အပိုင်း(၁၂၀)
ကိုယ့်အလုပ်ကိုယ်လုပ်ကြ ပုံ/မင်းတို့အဖေSoft
ဒီနေ့တွင် လေ့ကျင့်ရေးပွဲတွေ ရှိသည့်အတွက် လုပေါ်ယွမ်က သုံးနာရီမပြည့်ခင် Livestreamကို ရပ်တန့်လိုက်သည်။
သို့ပေသိ Livestream ဗီဒီယိုကို ဒေါင်းလုတ်ဆွဲကာကျန်းရုန်နှင့်သူ့ကြားမှ စကားဝိုင်းအပါအဝင် သူ့'ချစ်သူ'နှင့် သက်ဆိုင်သည့်မေးခွန်းတွေအား သူပြန်ဖြေထားပုံကို အပိုင်းတိုလေးအဖြစ် တည်းဖြတ်နေကြသည့် လူအုပ်ကြီးကိုတော့ မရပ်တန့်နိုင်ပေ။ ပြီးနောက် သူတို့တွေက အင်တာနက်ပေါ်တွင် တင်လိုက်ပြီး သူတို့၏ ညီအစ်ကို ညီအစ်မတွေနှင့် မျှဝေကြတော့သည်။ ဒီအကြောင်းအရာက Hot Searchပေါ် ရောက်သွားဖို့ အချိန်သိပ်မကြာလိုက်။
တင်းကောသည်လည်း ဒီကိစ္စကို ကိုင်တွယ်မနေတော့ချေ။ ဒီအခြေအနေမှာ သူတို့အတွက် ဘူးခံငြင်းဖို့ရော HSကိုဖိနှိပ်ထားဖို့ရောက ကြောင်သူတော်ဆန်လွန်းနေသည်။ တကယ်တမ်း သူတို့က Esportsအသင်းသာ ဖြစ်ရာ တစ်ချိန်တည်းမှာ ကိုင်တွယ်ဖြေရှင်းစရာတွေက များလှသည်။
နေ့လည်ခင်း၌ သူတို့အတွက် လေ့ကျင့်ရေးပွဲသုံးပွဲ ရှိသည်။ သူတို့တွေ ကစားပြီးသည့်အခါ အပြင်ဘက်တွင် မှောင်နေပြီဖြစ်ပြီး လမ်းမီးတိုင်တွေက စတင်လင်းလက်ခါစ။
ဒီနေ့ညအတွက် ဒကာခံသူက လုပေါ်ယွမ်ပင်။ လာပို့သူ၏ဖုန်းဝင်လာတော့ လုပေါ်ယွမ်က ခဏလောက် ဖုန်းပြောလိုက်ပြီး စားစရာတွေယူဖို့ အောက်ဆင်းသွားသည်။ တင်းကောက တစ်ခုခုလေးလံတာပါပြီး သူမသယ်နိုင်မှာစိုးသဖြင့် သူ့မှာလည်း လုပေါ်ယွမ်နှင့် တိုင်ပင်စရာရှိတာကြောင့် ကျန်းရုန်မထသေးခင် အောက်ထပ်ကို ဦးအောင်ဆင်းပြီး ကူညီရန် သွားလိုက်သည်။
ရှောင်ပိုင်က ထရပ်လိုက်ပြီး အပျင်းကြောဆန့်လာသည်။ "မရတော့ဘူး မရတော့ဘူး။ ဗိုက်ဆာလွန်းလို့ ချိတ်ကို ဘယ်လိုပစ်ရမှန်းတောင် မသိတော့ဘူး"
ကျန်းရုန်က ပြိုင်ပွဲအကျဥ်းကို ပိတ်လိုက်ပြီး "ဒီလိုပြောတာနဲ့ ဒီတစ်ပွဲလုံး မင်းချိတ်နှစ်ခါပဲ ပစ်နိုင်တယ်ဆိုတဲ့ အချက်ကို ဆင်ခြင်ပေးနိုင်ပြီလို့ ထင်လား?"
أنت تقرأ
||Complete|| I Can Do It [MM Translation]
العاطفيةတစ်ကြောင်းတည်းဖြင့်မိတ်ဆက်ခြင်း : ထရိုးကောင်လေးတွေမှာလည်း အချစ်တွေရှိတယ်~ ထရိုးကောင်လေးတွေမှာလည်း ခံစားချက်တွေရှိတယ်~