(Unicode)ရည်းစားထားတာပုံမှန်ပါပဲ
ကြော်ငြာရိုက်ကူးနေသည်က စုံတွဲကီးဘုတ်အမျိုးအစားဖြစ်သော်လည်း သူတို့အနေနဲ့ ဓါတ်ပုံထဲတွင် အရမ်းကြီးပူးကပ်ပြရန်မလိုပေ။
တစ်ဖက်က အနုပညာရှင်ဖြစ်ကာ အခြားတစ်ဖက်ကလည်း Esportလောကရဲ့ နတ်ဘုရားပေါက်စ ဖြစ်နေသည်မို့ ဘယ်လိုကြောင့်ဖြစ်ဖြစ် အရမ်းကြီးရင်းနှီးသည့်ပုံစံပေါ်အောင် ရိုက်ကူး၍မရချေ။
ဓါတ်ပုံရိုက်ကူးရေး၏ အဓိကဆိုလိုရင်း (Theme)က ဂိမ်းအတူကစားနေသည့် လူနှစ်ယောက်ကို အခြေခံထားသည်။ သူတို့နှစ်ယောက် ရိုက်ကူးရသည့် အနီးကပ်ဆုံးအနေအထားက ကွန်ပျူတာရှေ့မှာ ပုခုံးချင်းယှဥ်ထိုင်ရသည့်အခန်းနှင့် အိတ်တစ်ခုထဲကို လက်အတူထည့်ရသည့်အခန်းပင်။
ကျန်းရုန်က ဝန်ထမ်းတွေသူ့အတွက်ပြင်ပေးထားသည့် gaming chairပေါ်တွင် ထိုင်နေ၏။ မလှမ်းမကမ်းမှာတော့ လုပေါ်ယွမ်ဘေးတွင် ဝန်ထမ်းများ ဝိုင်းဝိုင်းလည်နေလေသည်။ အလုပ်ပြီးသွားကြသည့် ယောကျာ်း၊မိန်းမ ဝန်ထမ်းအစုံက သူ့ဆီမှ လက်မှတ်တောင်းနေကြသည်။ လုပေါ်ယွမ်က ခေါင်းငုံ့လျက် ဝန်ထမ်းတွေကို စကားပြောနေပြီး ဦးထုပ်လျှာကလည်း မျက်နှာကိုကွယ်ထားသည်ကြောင့် သူ့မျက်နှာအမူအရာ ဘယ်လိုရှိသည်ကိုတော့ သဲသဲကွဲကွဲ မမြင်ရချေ။
ချိုးချိုးက မိတ်ကပ်ကိုပြန်လည်ပြင်ဆင်ပြီးနောက် ပြန်ရောက်လာ၏။ သူမကလှည့်ကြည့်ပြီး မေးလာသည်။
“ဒီနေ့ပြိုင်ပွဲမရှိဘူးလား?”
ကျန်းရုန်က အေးဆေးပင် ပြန်ဖြေလိုက်သည်။
“မရှိဘူး”
ရိုက်ကူးရေးက ပြန်မစသေးပေ။ ဓါတ်ပုံဆရာက ကားဆွဲသမား(နောက်ခံအပြင်အဆင်ဝန်ထမ်း)တွေအား ဇာတ်ဝင်ပစ္စည်းတွေကို အနည်းငယ် အပြောင်းအလဲလုပ်ခိုင်းနေသည်။
“ငါနင့်ရဲ့Livestreamတွေကိုကြည့်လာတာကြာပြီ”
ချိုးချိုးကပြောသည်။
“၂နှစ်လောက်တောင်ရှိတော့မယ်မလား? အဲ့ဒီတုန်းက ငါ《သံစဥ်မဲ့သော》ရိုက်နေတုန်းလေ”
ကျန်းရုန်က ငေးငိုင်နေဆဲ။ သူက အသက်မပါစွာနဲ့ ပြန်ဖြေလာသည်။
“ကျေးဇူး”
ချိုးချိုးက သူ့ကိုကြည့်ကာ တစ်ခစ်ခစ်ရီ၏။
“အခုတစ်ခေါက်မတိုင်ခင်ကရော ငါဘယ်သူဆိုတာနင်သိလား”
“မသိဘူး”
ချိုးချိုး၏ဆံပင်ကို ပြန်ပြင်ပေးနေသည့်ဝန်ထမ်းမှာ တုံ့ခနဲရပ်သွားပြီး ကျန်းရုန်ကို တအံ့တသြ ကြည့်လာလေသည်။
ချိုးချိုး ပါဝင်ရိုက်ကူးထားသည့် ဇာတ်ကားအများအပြားမရှိပေမယ့်လည်း သူမ၏တစ်ခုတည်းသောရုပ်ရှင်ကပင် အကောင်းဆုံးမင်းသမီးဆုကို ဆွတ်ခူးနိုင်ခဲ့သည်။ ထို့ကြောင့် သူမရဲ့ကျော်ကြားမှုက အရမ်းမြင့်လေသည်။
ဝန်ထမ်း : “မနှစ်က ချိုးချိုးက မင်းတို့အသင်းရဲ့ပြိုင်ပွဲကိုသွားပြီး ဂိမ်းတောင်ကစားခဲ့သေးတယ်လေ”
“ကျွန်တော်ကဒီနှစ်မှာLPLဆီရောက်လာတာ”
ကျန်းရုန်က နည်းနည်းစဥ်းစားလိုက်ပြီးမှ ထပ်ပြောလိုက်သည်။
“ဇာတ်ကားတွေလည်းမကြည့်ဖြစ်လို့”
ဝန်ထမ်း : “…….”
ဒီနှစ်မှLPLဆီရောက်ရင်တောင် ပြိုင်ပွဲတွေရဲ့တိုက်ရိုက်ထုတ်လွှင့်မှုတော့ ကြည့်မှာပဲမဟုတ်ဘူးလား?
ဇာတ်ကားတွေမကြည့်ရင်တောင်မှ Weiboကhot searchတွေထဲမှာရော မတွေ့ဖူးဘူးလား?
မင်းက ဂိမ်းပဲစွဲလန်းနေတဲ့အိုတာခုမို့လို့လား? ဒါမှမဟုတ် တောင်ထိပ်ပေါ်က ဂူအောင်းလူသားမို့လို့လား?
ချိုးချိုးကတော့ အို့တို့အန်းတန်းပင်ဖြစ်မသွား။ အပြုံးတွေကပင် ပိုပြီးနက်ရှိုင်းသွားသည်။
“သိပြီ…..ဒါနဲ့ ဘာလို့Roadကိုပဲကြည့်နေတာလဲ? ပြောစရာတစ်ခုခုရှိလို့လား?”
YOU ARE READING
||Complete|| I Can Do It [MM Translation]
Romanceတစ်ကြောင်းတည်းဖြင့်မိတ်ဆက်ခြင်း : ထရိုးကောင်လေးတွေမှာလည်း အချစ်တွေရှိတယ်~ ထရိုးကောင်လေးတွေမှာလည်း ခံစားချက်တွေရှိတယ်~