[Unicode]ယောကျာ်းတစ်ယောက်ကလည်း အခြားယောကျာ်းတစ်ယောက်နဲ့ ချိန်းတွေ့လို့ရတယ်
ပြိုင်ပွဲနေ့သို့အရောက်တွင် ရှန်ဟိုင်း၌ အပူချိန်ထိုးကျသွားသည်။ ကျန်းရုန်ကတော့ ဘတ်စ်ကားပေါ်တွင်လည်း အပူပေးစက်ရှိပြီး အားကစားရုံထဲမှာလည်း နွေးနေမည့်အကြောင်း စဥ်းစားလိုက်မိတော့ အသင်းယူနီဖောင်းတစ်ထည်တည်းသာဝတ်ပြီး အောက်ထပ်ဆင်းလာခဲ့သည်။ အဆုံးမှာတော့ ကျန်းရုန်မှာတင်းကောဆီကနေ နောက်ထပ်ကုတ်တစ်ထပ်သွားဝတ်ဖို့ တွန်းအားပေးခံလိုက်ရလေသည်။
သူ့အခန်းထဲကမထွက်ခင် အချိန်အတော်ကြာသည်အထိ ကျန်းရုန် ချီတုံချတုံဖြစ်နေပြီးမှ နောက်ဆုံးတွင်တော့ နံရံပေါ်တွင်ချိတ်ထားသည့် တစ်ခုတည်းသောမာဖလာကို လည်ပင်းတွင်ပတ်လိုက်တော့သည်။
"အဲ့ဒီမာဖလာကိုတကယ်ကြီးသုံးနေတာလား" သူကားပေါ်ကိုရောက်ရောက်ချင်း ရှောင်ပိုင်က ထိုမေးခွန်းအား အံ့သြသွားဟန်နှင့် မျက်လုံးပြူးကာမေးလာသည်။
လုပေါ်ယွမ်မော့ကြည့်လိုက်သည်။ ကျန်းရုန်က အဖြူရောင်ပါကာကုတ်အင်္ကျီကို ဝတ်ထားပြီး ခဲရောင်မာဖလာကို လည်ပင်းတွင်ပတ်ထားသည်။ သူကမာဖလာအား ဂရုတစိုက်မရှိ လျော့ရိလျော့ရဲပတ်ထားကာ မာဖလာက သူ့ရဲ့နှာခေါင်းနားထိ ဖုံးအုပ်ထားသည်ကြောင့် ကျန်းရုန်ရဲ့မျက်နှာအား နဂိုထက်ပင်ပိုသေးသယောင် ထင်ရစေသည်။
"စာလုံးတွေကို နောက်မှာထားတာတော့ မြင်ရမှာမဟုတ်ဘူး" အပြင်မှာအရမ်းကိုအေးလွန်းနေသည့်အတွက် စကားပြောလိုက်သည့်အခါ ကျန်းရုန်ပါးစပ်ထဲကနေ အဖြူရောင်မြူငွေ့တို့ ထွက်လာသည်။ "ဘယ်လိုပဲဖြစ်ဖြစ် အားကစားရုံရောက်ရင် ချွတ်ထားရမှာပဲလေ"
ရှောင်ပိုင် ကျန်းရုန်အား "အို့"ဟုပြန်ဖြေလိုက်ပြီးမှ လုပေါ်ယွမ်ကို လှည့်ကြည့်လိုက်သည်။ "ကော၊ ဘာလို့ ကောပရိတ်သတ်တွေပို့လိုက်တဲ့ မာဖလာဝတ်မလာတာလဲ? ကောရတဲ့မာဖလာတွေအားလုံးက အသေးစိတ်လုပ်ထားရတာတွေချည်းပဲ။ တစ်ထည်မှာဆို အသင်းတံဆိပ်သေးသေးလေးတောင် ပါသေးတယ်"
YOU ARE READING
||Complete|| I Can Do It [MM Translation]
Romanceတစ်ကြောင်းတည်းဖြင့်မိတ်ဆက်ခြင်း : ထရိုးကောင်လေးတွေမှာလည်း အချစ်တွေရှိတယ်~ ထရိုးကောင်လေးတွေမှာလည်း ခံစားချက်တွေရှိတယ်~