نيران العشق

الحلقة 77

رافد لافاست تاعو فوق كتفو و شايدها بزوج صبعتين..اكمام الشوميز طالعين..شعرو يدي فيه الريح يمين و يسار..تعدا قدام لقصر هاداك..صوت لغناء داير حالة..و الناس داخلين خارجين..دراري صغار يجاراو..فهم بلي عرس..سكت شوية يفكر..من يومين مكلا حتى حاجة..هز كتافو و دخل..طاحت عينو فالعرسان لي فنص الساحة..تبسم على جنب و قرب لطاولة الماكلة..رفد طبسي و مغرفة من كل نوع يدي حاجة  يتبنن كانو عوام مكلاش..حبس قدام زوج انواع تاع حلويات..عوج فمو حاير..
_توك توك..هادي ولا هادي
رجع هز كتافو و رفد الاولى كلاها..رمى يدو لثانية..اول ما رفدها حواجبو تعقدو وقت طاحت عليها شعرة قصيرة..عض لسانو مالداخل..فهم انو كاين واحد لفوق..اما لي مفهموش انو مكاش طابق فوق وين محطوطة الطابلة..رجع حط الحلوى من يدو..حط يدو قدام وجهو كأنو يشوف فالساعة..فالوقت لي هو كان يشوف شكون كاين فوقو من خلال الساعة (انعكاس الصورة)..عوج فمو وقت طاحت عينو فرأس تاع بندقية قناص..ضيق عينيه و تبع البندقية بهدوء لوين موجهة..طلع حواجبو وقت لقاها موجهة لراص عايدة لي واقفة معا ايهاب و هو يحكي معا ناس..
_يعني دك انا بالسيف باش لقيت وين ناكل..جاي تخسرلي فالعرس و حاب تقتل لعروسة ؟؟
من غيى ما يفكر..كبس عالطبسي الفارغ فيديه..و قرب جيهتهم بلعقل..
ايهاب حس بواحد يقرب جيهتو..تلفت بالزربة..طاحت العين فالعين..رمش هاداك بعينيه يطمن فيه و جاز قدامو و همسلو فودنو..
_كاين قناص راهو يستهدف فلعروسة كي نقول 0  هبطلها راصها لتحت و هبطو ريصانكم كامل..مدير حتى حركة راح يفيق بينا
كيف سطل الماء لي تكب على ايهاب..تكوانسا فبلاصتو..لف يدو على خصر عايدة بالزربة..طىعت راصها ليه..
عايدة: واش بيك
مردلهاش..جيست يشوف فلفراغ و مسمر فبلاصتو..
_5..4..3..2..0 هايا
اول ما قال 0 حط ايهاب يدو على راصها و هبطو بالزربة..
ايهاب: اهبطوووووو كااامل
بحركة خفيفة و فثواني..طلع هاداك راصو..و قبل ما يلحق القناص يتيري تيرا عليه الطبسي لي فيدو كي السهم و ترمى عالطابلة طيحها و تخبى موراها باش يحمي روحو..خبط الطبسي فيد القناص و زلقتلو البندقية لسماء و نطلقت رصاصة فسماء..
عايدة: اااااااه
حضنها ايهااب بالقاوي و خباها عندو..الناس ولات تعيط و تتجاارا باش تخرج..جبد ايهاب سلاحو بالزربة و طلع راصو للقناص لي شاد يدو ملوجع..طلق الرصاصة لي جاتفنص راص القناص..تقلب من السطح و طاح عالارض و صوت لعيااط زااد و على اكثر..الناس كلهم هاربين..و الااة خديجة فلكوانة مخبية راصها..و رائد شايد مروى لي تبكي بين يديه و مخبيها مور الحيط..و منصف شايد لمياء لي مخبية عندو..
تنفس ايهاب بالقاوي و عنقها اكثر..
ايهاب: خلاص جازت
طلعت راصها ليه ترعش..عدا يدو على خدها يمسح فدموعها..قرب شفافو ليها..باسها من جبهتها..غمضت عينيها بالقاوي و كبشت فيه..
ايهاب: متبكيش و راصك حاجة ما تصرالك معايا..
كلهم تلمو عليهم..
منصف: راكم ملااح !!
مروى: صراتلكم حاجة ؟
هزلهم براصو لالا..حط يدو على ظهرها سندها عليه و وقفها و وقف..
خديجة: صرات حاجة للبيبي !!
رائد: كاشما صرالكم عايدة !
هزتلهم براصها لالا..السي خالد و الجد احمد ترماو عالفوتاي يردو فالنفس من الخلعة..دور ايهاب عينيه عالبلاصة بالزربة يحوس عليه..خرج من مور الطابلة و وقف ينفض فحوايجو..
ايهاب: رااك مليح صاحبي ؟
دارلو بيدو مليح..شافو كامل فيه..اما هو فشاف فايهاب و غمزلو..
_رد بالك عليها
تبسم ايهاب فوجهو و ردلو الغمزة..
ايهاب: بيناتنا دين
ضحك هاداك و تمشى للباب..
ايهاب: وااش اسمك عالاقل
طلع يدو لسماء دارلو باي باي و يحكي..
_اسمي العميل اكس (X)
قال كلمتوو راح و خلاهم كامل حالين حايرين..(بنات اكس هادا هو بطل كرونيك لي راح نكتبها مور ما نكمل هادي😈حبيت تكون عندو دخلة سبيسيال😉و تكون عندو صلة بإيهاب💪💪راح تعيشو قصتو مور ما نكمل قصة عايدة و ايهاب😂)
★★★
باااه حطووولي نقرا اراءكم حطوو😈