[Unicode]
ဇွိ~
သုံးရက်လောက်ကြာသွားပြီး နောက်ဆုံးမှာတော့ စာချုပ်ကရောက်လာခဲ့လေပြီ။
စာချုပ်ကသက်တမ်းတိုပုံစံဖြစ်ကာ တစ်seasonအတွက်သာဖြစ်သည်။
ကျန်းရုန်စာချုပ်ကို လှန်လှောကြည့်လိုက်၏။Streamingအတွက် ဝေစုရာခိုင်နှုန်းနှင့်အခြေခံလစာက အတော်မြင့်သွားသည့်အတွက် တင်းကောသူ့အတွက် အတော်လေးကြိုးစားပေးခဲ့ရမယ်မှန်း သူသဘောပေါက်လိုက်၏။
"ကျေးဇူး"
တင်းကောကတော့ ကျန်းရုန်ဘာကိုကျေးဇူးတင်မှန်း သဘောပေါက်ဖို့အတွက် အချိန်အနည်းငယ်ယူလိုက်ရပြီး သူသိသွားသည်နှင့် ပြုံးလိုက်ကာ "ကျေးဇူးတင်ဖို့မလိုပါဘူး ဒါတွေက မင်းရသင့်ရထိုက်တဲ့အချက်ပေါ် အခြေခံပြီးမှဆွေးနွေးလို့ရလာတာတွေလေ"
ကျန်းရုန် စာချုပ်ကို ခပ်မြန်မြန်ပဲသာမန်ကာလျှံကာ ဖတ်ကြည့်လိုက်သည်။pro playerတွေနဲ့ သက်ဆိုင်တဲ့စည်းမျဥ်းတွေကို သူသေချာမဖတ်ပဲ နောက်စာမျက်နှာကို လှန်ပစ်လိုက်တာကို တင်းကောမြင်တော့ သူမနေနိုင်ပဲသတိပေးလိုက်၏။ "ဒီစာမျက်နှာကိုသေသေချာချာလေးဖတ်ကြည့်"
ထို့ကြောင့် ကျန်းရုန်လည်း စာရွက်လှန်နေသည်ကိုရပ်လိုက်ပြီး တင်းကောသူ့ကိုဖတ်စေချင်သည့်အကြောင်းရာကို သေချာဖတ်ကြည့်လိုက်သည်။
စည်းမျဥ်းတစ်ခုချင်းစီတိုင်းက အလွန်အမင်းကိုရှည်လျားပြီး ရှုပ်ထွေး၏။အကျဥ်းချုပ်ကိုအကြမ်းဖျင်းပြောရမည်ဆိုလျှင်တော့- ကစားသမားတွေအား အချောင်ခိုခြင်း၊ ဂိမ်းကစားနေရင်းမှထွက်ပစ်ခြင်းနှင့် အခြားကစားသမားတွေကိုဆဲဆိုခြင်းမှ တားမြစ်ထားပြီး ပြိုင်ပွဲအတွင်းသာမက ဘယ်မှာမဆို သူတို့သာစည်းကမ်းဖောက်ခဲ့ပါက LPLကိုဒဏ်ကြေးဆောင်ရမည်ဖြစ်သည်။အဆိုးဆုံးပြစ်ဒဏ်က ဆိုင်းငံ့ခံရသည်အထိဖြစ်နိုင်သည်။
ဖတ်ကြည့်ပြီးသည့်နောက် ကျန်းရုန်ခဏလောက်တိတ်ဆိတ်သွား၏။ပြီးမှ သူမေးလိုက်သည်။ "ပုံမှန်Rankကစားနေရင်းလည်း AFKလို့မရဘူးပေါ့?"
YOU ARE READING
||Complete|| I Can Do It [MM Translation]
Romanceတစ်ကြောင်းတည်းဖြင့်မိတ်ဆက်ခြင်း : ထရိုးကောင်လေးတွေမှာလည်း အချစ်တွေရှိတယ်~ ထရိုးကောင်လေးတွေမှာလည်း ခံစားချက်တွေရှိတယ်~