||Complete|| I Can Do It [MM Translation]

အပိုင်း(၈၈)

(Unicode)

.

ပြီးခဲ့သည့်နှစ်တွေမှ တစ်ယောက်သောသူ တိုက်ရိုက်ထုတ်လွှင့်နေသည့်ညတွင် ဖြစ်သည်။ ကျန်းရုန်က မိန်းကလေးတွဲကစားဖော်၏ အောက်လမ်းတွင်အတူကစားချင်သည့် တောင်းဆိုချက်ကို ခပ်ပြတ်ပြတ်ပင် ငြင်းပစ်လိုက်သည်။ သူ့အသံက အေးစက်ပြီးသူစိမ်းဆန်သည်မှာ တစ်စုံတစ်ယောက်၏ဆံပင်တွေကိုပင် ထောင်လာစေသည်အထိ။ ပျင်းရိပြီး ဘာမှလုပ်စရာမရှိ အားယားနေသည့်WFတွေမှာ ဒီသောက်ပေါလေး တစ်ယောက်ယောက်နှင့်တွဲဖြစ်ခဲ့ရင် ဘယ်လိုပုံစံများဖြစ်နေမလဲဟု လှောင်ပြောင်နေကြရင်း သူ့အနာဂတ်ချစ်သူအကြောင်းကို စတင်ထင်ကြေးပေးကြတော့သည်။

သူတို့ထဲမှတစ်ချို့ပြောကြသည်က နေ့တိုင်းနေ့တိုင်း Livestreamလွှင့်နေရင်း အပြန်အလှန် တစ်ယောက်တစ်ခွန်းဆဲလို့ရအောင် သူနှင့်ပုံစံတူသည့် စိတ်လက်တစ်ဆစ်မိန်းကလေးမျိုးနှင့် တွဲသင့်သည်ဟူ၍။ အချို့ကတော့ သေချာပေါက် သူက အားနွဲ့ပြီးနူးညံ့သည့်ယုန်ဖြူလေးလို မိန်းကလေးမျိုးကို တွဲမည်ဟုဆိုပြန်သည်။ ပြဿနာရှာချင်သည့်Antiတွေကတော့ သူက ညှင်းပန်းနှိပ်စက်တတ်သူ ဖြစ်လာမည်ဟု အခိုင်အမာ ပြောခဲ့ကြသည်။

ထိုအချိန်တုန်းက ကွန်မန့်တစ်ခုတစ်လေကိုပင် ကျန်းရုန် မတုံ့ပြန်ဖြစ်ခဲ့။ ချိန်းတွေ့ခြင်းဆိုသည့်ကိစ္စက သူလက်လှမ်းမမှီသည့်အရာတစ်ခုလို ခံစားခဲ့ရသည်။ သူ့အတွက် တစ်ခန်းထဲအတူနေချင်မိသူ သို့မဟုတ် တစ်ဖက်သား၏အကြောင်းတွေကို ပိုပိုသိချင်လာပြီး စကားပြောချင်မိသူဟူ၍ တစ်ယောက်တစ်လေပင် မရှိချေ။

အခုချိန်မှာတော့ သူက သူ့ထက်ပင် ရင်အုပ်ကျယ်ပြီး အရပ်ပိုရှည်သည့် ယောကျာ်းတစ်ယောက်နှင့် ထီးတစ်လက်၏အနောက်တွင် ပုန်းကွယ်နေသည်။

ဖြတ်သွားဖြစ်လာတစ်ယောက်၏ မိုးဖွဲများကိုအပြစ်တင်သံ ကြားလိုက်ရသည်နှင့် ကျန်းရုန်၏နှလုံးခုန်သံမှာ တိုင်ပင်လွဲကုန်လေသည်။ သူလုပေါ်ယွမ်၏အင်္ကျီစကို ပိုတင်းတင်းဆွဲလိုက်မိပြီး သူ့လက်သည်းခွံတွေမှာ စိတ်လှုပ်ရှားမှုကြောင့် အဖြူရောင်ပင် သန်းနေတော့သည်။