'၀က်သားဖတ်ပဲ!!!!ရှန်းရှူ ကအပြစ်မရှိကြောင်းသက်သေပြနိုင်မယ်ဆိုရင်တောင် ဒီလူတွေက အဲ့ဒါကို လက်ခံမှာမဟုတ်ဖူး '
"မင်းက မြူခိုးတောင်ဂိုဏ်းရဲ့ တပည့်တစ်ယောက်ပဲ မင်းရဲ့အပြုအမူတွေက လမ်းမှားကိုရောက်နေမယ်ဆိုရင် ဂိုဏ်းချုပ်က အပြစ်ပေးမယ်ဆိုတာ ဖြစ်သင့်တဲ့ကိစ္စပဲ..ပြီးတော့ ဒီကိစ္စမှ မင်းက ဂိုဏ်းသားအချင်းချင်း အရင်တိုက်ခိုက်ခဲ့တာလေ..."
"ယွီရှောင်း...မင်းတပည့်ကိုကြည့်စမ်း..သူမက အစကတော့ ဂိုဏ်းသားအချင်းချင်းတိုက်ခိုက်တယ် အခုတော့ ဂိုဏ်းချုပ်ကိုပါ ပုန်ကန်နေပြီ သူမကိုပြင်းပြင်းထန်ထန်အပြစ်ပေးသင့်တယ် "
"သူမကို ငါတို့ဂိုဏ်းက အရမ်းကိုညှာတာပေးခဲ့ပြီးပြီ..ဒီကောင်မလေးရဲ့သန္ဓေကိုက ယုတ်ညံ့ပြီး ကျက်သရေမရှိဘူး..သူမကငါတို့ဂိုဏ်းအတွက်ပြသနာတွေကိုယူဆောင်လာခဲ့လိမ့်မယ်လို့ ပြောခဲ့တုန်းက မင်းကယုံမှမယုံခဲ့ပဲ...အခုကြည့်စမ်း..ဘယ်လောက်တောင်ဆိုးသွမ်းနေပြီလဲ..."
ယွီရှောင်းရဲ့အမူအရာကမပြောင်းလဲသွားပေမယ့် သူတကယ်ကို စိုးရိမ်နေကြောင်း မျက်နှာမှာ အထင်းသားပေါ်လွင်နေတယ်
သူက ရှီရှန်းအတွက် မားမားမတ်မတ်ရပ်တည်ပေးနေတုန်းပဲ"ဂိုဏ်းချုပ်ကသာ ရှောင်ရှူကို အရင်တိုက်ခိုက်ခဲ့တာပါ..သူမက ကိုယ့်ကိုကိုယ်ကာကွယ်ခဲ့ရုံပါပဲ "
"မင်း..မင်း .ဂိုဏ်းတူညီလေး...မင်း သိပ်ကိုမိုက်မဲလွန်းနေပြီ..."
ရှီရှန်းကယွီရှောင်းကိုအပြစ်တင်နေတဲ့သူတွေကိုကြည့်ရင်း အနည်းငယ်အံ့အားသင့်လာတယ်
'ငါ့ရဲ့ကံကြမ္မာက ကျက်သရေမရှိဘူးတဲ့လား... ယဲ့ချင်ချိုးက စကားလေးတစ်ခွန်းနှစ်ခွန်းပြောလိုက်တာနဲ့ ဒီလူတွေက အဲ့ဒါကို ယုံကြည်ပြီး ရှန်းရှူနဲ့ယွီရှောင်းကို အကြီးအကျယ်အပြစ်တင်နေတော့မှာလား......'
ရှီရှန်းရဲ့မျက်နှာအမူအရာပြောင်းသွားတာကိုမြင်တဲ့အခါမှာ ဖုန်းစီရဲ့နီညိုရောင်မျက်လုံးတွေက ကြမ်းကြုတ်လာတယ်
"ယဲ့ချင်ချိုးကို အခုခေါ်ထုတ်ခဲ့စမ်း...မဟုတ်ရင်မင်းတို့အကုန်သေမယ်"
YOU ARE READING
ရှီရှန်း ႐ွီ႐ွန္း Book 1 Arc 1 To Arc 4
Teen FictionUnicode သည်းထိတ်ရင်ဖိုဇာတ်လမ်းတွေကိုနှစ်သက်တဲ့ စာရေးဆရာမရှီရှန်းဟာ ရေးလက်စ စာအုပ်များစွာကို ရပ်တန့်ခဲ့တယ် မြောက်များစွာသော အဓိကဇာတ်ဆောင်တွေကို ၀မ်းနည်းစရာဇာတ်သိမ်းပေးခဲ့တဲ့ မိထွေးလို စာရေးဆရာမတစ်ယောက်ဖြစ်တယ် ဒီနေ့လို သာယာတဲ့နေ့မျိုးမှာ...
Arc 3.9
Start from the beginning