အပိုင်း(၁၂၄)
<<အုပ်စုအဆင့်ပွဲစဥ် - ပထမဆုံးအနိုင်ပွဲ>>
လက်ထောက်က ညစာကို လေ့ကျင့်ရေးအခန်းဆီ သယ်လာပေးပြီး ထိုအခန်းထဲမှာပဲ သူတို့တွေ စားဖြစ်ကြသည်။
BO1ပြိုင်ပွဲနှစ်ပွဲကို အနိုင်ရလာခဲ့သော်ငြား အခန်းထဲတွင် အောင်ပွဲအငွေ့အသက်က သိပ်ရှိမနေပေ။ လူတိုင်းက သူတို့ကွန်ပျူတာပေါ်မှ ဂိမ်းပွဲတွေကိုသာ အာရုံတစိုက် ကြည့်ရှုနေကြပြီး ရှောင်ပိုင်တောင်မှ မုန့်ခိုးစားဖို့ရာ တိတ်တိတ်လေး အချောင်ခိုခြင်းမရှိ။
လုပေါ်ယွမ်က သူ့လက်ကောက်ဝတ်တွေ အတော်လေးနာလာသည်အထိ လေ့ကျင့်ဖြစ်သည်။ အရင်က အတွေ့အကြုံတွေအရ ဒီအချိန်မှာ သူခဏလောက်နားရန် လိုအပ်ကြောင်း သဘောပေါက်လိုက်သည်။
သူ လော်ဘီထဲတွင် AFKလိုက်ပြီးနောက် ကျန်းရုန်၏ဂိမ်းကို လှည့်ကြည့်မိတော့ စခရင်၏ဘယ်ဘက်အောက်ခြေနားမှ စကားပြောသည့်နေရာတွင် ရန်ပွဲတစ်ခု ဖြစ်ပွားနေသည်။
သူတို့အသင်းနှင့် HT၏ကြားတွင် ငြင်းခုံမှုတစ်ခုအဖြစ် စတင်ခဲ့သည်မှာ အမှန်ဖြစ်သော်ငြား ကြားထဲတွင် ပွဲကြည့်ချင်သည့် အမည်မသိသတ္တဝါအချို့လည်း ရန်ပွဲထဲတွင် အပျော်အနေနှင့် ပါဝင်လာကြသည်။ နောက်ဆုံးမှာတော့ နယ်မြေနှစ်ခုလုံးမှ ကစားသမားတွေမှာ ဟန်ဆောင်ပန်ဆောင်ပင် မဖော်ရွေပြနိုင်တော့။
ရှောင်ပိုင်သည်လည်း ကျန်းရုန်၏ဂိမ်းထဲမှ အဆဲတိုက်ပွဲကို စူးစမ်းနေသည်။ ရန်သူ့အသင်းမှ ကိုရီးယားတစ်ယောက်က အတော်လေး ယုတ်ညံ့သည့် ဘာသာစကားတွေကို အသုံးပြုလာရာ ရှောင်ပိုင်သည်ပင် သည်းမခံနိုင်တော့။ "မင်းပြန်မဆော်သေးဘူးလား?"
ကျန်းရုန် : "လိုမှမလိုတာ။ ပြန်ပြောလည်း သူနားလည်မှာမဟုတ်ဘူး"
"အင်္ဂလိပ်ကိုသုံးလေ! ဘာသာပြန်အက်ပ်တွေ!"
"ငါပြောချင်တာတွေကို အင်္ဂလိပ်ကိုပြောင်းလို့မရဘူး" ကျန်းရုန်က တစ်ဖက်မှMid Lanerကို Solo Killလိုက်ပြီး အခြေစိုက်စခန်းဆီပြန်ရန် 'B'ကို နှိပ်လိုက်သည်။ "ပြီးတော့ အခုချိန်မှာ ဒီသောက်ရူးတွေအားလုံးက ငါ့ကိုစောင့်ကြည့်နေကြတာ....တစ်ခွန်းလောက်ဆဲမိတာနဲ့ Banခံရလိမ့်မယ်"
YOU ARE READING
||Complete|| I Can Do It [MM Translation]
Romanceတစ်ကြောင်းတည်းဖြင့်မိတ်ဆက်ခြင်း : ထရိုးကောင်လေးတွေမှာလည်း အချစ်တွေရှိတယ်~ ထရိုးကောင်လေးတွေမှာလည်း ခံစားချက်တွေရှိတယ်~