نيران العشق

الحلقة 65

جبدت روحها بالزربة..وجها رجع حممر كتر من الدلاع (😂😂) ملقات وين تخبيه..عطاتو بالظهر و طلعت تجري للبيت..دخلت رمات الجيلي و دخلت تحت الغطا و دارت للجيهة الثانية عاملة روحها راقدة..حطت يدها على قلبها لي تحس فيه راح يحبس..تمتم بين شفافها..و عينيها تعمرو بالدموع..
عايدة: اششش حبس..حبس مدقش ليه..ليه بالذات متدقش حبس..
تفتح الباب..غمضت عينيها بقوة..و كبست علغطا..عرفها مشي راقدة..
ايهاب: مشي قلتي تخافي تهبطي وحدك ؟ شفتك طلعتي وحدك و مخفتيش
عضت شفتها و تمتمت بين شفافها..
عايدة: قلة الادب لي فيك تنسي العبد فاسمو كيفاه مننساش الخوف
حست بيه وقت ترمى عالسرير..تكمشت فبلاصتها اكثر..رجع هو حكى..
ايهاب: متزيديش تجري
بلعت ريقها بالسيف..مشي عارفة من واش مخدوم هاد الانسان..مرة يكون حنين معاهت و مرة كيف الوحش..مرات تحسو كأنو يكون راح يولي يحس اومبعد يتصب عليه الماء و يرجع بارد..لا قدرت تفهمو ولا قدرت تفهم روحها..
~•~•~•~•~•~•~•~•~•~•~•
فتحت عينيها بلعقل تتكسل..حطت يدها جيهت بلاصتو..عقدت حواجبها وقت لقاتها فارغة..شافت معاها لقاتو مكاش..
عايدة: كيف الشبح لا يعمل صوت ولا يخلي اثر كي يخرج
عوجت فمها و تقعدت فبلاصتها..وقفت بلعقل..قربت للخزانة دات روب خفيفة و دخلت لدوش..ريڨلات امورها و بدلت و خرجت..اول ما فتحت الباب قابلتها مروى تحط فالماكلة عالطابل دو نوي..
عايدة: بونجور
مروى: بونجور عيدود
عايدة: علاه جبتيه كنت راح نهبط
مروى: حبيب قلبك وصاني يا روحي قالي قالت الطبيبة ترتاح هاد اليومين
طلعت حواجبها..
عايدة: ايهاب قالك هاكا ؟
مروى: مممم
عايدة: لغز القرن الواحد و العشرين
مروى: شكون ؟
عايدة: خوك شكون مثلا ؟
مروى: علاه ؟
تنهدت..قربت جيهة الماكلة..رفدت قطعة فرماج كلاتها..
عايدة: والله ما فهمتو
مروى: علاه واش دارلك ؟
عايدة: نسقسيك ؟
هزتلها براصها ايه..قعدت عالسرير تاكل و تهدر..
عايدة: غير انا لي يبانلي برودو مشي طبيعي ؟؟ يعني ردة فعلو عالامور غير انا لي نحسها جامدة كأنو معندوش احاسيس ؟؟؟
سكتت مروى تفكر..هزت بكتافها..
مروى: مكانش هاكا والله..
عايدة: حابتني نصدق بلي كان يحس مثلا ؟
مروى: والله ما كان هاكا..تعرفي كي كنا صغار كان كي يطيح منصف و يتجرح هو يبكي في بلاصتو
سعلت بالقاوي..الماكلة حصلتلها..زربت مروى عمرتلها كاس ماء اطاتهولها..شرباتو فرد مرة..خبطتلها فظهرها..
مروى: بعقلك
خرجت عينيها فيها..مشي مصدقة و حتى عقلها مقدرش يتخيل المنظر..
عايدة: ايهاب يبكي ؟؟؟؟
هزتلها براصها ايه..
مروى: بصح تبدل نظن مور ما دار العشر سنين رجع ميهمتش بزاف و يتصرف ببرود بصح مسي كيما دك..بعد ال25 سنة لي رجع بارد هاد البرود لي مشي طبيعي..كأنو زر Off طفا بيه مشاعرو
سكتت عايدة شوية تقلب فكلامها فمخها..ضربت فراصها..عينيها تحلو على وسعهم..تنفظت مبلاصتها..
عايدة: الدواااء هاداك
★★★