيك ؟
عايدة: دي..ديخانة
نفخ بالقاوي..
ايهاب: صايي راني هنا
مردتلوش..بحركة خفيفة لف يدو تحت فخءها رفدها فحضنو..جا راصها على كتفو..كبشت فيه بيديها..كبس عليها و تمشى لطونوبيل و هو يتمتم..
ايهاب: ولي لاباس و فيقي و منبعد نتحاسبو على ## هاد الخرجة وحدك
★★★
YOU ARE READING
نيران العشق
Romanceكرونيكات كريستال كرونيك باللهجة الجزائرية كتبتها ف 2019 و مكاش لي مسرقهاليش أيا جيت نحطها هنا _____________🔥#نيران_العشق🔥_____________ ❤حينما وقعت بيدي يا صغيرتي اشعلت بداخلي نيران عشقك و التهمتني بقبلاتك..لم تدركي يومها انني عشقتك و وقعت في ظلما...
