ပြန်လည်မွေးဖွားပြီးနောက်‌ မြောင်ကျန်းကိုပြန်ပြီးမိသားစုအမွေကိုဆက်ခံခဲ့တယ်

Ch.17- Zhong Gu

Unicode

မြောင်ဂူ၏အနက်ဆုံးအပိုင်းသည် လူဆယ်ယောက်လောက်ဘေးချင်းယှဉ်လျှောက်လို့ရသည့်အထိကျယ်သည်။ ကျောက်နံရံပေါ်တွင် ဘယ်ခေတ်ကမှန်းမသိသည့် ‌ရိုးရှင်း၍ သ‌ဘာဝကျသော ကျောက်ဆစ်ပန်းပုရုပ်များရှိသည်။ မြောင်လူမျိုးတို့နေထွက်လျှင်လုပ်ငန်းခွင်ဝင် တေဝင်လျှင်ပြန်လာသောရုပ်ပုံများ ကူများပျိုးထောင်စေခိုင်းနေကြသောပုံများကဲ့သို့ရုပ်ပုံလည်းရှိသည်။ အလယ်ဘက်အကျဆုံးနှင့် ပေါ်လွင်နေသော ရုပ်ထုမှာအမျိုးသမီးတယောက်အရုပ်ဖြစ်သည်။ သူမသည် သစ်သားတောင်ဝှေးကိုလက်မှာကိုင်ဆောင်ကာ အလင်းထုလေးခုကဝန်းရံထားသည်။ ထိုထဲတွင်ဖားပြုတ်များ အနက်ရောင်ကင်းမြီးကောက်များ ပင့်ကူများနှင့် တောက်တဲ့များထွင်းထုထားသည်။

ချုံးရှန်းသည်သူမရှေ့တွင်ခွဲထွက်ကာ ယန်ဇီမြစ်လိူင်းများက အနောက်ဘက်သို့လျောကျ‌သွားသည်။ သူမသည်မြောင်လူမျိုးများကိုခေါ်ဆောင်ကာ အနောက်တောင်အရပ်ရှိတောင်ပေါ် ဒေသများတွင် အခြေကျစေပြီး မူလ‌လူမျိုးစုကို တည်ထောင်ခဲ့သည်။ ထိပ်ဆုံးရှိနေဝန်းကိုကိုယ်စားပြုသော အဝိုငထဲတွင် "ဝူ"အက္ခရာကို သေးငယ်သောစည်းစာသားဖြင့်ရေထွင်းထားသည်။

ဒါကဝူမိသားစု၏ဘိုဘေးဖြစ်သည်။ သူမသည် ဖားပြုတ်ကဲ့သို့အဆိပ်ရှိသတ္တဝါများအား မြောင်လူမျိုးများ ကမည်သို့ထိန်းကျောင်းအသုံးပြုရမည်ကို ရှာဖွေ သင်ကြားပေးခဲ့သူဖြစ်သည်။ ဒါတောင်မှ ဝူအကြီးအကဲဘိုးဘေးနောက် ကာလရှည်ကြာလိုက်ခဲ့သောအဆိပ်ရှိသတ္တဝါလေးကောင်ကိုသာ အစွန်းပိုင်းတွင် ထွင်းထားကြသည်။ ဝူမျိုးရိုးခေါင်းဆောင်အမျိုးသမီးဘိုးဘေးသည် ညာလက်တွင် တောင်ဝှေးကိုကိုင်ကာ ဘယ်လက်တွင် လိပ်ပြာနားနေသည်။

လိပ်ပြာများသည်မြောင်များ၏ကိုယ်စားပြုတိရိစ္ဆာန်ရုပ်ဖြစ်ကာ ဒဏ္ဍာရီကူမျာူကအရာအားလုံးကိုမွေးဖွားပေးနိုင်သည်။

ဂူထဲရှိအင်းစက်လေးကောင်အရုပ်အောက်တွင် ဘယ်မှညာထိ အင်းစက်လေးကောင်းဖြင့်ထွင်းထားသော ကျောက်သားစင်မြင့်တစ်ခုရှိသည်။ ကျောက်သားစင်မြင့်မှာအခေါင်းပေါက်ပုံစံရှိကာ အလွန်သေသပ်သိမ်မွေ့စွာထွင်းထုထားသည်။ အပြင်ဘက်ပုံစံကွက်များကိုဖြတ်၍ အတွင်းဘက်ရှိ ခရားအမျိုးမျိုးကို မြင်နိုင်သည်။