نيران العشق

الحلقة 61

لحقاتو تجري..شداتو من يدو و دوراتو ليها..
مروى: واش قصدك بلي حكيتو لداخل ؟
رائد: واش حكيت ؟
مروى: علاه قتلو رد بالك من جيهة وحدوخرا ؟ فهمني واش صاري..
تبسم على جنب..قرب ليها بخطوة و هي مركزة معاه..نزل وجهو شوية ليها..رفد يدو رجعها مور ودنها بهدوء و ابتسامة مفارقتش شفافو..بلعت ريقها بالسيف..حكى هو بالهمس..
رائد: لي صاري انك لحقتيني تجري مشي باش تسقسيني خاطر عارفة انوخوك فهمني..لحقتيني غير باش تجيبي سبة تهدري معايا يا روحي
عينيها وساعو و فمها تحل..جبدت روحها بالزربة و طلقت يدو..ضحك و رجع حكى..
رائد: بصح عجبتني منك..حتى انا متوحشك
وجها راح الوان و جا الوان..رجعت تحكي بالزربة من التوتر..
مروى: كأنك كذبت الكذبة و صدقتها ؟ الغلطة تاعي لي جيت نستفسر منك
رائد: منذ متى كان الحب و الرغبة بالحبيب غلطة حبيبتي ؟
مروى: تحب نسفقلك نزار قباني على هاذ الشعر و نكافءك عليه ؟
رائد: مكالاه..اصلا وجودك هو احسن مكافأة فحياتي
بلعت ريقها بالسيف..عينيها تركزو فعينيه..عندو الرد لكلش..سكتو للحظات..فيزوج رجعت بيهم لذاكرة لوقت كانو معا بعض..نفس الجملة "نتي احسن مكافأة فحياتي"..تنهدت من غير ما تحس و فيقاتو على روحو..
رائد: مروى
مروى: مممم
قبل ما يرجع يحكي قاطعو صوتها ملور..
خديجة: مروووى
تلفتو فيزوج ليهم..طاحت عينو فعين سي خالد لي قرن حواجبو بغضب..قربت ليها هي و منصف لي معطاهش اهمية..
خديجة: وين راهي عايدة ؟
مروى: علاه بطيتو ؟
خديجة: كي قلتيلي سلكت قلت ندير كاش حاجة تاكلها قبل ما نجي
ضحكت كي لاحظت اهتمامها..
مروى: جدي مجاش ؟
منصف: تعرفيه ميقدرش يخلي المصنع
مروى: مشي جديدة عليه..لمهم هايا نديكم ليها
شافت فرائد لي مركز معاها و فنفس الوقت مقلق من سي خالد..يادوب تبسمتلو بسن شفافها كانها تودع فيه و تمشات قبلهم و لالة خديجة و منصف موراها..بقى يتبع فيها حتى غابت على عينيه..
خالد: مشي قتلك بعد عليها
تلفتت ليه ڨحرلو..قرب ليها وقف قدامو حتى غطى عليه الاكسجين ببدنو..يحكي قوجهو بهدوء و غزول باين من نبرة صوتو..
رائد: نتا بعدت عليها هاداك رائد لي معندو حتى دينار فجيبو..بعدت عليها هاداك اليتيم لي ميكسب والو من الدنيا..بعدتني و سرقت سنين من عمري..اما دك حاول تبعد عليها الراجل لي واقف قدامك ادا قدرت..
رمالو كلامو و ختمو بإبتسامة استهزاء خلاتو يرعس من الزعاف و راح و خلاه هكاك..كان حاب يقولو كلام اكثر بصح مشي حاب يخسر معاه..تمتم بين شفافو..
رائد: لوكان مكنتش نسيبي المستقبلي كنت ####
متأكد كيما متأكد من اسمو انو مراح تكون غير ليه..
★★★