ضامة روحها و قاعدة عالارض..رجليها مشي قاعدة تحس بيهم..عينيها مرشوقين فهاداك السرير لي رجع كيف الخريطة..طلعت راصها على صوت الباب لي تفتح طاحت عينها عينيه الفارغين لي يسوفو معاها..هزها و حطت و تبسم بين شفافو من منظرها المغري..اما هي فمتهزت منها حتى شعرة..تشوف معاه..حك لحيتو..
ايهاب: تعرفي بمنظرك هادا راهو يقولي راصي نرميك على هاداك السرير و نعاود ####
غمضت عينيها بقوة و رجعت حلتهم..جسمها كامل رعش..كبست بيديها على طراف الشوميز..تمتمت بين شفافها..
عايدة: خامج
قرب لجيهاها خطوة عينيها وساعو..حتى محستش لروحها كيفاه ناضت..
عايدة: وااش راك دييير
رمى يدوليها شدها من معصمها بقوة حتى تأوهت من غير شي يديها مزلوحين من لحبيلة..خبطت فصدرو بقوة..جات تبعد حط يدو على داريارها ملور و لسقها فيه..يحكي فوجها..
ايهاب: منيش لاتي باش #### دك اصبري نرد ختي و بعدها نتلهى بيك
دموعها رجعو نزلو..رفدت يدها تخبط فيه فصدرو..
عايدة: بعد عليااا حراام عليك..والله حراامعليك لي تعمل فيييه
قلب عينيه منها..ضربها بكف يدو على داريارها..
عايدة: اااااه
جبد روحو عليها و تمشى يجبد فيها موراه..مقدرتش تمشي..وجيعة قوية تقتل فيها..حبست عند الباب..شدت فكادر الباب باش تحبسو..
عايدة: حبببس..تعيش حبس لالااا مقدرتش حببس..
قلب عينيه منها..حط يدها لي شادها على كتفو و نزل عليها اكثر..حركة خفيفة جا رافدها على حضنو..
عايدة: هبطني متقيسنييش
كبس على فخذها..و كمل امشى و هو يحكي ببرودة اعصاب..
ايهاب: متخليش ### نبدل رايي و نحطك هنا ف## هاد الدروج و نكمل نعوقك تاع الصح
بلعت ريقها بالسيف..جسمها يرعش بين يديه..قلبها يضرب بالقاوي..خايفة و ميتة من خوفها لا عارفة واش حيصرا ولا وين دايها..كابسة عليه بدفرتيها..لوكان جات بيدها راهي غرستهم فرقبتو و خرجت شرايينو و قطعتهم بين يديها..
اما هو فيتمشى ولا على بالو و مستمع برعشة بدنها بين يديه..فتحولو باب الطونوبيل الحراس لي عند الباب..دخلها و غلقها فوجها..رفدت يدها بالسيف تسمح فدموعها..تحكي فداخلها..
عايدة: اهدي عايدة..اهدي..مراحش تصرا حاجة اسوء من هاكا..
ركب..ديمارا من غير ما يشوف فيها..شافت فيه بنص العين..حطت يديها على رجليها تحاول تهبط هاديك الشوميز شوية..تلفتت للبلار و تكات راصها لتالي..سايي مبقاتش عندها قوة باش تقاوم..و حتى المقاومة مولاتش تنفع دك..كيف الجثة غير دموعها نازلين..كأنها ميتة..تستنى غير وقتاه يحطوها فلقبر..موتها ولات حاجة مضمونة..فاقت من سرحتها وقت رمالها تيليفون لحجرها..شافت فيه بالزربة..
ايهاب: فيلم شباب راح يعجبك
عقدت حواجبها مشي فاهمة !! حاساتو مهبول..هبطت راصها لتيليفون بالزربة وقت سمعت صوت يماها..عينيها وساعو..رفدت التيليفون بالزربة..تسوف ففيديو لايف..يماها و حتى عمها و رائد و مروى..مقابلينهم احمد و خالد و حتى كبار مجلس القرية..شهقت و حطت يدها على فمها وقت لاحظت النقطة الحمراء لي فراص يماها..
عايدة: و وااااش هادااا !!
رجع هو حكى من غير ما يشوف فيها..يسوق بكل هدوء..
ايهاب: نظن فهمني واش راح يصرا لوكان نسمع صوتك لتم !
دموعها رجعو نزلو اكثر و اكثر..تلفتت ليه بالزربة و فمها محلول من الصدمة..
عايدة: حرااام عليك..والله ماا راك انساان
قلب عينيه منها..و زاد فالفيتاس اكثر..
ايهاب: صوتك منسمعوش كي نوصلو و رجلك متتحطش برا هاد الطونوبيل ادا حبيتي تعدا على خير..
★★★
YOU ARE READING
نيران العشق
Romanceكرونيكات كريستال كرونيك باللهجة الجزائرية كتبتها ف 2019 و مكاش لي مسرقهاليش أيا جيت نحطها هنا _____________🔥#نيران_العشق🔥_____________ ❤حينما وقعت بيدي يا صغيرتي اشعلت بداخلي نيران عشقك و التهمتني بقبلاتك..لم تدركي يومها انني عشقتك و وقعت في ظلما...
