نيران العشق

الحلقة 84

واقفين عند الطونوبيل برا..حاط يدو على كتفها يودعو فيهم..
خالد: رد بالك على روحك
خديجة: عليك على تواصل معانا
ايهاب: مممم
قربت مروى عند عايدة..حضنتها بالقاوي..
مروى: راح نتوحشك
عايدة: حتى انااا
جبدت روحها عليها..حطت يدها على كرشها..
مروى: ردي بالك على وليد خويا
ضحكت معاها..قرب ليها منصف..
منصف: ادا كاشما دارلك عيطي نكرفصو..
ضحكو كامل من غير ايهاب لي قلب عينيه و لمياء لي واقفة فطرف تسب و تلعن..شاف منصف فمروى لي فهماتو و قربت بالزربة عند ايهاب حضناتو فالوقت لي هو ستغل الفرصة و دنا ليها اكثر عامل روحو قاعد يحكي معاها..رمى الورقة فجيبها..
منصف: ورقة الطبيب..حوسي عليه لتم
بلعت ريقها..هزتلو براصها ايه بالزربة..
ايهاب: هايا خلينا نروحو..
خديجة: بسلامة..
احمد: سوق بلعقل و رد بالك على حفيدي
هزلو براصو ايه..طلع لطونوبيل و لحقاتو حتى هي..ديماراو و هوما يودعو فيهم..اول ما بعدو رمات موراهم لالة خديجة طاسة تاع ماء..
مروى: راح نتوحشهم
شافت خديجة فلمياء لي صوتها مطلعش تقول بكماء..
خديجة: هادي حالة لي يخطط لحاجة و تتقلب عليه...تقدري دك تستمتعي بالسياحة تاعك على خاطرك..
ضحك منصف و مروى..اما هي فنفخت و دخلت لدار بالزربة مستحسل تبقى معاهم بعد ما راح ايهاب..
~•~•~•~•~•~•~•~•~•~•
متكية للور تشوف معا الطريق..عقلها بعيد و مشي عارفة بالضبط وين..حست بيه قاعد يزيد فالفيتاس..تلفتت لعندو..
عايدة: ايهاب واش بيك ؟
مردلهاش..عينيه مركزين معا الطريق..تلفتت بخوف تشوفوين راهو يشوف..عينيها خرجو وقت طاحو على حاجز محطوط فنص الطريق و طونوبيل كحلة قدامو..
عايدة: ايهاااااب رد بااالك
ايهاب: شدي رووووحك
شدت فطراف الكرسي..غمضت عينيها بقوة..
عايدة: شكووووون هادووو
مردلهاش..زاد فالفيتاس اكثر..كان متأكد انو سعد راح يدير حاجة..اول ما لحق لعندهم جبد سلاحو من خصرو..شارجاه و خرج يدو من التاقة و دور الفولون 360° نعطف لطريق فرعية و طلق زوج رصاصات شتتهم بيهم فنفس الوقت..
قلبها خرج..فتحت عينيها على وسعهم معا صوت الرصاص..
عايدة: ااااا ايهااااب
طلق الفولون و رمى يدو لمور رقبتها جبدها لعندو هبطلها راصها حطو فوق رجلو و رجع شد الفولون بالزربة..
ايهاب: مطلعيييش رااصك حتى نقولك..
خرج يدو من التاقة..يفيزي عليهم و هوما موراه لاحقينو..طااير فالطريق..شدت بيدها فرجلو بقوة و غمضت عينيها..شاف معاها و رجع شاف فيهم و هوما يتبادلو فالرصاص..
ايهاب: متخافيش ### متخااافيييش
كبست عليه اكثر..عيطت من الخوف من غير ما تحس..
عايدة: منيييش خاايفة رااك معاياا منخااافش
ضحك على جنب فوسط الحرب لي قايمة..مجنون و كملت عليه هي..
★★★