نيران العشق

الحلقة 7

طلعت فوق لافابو تفارع فالتاقة باش تفتحها بالسيف باش قدرتلها..تنهدت بفرحة..ثواني و تمحات فرحتها وقت سمعت صوتو..
ايهاب: مزااال
رجعت حكات بالزربة..
عايدة: قتلك كرررشي اصبر شوية
نفخ بالقاوي..هز راصو بغزول..
ايهاب: عندك دقيقة فيدك..متخرجيش ندخل
عضت شفتها و تنفظت مبلاصتها طلعت فالحيط خرججت راصها و نصها الفوقاني..حطت يديها تحاول دز روحها باش تكمل تخرج..
عايدة: ياا ربي عاوني..يااا ربي سلكني
طلعت الجونو تاع رجلها اليسرى حطاتو على طرف التاقة..مبقالهاش و تخرج..
رجع هو شاف فساعتو..
ايهاب: 59..60..خلاصت دقيقتك
من غير مقدمات فتح الباب و دزها عينيه وساعو وقت قابلاتو و هي شعرة و تخرج و عينيها خرجو من صوت الباب لي تفتح..ولات تفرفط باش تكمل تخرج و ما حست غير بيدو لي تحطت على داريارها و صبعتيه لي كبسو عليها و تغرسو فلحمها..تجمعو الدموع فعينيها..
ايهاب: ### ##
عايدة: اطللللقني
رفدت رجلو الثانية باش تضربو بيها كبس على فخذها و جبدها للداخل جات فوقو و حاكمها ملور ولات تفرفط بين يديه..و تخبش فيه..رجع ضربها بكف يدو على داريارها بكل قوتو..
عايدة: اااااه
شدها من شعرها مرة وحدوخرا و دورها ليه لسقها فيه..
عايدة: نحي يدك لموسخة عليا ننننحي قتلك
قبل ما تكمل تحكي شدها من فكها بقوة..يححي ببرود كيف عادتو..
ايهاب: واش كنتي راح تديري !
بدات تزغد فوجها باش يطلقها..نزل راصو لرقبتها فوق صدرها بسنتمترات عضها بكاامل قوتو بكل كره و وحشية سنانو تغرسو فلحمها..طلعت راصها للفوق ملوجع غلقلها فمها مخلاهاش حتى تعيط..عينيها خرجو و سنانو مزال فرقبتها لف يدو على خصرها ثبتها و هي لاسقة فيه..دفارتيها يخبشو فيه باش يطلق..اول ما حست سنانو خرجو من رقبتها دزاتو بكامل قوتها للورو خرجت تجري مالدوش و تعيط..عدا لسانو على شفافو اول ما بعدت و لحقها يمشي بهدوء..
لسقت فالحيط ترعش و طلع فالتيشرت تاعها باش تخبي رقبتها..اول ما شافتو يقرب لعندها بعينيه لفارغين و ملامحو الباردة النفس حببس فيها..
عايدة: حبس..حبببس متدنااش ليا والله والله ما زيد نتحرك متدناش ليا
وقف فبلاصتو يشوف فيها كيفاه تترعد و لونها مخطوف تبسم على جنب بشماتة..
ايهاب: هاد المرة جازت بدربة لـ##### و عضة نحلفلك غير المرة الجاية #### و نرميك لبرا يكملو عليك
قلبها رعش وسط ضلوعها..شهقاتها طلعو..رجع هو قرب منها خطوة يحكي..
ايهاب: فهمتي ولا نديرلك عرض تجريبي وحدوخر ؟!
هزتلو براصها ايه بالزربة..عض لسانو مالداخل يمنع فضحكتو على خوفها و منظرها هادا و هي تترجى فيه يخليها لي يسوى الدنيا بالنسبة ليه
ايهاب: نحب نسمع صووتك
رجعت حكات و هي تشهق..
عايدة: فهمت..فهمت والله فهمت
ايهاب: حتى ادا مفهمتيش عادي نحب العروض التطبيقية اناو حتى لوكان تخرجي من هاد البيت مراحش تخرجي من هاد الدار عالاقل مراحش تخرجي حية..و نحب نعلمك حتى الرجال لي برا يحبو التطبيقي
غمزلها..رجليها ترخفو و نفسها تقطع..رجع تلفت و خرج و خلاها..قربت بالسيف لسرير ترمات عليه..تبكي بالشهقة و شايدة بلاصة العضة لي تنغز فيها..مسح بكرامتها الارض..مشي فاهمة منين جاب جرأة لي وصلت بيه يدنى لوحدة من بنات القرية..تبكي و تسب فيه و تلعن فزهرها..كلمة وحدة تتعاود بين شفافها..
عايدة: نكرهك ايهاب..نكرررهك ### ##..موتك على يدي يالـ###
★★★