ပြန်လည်မွေးဖွားပြီးနောက်‌ မြောင်ကျန်းကိုပြန်ပြီးမိသားစုအမွေကိုဆက်ခံခဲ့တယ်

Ch 80- Ghooost

|| Unicode ||

    ခန်းမသည် ဂီတပွဲနှစ်ခုကျင်းပနိုင်ရန်လုံလောက်အောင်ကျယ်ဝန်းသည်။ ဒါပေါ့ ဂီတပွဲထဲမှတစ်ခုမှာ ကြည့်ရှုသူ ဆယ်ယောက်ထက်ပင်နည်းနေခြင်းကြောင့်ဖြစ်သည်။ ပွဲစီစဉ်သူ၏ခေါင်းဆောင်မှု‌ အောက်တွင် ဝူရုန်နှင့်တခြားသူများသည် အထူး‌ဓာတ်လှေကားကိုသုံးကာ ဆင်းလာခဲ့ပြီးနောက် သူတို့သွားလိုရာသို့လိုက်ပါပို့ဆောင်ပေးလေသည်။ အကယ်၍သူတို့ကိုယ်ပိုင်မျက်လုံးနှင့်မြင်ရတာသာမဟုတ်လျှင် ခန်းမအောက်ဘက်ရှိ မြင်ကွင်းမှာ ထိုမျှလောက်တောက်ပလှပခန်းနားပြီး တန်ဖိုးကြီးမားနေမည်ဟု စိတ်ကူးမိမည်မဟုတ်။

    " ပုံမှန်နေ့ရက်တွေမှာ သခင်လေးကဂီတပွဲတွေကို အများအားဖြင့် သာမန်နေရာတွေမှာလောက်ပဲကျင်းပခဲ့တာ"

    ဧည့်ကြိုရာတွင်စီစဉ်ညွှန်ကြားပေးနေသောကျိုးမိသားစုမှလူများအားလုံးပြုံးနေကြပြီး သူတို့၏နွေးထွေးသော သဘောထားအားသအထူးတလှယ်ထုတ်ပြနေကြသည် " ဒီနေရာကို အထူးသီးသန့်ဖိတ်ကြားခံဧည့်သည်တွေကိုကြိုဆိုလက်ခံတဲ့နေရာမှာ ပဲသုံးတယ်"

    သူတို့ပတ်ဝန်းကျင်တွင် ဂီတပွဲ၏အငွေ့သက်များပြည့်နေသည်။ အချိန်ကျရောက်သည့်အခါ လူထောင်ပေါင်းများစွာ ၏အော်ဟစ်အားပေးသံများဟိန်းထွက်လာပြီး မရေမတွက်နိုင်သောစိတ်အားထက်သန်သည့်အော်ဟစ်သံများက နတ်ဆိုးသီချင်းသံအား ပို၍ ပုံဖော်ပေးနေသည်။ အဆုံးမှာတော့နတ်ဆိုးများသည် ဒဏ္ဍာရီပုံပြင်များထဲ၌ လူသားတို့၏ခံစားချက်နှင့်စိတ်နှလုံးအားလှည့်ဖျားထိန်းချုပ်ရာတွင် အလွန်တော်သည်ဟုပြောစမှတ်ရှိကြသည်။ ဤလေထုအနေထားတွင် ကျိုးကျင်၏သီဆိုဟန်မှာ အလွန်သက်ရောက်မှုရှိသည်။

    " အသစ် ဆောက်လုပ်ထားတာနဲ့မတူပါဘူး"

    ကျိုးမိသားစုမှလူများထွက်သွားသည့်အခါ ပိုင်ကုတီတိုးပြောလေသည်။

    စင်သည် များစွာသော ဥရောပဒဏ္ဍာရီပုံမြင်များထဲမှမြင်ကွင်းများကဲ့သို့ နတ်ဆိုးနှင့်တမန်တော်အမွှေတော်ရုပ်ထုများဖြင့် အလှဆင်ထားသည်။ ထိုအပြင်အဆင်မှာ ကျက်သရေရှိတော်ဝင်မြင့်မြတ်နေပြီး သမိုင်းဆိုင်ရာအပြောင်းအလဲများကိုဖော်ပြနေသည်။ စတိတ်၏စီစဉ်ထားပုံသည် ပုံမှန်ဂီတပွဲများကဲ့သို့ ထိုင်ခုံနေရာမရှိ စတိတ်အောက်တွင်ကြည်ရှုသူ့များ၏ထိုင်ခုံမရှိပေ။ ထိုအစား နေရာအား များစွာသော အခန်းများနှင့်သေသပ်စွာ ခွဲခြားတည်ဆောက်ထားကာ ပွဲလာသူ၏ပုဂ္ဂိုလ်ရေးဆိုင်ရာလုံခြုံရေးအားကာကွယ်ပေးထား၍ စတိတ်စင်ကိုမျက်နှာမူထားလျက်ရှင်းလင်းစွာမြင်ရအောင် ဒီဇိုင်းဆွဲထားသည်။