[Unicode]ငါဒီLeblancကိုအရင်ကသေချာပေါက်မြင်ဖူးနေတယ်!!
တင်းကောပြန်ရောက်လာသည့်အချိန်မှပင် "ဖွံ့ဖြိုးနေဆဲ"ဆိုသည့်တစ်ယောက်က သူ့ကိုပြောသွားတာမှန်း ကျန်းရုန်သိတော့သည်။
လုပေါယွမ်ပြောသွားသည်က "ဖွံ့ဖြိုးနေဆဲ"ဆိုပေမယ့် တကယ်ကတော့ သူ့ကိုငယ်သေးသည်ဟု ဆိုလိုခြင်းပင်။
ကျန်းရုန်က ၁၇နှစ်ဖြစ်နေပြီ ဘယ်နားမှာငယ်သေးတာလဲ?နောက်တစ်လ၊နှစ်လဆိုရင်ပဲ သူကအရွယ်ရောက်တော့မှာလေ။
ကျန်းရုန် သူ့အတွက်သူနည်းနည်းတော့ခုခံပြောလိုက်ချင်ပေမယ့် လုပေါယွမ်၏နောက်ကျောပုံရိပ်ကို မြင်လိုက်သည်နှင့် သူပြောတော့မည့်စကားလုံးတွေကိုသာ ပြန်မြိုချလိုက်မိသည်။
လုပေါယွမ်က အိမ်နေရင်းအဝတ်အစားကို ဝတ်ထားသည်ဖြစ်သော်လည်း သူ့ရဲ့ပုခုံးတွေကကျယ်ပြန့်ပြီး သန်မာတယ်ဆိုတာ ထင်ရှားလေသည်။သူ့ရဲ့ခါးကဖြောင့်တန်းနေကာ ကွန်ပျူတာရှေ့တွင်အထိုင်များသည့် အခြားကစားသမားတွေလို ခါးကုန်းနေခြင်းမျိုးမရှိ။
နောက်ကျောဘက်ကနေ အကဲဖြတ်ရသလောက်နှင့်ပင် လုပေါယွမ်က သူနှင့်ရွယ်တူယောကျာ်းတွေထက် အလွန်အမင်းကိုသာလွန်မှန်းသိသာ၏။
ထို့ကြောင့်လည်း pro playerအများကြားထဲမှာမှ သူကပြိုင်ပွဲတိုင်းရဲ့ "မျက်စိဖမ်းအစားနိုင်ဆုံး"ကစားသမား ဖြစ်နေတာပင်။
"Soft မင်းရောက်နေပြီပဲ" တင်းကောကလက်သုတ်နေရင်း ပြောလာ၏။ "ထိုင်ဦးလေ ရိုးရိုးရှင်းရှင်းပဲမိတ်ဆက်ကြတာပေါ့"
ကျန်းရုန် အနည်းငယ်တုံ့ဆိုင်းနေပြီးမှ အဝေးတွင်ရှိသောကုလားထိုင်တွင် ဝင်ထိုင်လိုက်သည်။
လေထုအခြေအနေက ကို့ရိုးကားယားဆန်နေတာကို တင်းကောခံစားမိပေမယ့် ဒါကကိစ္စကြီးတော့မဟုတ်။လူငယ်လေးတွေအတွက် ပထမဆုံးတွေ့ဖူးသည့်အချိန်တွင် ထိုကဲ့သို့သာဖြစ်နေတတ်သည်။
YOU ARE READING
||Complete|| I Can Do It [MM Translation]
Romanceတစ်ကြောင်းတည်းဖြင့်မိတ်ဆက်ခြင်း : ထရိုးကောင်လေးတွေမှာလည်း အချစ်တွေရှိတယ်~ ထရိုးကောင်လေးတွေမှာလည်း ခံစားချက်တွေရှိတယ်~