ပြန်လည်မွေးဖွားပြီးနောက်‌ မြောင်ကျန်းကိုပြန်ပြီးမိသားစုအမွေကိုဆက်ခံခဲ့တယ်

Ch.46.1-Woof,woof,woof!

|| Unicode||

    ထိုအရာမှာလက်သီးဆုပ်အရွယ် အပြုမျက်လုံးနှင့်မြေခွေးရုပ်ဖြစ်သည်။ မည်သူကထွင်းထုခဲ့သည်မသိ။ ရှည်လျားကျဉ်မြောင်းသော မြေခွေးမျက်လုံးတစ်စုံမှာ မြေခွေးမျက်နှာတွင်အများဆူံနေရာယူနေသည်။ ၎င်းသည် တဝက်သာပြုံးနေ၍ သူ၏ ထိုပြာလဲ့လဲအလင်းလို အစိမ်းရောင်မျက်လုံးများသည် သွားရည်တမြားမြားအတိတ်နိမိတ်မကောင်း သည့်ပုံပေါ်စေသည်။ ဝူရုန်အား အကောက်ကြံလိုသောစိတ်ဆန္ဒများဖြင့်ကြည့်နေကာ ရုပ်ထုတစ်ခုလုံး အနက်ရောင်မြူထဲနစ်မြုပ်နေသည်။

    "Hee hee hee hee hee hee_"

    ရှည်လျားလှသောရယ်သံမှမည်သည့်နေရာဆီကလာသည်မသိ ထွက်ပေါ်လာပြီး အလွန်ပေါ့ပါးနူးညံ့ကာ ဖော်မပြနိုင်သည့်ဆွဲဆောင်မှုမျိုးရှိနေ၍နားထောင်ရုံမျှဖြင့် လူများ၏စိတ်ဝိဉာဉ်ကိုအဝေးသို့ဆွဲယူနိုင်လေသည်။ရုတ်တရက်ပြောင်းလဲမူနှင့်ကြုံရသဖြက့် ဝူရုန်မက်တပ်ရပ်လိုက်၍ မြွေစိမ်းလေးသည်လည်း တူအရွယ်စားခန့်ပြန်သေးသွားပြီးသူ့ပုခုံးပေါ်တွင်ပျင်းရိစွာပြန်လာနေသည်။ အဖွားဝူ၏ကျေးဇူးဖြင့် ၎င်းမှာ ဝူ မိသားစုရဲ့သွေးမှမွေးဖွားလာရသည်။ အကယ်၍၎င်းသာ ပင့်ကူလေးဖြစ်နေပါက အနက်ရောင်မြူ၏ဝါးမြိုခြင်းခံရမည်သာ။

    "Hee hee hee hee hee, hahahahaha___"

    မိန်းမဆန်ဆန်ညှို့ယူနိုင်သောရယ်သံမှာပို၍ကျယ်သထက် ကျယ်လာနေပြီး လူများကိုရီဝေစေကာ အာခေါင်ခြောက်စေသည်။ ဝူရုန်သူ့နှလုံး ရင်ဘက်ထဲမှခုန်ထွက်တော့မလားခံစားနေရသည်။ နောက်တခဏတွင်ကောင်ကင်ပေါ်မှမြူနက်များပျောက်ကွယ်သွားကာ လျှို့ဟူ၏ဝိဉာဉ်များလဲလေထဲတွင်ပျောက်သွားသည်။ သူကိုယ်တဝှိုက်တွင်သန္ဓေပြောင်းဖြစ်ပေါ်လာသောခွေးမွှေးများလည်းပျောက်ကုန်ကာ သူ၏မူလပုံ သာမန်ဝိဉာဉ်နှင့်တူသော်လည်း သူ၏စိတ်ခံစားချက်မှာ တဖြည်းဖြည်း တည်ငြိမ်စွာပြောင်းလဲနေလေသည်။

    သူသည်ပိုနူးညံ့သောပုံစံနှင့်ပိုဆွဲဆောင်မှုရှိလာပြီး ပြုံးနေသောမျက်လုံးများက မင်းကိုသိမ်းသွင်းသွားနိုင်ကာ အလိုလိုပင်ညှို့ယူနိုင်နေသည်။ဤအသုံးနှုန်းမျိုးအားကြမ်းတမ်းသည့်လျှို့ဟူကဲ့သို့ ကင်း‌‌ကောင်ဘာဘီ လိုလူဆီသုံးရသည်မှာမသင့်တော်ဟုထင်ရသော်လည်း အမှန်တကယ်ကို ဆန့်ကျင်ဖီလာမှုရှိမနေပေ။