(Unicode)
。
တင်းကောမှာ သူပေါက်ကရတွေလျှောက်ပြောနေစဥ် လူအများကြီးဆီမှ အမိခံလိုက်ရမည်ဟု မထင်ထားမိချေ။ ဘယ်လိုတောင်ရှားပါးလိုက်တဲ့ဖြစ်စဥ်လဲ။
သူက လည်ချောင်းရှင်းလိုက်ရင်း
“အတည်ပြောနေတာမှမဟုတ်တာ-”
“တော်စမ်းပါ မင်းအကြောင်းငါမသိဘူးများထင်နေလား?”
ပြီးခဲ့သည့်ဖုန်းနှင့်ချသည့်ပွဲစဥ်တွင် PUDမန်နေဂျာဘက်က ရှုံးထားရာ အခုတစ်ခေါက် သူအသာစီးရနေချိန်မှာတော့ ဒီတိုင်း လွှတ်ပေးလိုက်ရန် အစီအစဥ်မရှိ။
“Ultပစ်တာလွဲဖို့ အိပ်ရင်းလမ်းလျှောက်တာတို့က ထားလိုက်ဦး။ အစားမှားပြီး ဝမ်းလျှောတာအထိတောင် ငါတို့ကိုကျိန်နေသေးတယ်! ဖျက်ဆီးရေးသမား! ရက်စက်ပြီး အကြင်နာမဲ့တဲ့သူ!!!”
ကျန်းရုန်က ခေါင်းငုံ့လျက်ဖြင့် တင်းကောလက်ထဲမှအမွှေးတိုင်တွေကို ယူလိုက်မည်အပြု လက်လှမ်းလိုက်ချိန် လေကိုသာ ဖမ်းဆုတ်မိသွားသည်။
တင်းကောကလည်း အမွှေးတိုင်တွေကို တင်းတင်းဆုပ်ကာ ပြန်လည်တိုက်စစ်ဆင်သည်။
“အေး ဟုတ်တယ် ငါကဖျက်ဆီးရေးသမား။ မင်းကရောဘာထူးလဲ?”
PUDမန်နေဂျာ : “ငါကဘာဖြစ်လို့လဲ?! မင်းငါ့ကိုမဟုတ်တမ်းတရားတွေ ထပ်စွပ်စွဲတော့မလို့မဟုတ်လား ဟမ်!”
“ဒါဆို မင်းငါ့ကိုပြောကြည့်လေ။ ဒီကိုဘာလာလုပ်တာလဲ? မိုးရွာအောင်လာဆုတောင်းတာလား?”
တင်းကောက ချက်ကောင်းကို တည့်ဆော်ထည့်လိုက်ပြီး
“ငါတို့ရှုံးအောင် မင်းမဆုတောင်းဘူးလို့ ချီးစားပြောတောင်မယုံဘူးကွာ!”
အခုလေးတင် ကားထဲတွင် Saviorအား “ပြိုင်ပွဲမစခင် လူကိုဆဲလိုက်မိလို့ Soft ပြိုင်ပွဲမှအပိတ်ခံရပါစေ” ဟု ဆုတောင်းရန် သင်ပေးထားသည့် PUDမန်နေဂျာမှာ ချက်ချင်း မျက်နှာရဲသွားတော့သည်။
“သေချာပေါက် ငါမလုပ်ဘူး!”
တင်းကောက နှာမှုတ်လိုက်ကာ
YOU ARE READING
||Complete|| I Can Do It [MM Translation]
Romanceတစ်ကြောင်းတည်းဖြင့်မိတ်ဆက်ခြင်း : ထရိုးကောင်လေးတွေမှာလည်း အချစ်တွေရှိတယ်~ ထရိုးကောင်လေးတွေမှာလည်း ခံစားချက်တွေရှိတယ်~
![||Complete|| I Can Do It [MM Translation]](https://img.wattpad.com/cover/292310383-64-k292902.jpg)