Kabanata 103
______________
LEI P.O.V.
"Siguro dahil kusa lang talaga darating Lei." Aniya na mahinang bumuntong hininga. "How do I know when Im in love?..kung nasasaktan kana pero gusto mo paring ipagpatuloy. Hindi naman yon katangahan, gusto mo lang lumaban kasi mahal mo pa." Giit niya pa at doon rin ako napayuko.
"Dika lumaban kay Monica?" Tipid na tanong ko naman na hindi parin siya hinarap. Rinig ko ang pagpilantik ng dila niya bago sumagot.
"Ayokong lumaban dahil alam ko kung saan talaga siya, ipaglalaban ko pag mahal ko pero di ko alam kung bakit pagkagising ko nalang ay ayokong lumaban para sa kanya." Sagot niya at kahit diko pa siya lingunin ay ramdam ko ang pagiging sinsero sa sinabi niya.
"Kung ganon alam mo na kung anong nararamdaman ko ngayon sayo?" Nakataas kilay na tanong ko sinusubukan ang tapang niya. " Hindi ko pa nga naaalagaan sarili ko ako pa kaya ang mag-alaga ng iba?" Tipid na saad ko pa.
"Tsk!!" Malakas na reklamo niya pa. "You better start loving yourself! Or else
I'll do it for you!!." Bulalas niya na hindi ko inaasahan na yon ang maririnig kong sagot. "Pakiramdam ko gusto mo na nga ako! Haha! Umamin ka nalang para maaga monthsary natin sa susunod na buwan!."
Napailing nalang ako sa kanya at hindi siya pinansin, nagpatuloy ako sa paglalakad ng sumigaw siya bigla.
"Uy bala!" Sigaw niya bigla at nagulat ako saglit at seryusong napaharap sa kanya ngayon ang seryusong mukha niya ay lumambot kasabay ang paglitaw ng isang ngiti. "Alabyu."
Sarili niya lang mismo ang napakilig at doon ko napagtanto na binaliktad niya lang pala ang UyBala.
"Sus!! kinilig tinatago-tago pa!. Eh. Ihing-ihi kana sa kilig pinipigilan mo pa!" Asik niya pa at napairap akong tinalikuran siya.
"Lei loveybabe!!!! Hintay naman jan!" Asik niya pa ng maiwan ko.
Kinalaunan ay nagsalo-salo kami sa hapunan at hindi mawala-wala ang masayang ngiti ng lola ni Jeau sa amin. Kahit nakangat-ngat na ng buto ay nakangisi parin sa amin. "Wala bang subuan?" Aniya at mabilis umangat ng tingin si Jeau sakin sabay kuha sa kutsara niya na ipapasubo sakin. Napayuko ako sa hiya, talagang gagawin niya talaga ang gusto niya? Sa mismong harapan ng lola? Mga katulong?.
"Ahhh!" Pilit niya pa sakin at natawa nalang si lola ng lumipat ako ng upuan katabi ng matanda. Napanguso nalang sakin si Jeau at nagsimulang kumain.
"Nagliligawan naba kayo?" Tanong ni lola at pareho kaming napahinto ni Jeau sa ginagawa namin. Napaayos ako sa tanong na iyon ng maunahan na ako ni Jeau na sumagot.
"Mag-asawa na kami la! May isang daang anak na iirihin pa!" Nakangiting sagot nito at palihim namang nagsitawanan ang mga katulong. Masama kong sinulyapan si Jeau pero parang wala lang sa kanya iyon at niya bigla sa plato ko ang isang binalatan na patatas.
"Mainit pa yan kasing init ng pagmamahal ko sayo!" Aniya at mas lumaki pa ang tawa ng paligid sa amin. Napalunok ako sa hiya na nadarama ko ngayon habang siya ay ngisi lang ng ngisi.
Napagplanuhan namin na sa study room kami ngayon para mag-review para sa Summit. Ako na ang naunang dumating at ilang minuto ay si Jeau na pagpasok niya palang sa pintuan ay nagtataka ako bakit ang dami niyang dala.
"Mag-aaral lang naman, hindi picnic." Mahinang usal ko na sa computer nakatitig. Marami siyang dalang snacks at dala ang makapal na kumot.
"Eh dito tayo matutulog eh!" Masiglang aniya na nag-aayos sa mga gamit. Hindi ko alam kung ano ba ang pumasok sa utak niya para sa ganito ang dala niya, mag-aaral lang naman kami. Pagkatapos sa ginawa niya ay tumabi naman siya sa malaking study table sabay lapag ng reviewer niya. Ngumiti siya sakin pero hindi ko siya nilingon.
"Alam mo ba Lei na kung ang english ng langit ay sky, bakit dika sakin mag hi?" Napatingin ako sa kanya at isinantabi ang pagbabasa ko.
"Oh ano? Hulog kana?" Asar niya sakin pero hindi ako sumagot at nakatitig lang ako ng seryuso ngayon sa mukha niya nang ilapit niya ang upuan niya sa upuan ko para magkatabing-magkatabi kami. "Sasaluhin na kita."
"Paano ako mahuhulog kung nakaupo ako. Tanga asa ka." Sabi ko at napanguso siya sakin.
"Mataman na ngang magsalita wala pang kwenta! Huwag ganyan Loveybabe!" Reklamo niya at pinasadahan ko nalang ang libro na nasa harapan ko.
"Hindi ka gumagamit ng liptint?" Tanong niya pa at umiling lang ako.
"Bakit?"
"Namumutla ka bigla." Aniya sa seryusong paraan doon narin ako humarap sa kanya ulit.
"Hindi ako mahilig sa liptint."
"Ah! Alam ko na kung anong makapagpapapula sa labi mo para hindi mamutla!." Giit niya pa at interesado naman akong malaman kaya nagtanong narin ako ng ano?. At ang naging sagot niya naman ay "Halikan kita! Para pumula!" Mabilis na sabi niya at saktong may maliit na unan na sinasandalan ko ay mabilis kong kinuha at hindi nagdadalawang isip na sapakin siya ng pangalawang beses.
"Uy! Ang sadista mo naman!" Reklamo niya na natatawa lang. "Halikan kita jan eh!"
"Subukan mo at tatagos sayo tong g-tech sa lalamunan mo." Banta ko at nawala ang ngisi niya ng maimagine niya iyon. "Tigilan mo ko." Tipid na reklamo ko at wala na nga lang siyang nagawa kundi ang umayos at irapan ako. Lihim akong napangiti saglit na agad ring binura baka makita pa ako nito at lumaki na naman ang ulo.
Kinalaunan ay napahilot siya sa ulo niya habang nagbabasa sa kanyang reviewer, napasulyap ako sa kanya pero hindi niya man lang napansin halatang pukos siya sa ginagawa niya.
"Ang hirap nito. Patulong babe." Seryuso aniya. Hindi ko alam kung seryuso siya sa pagtawag niya sakin parang wala lang kasi sa kanya iyon animoy sanay na.
"Ano ba yan?" Usal ko at agad niyang pinakita sakin ang papel niya.
"Ito oh!. Ang hirap babe. Saka yung ganitong pattern ang hirap naman e solve."
Napatingin lang ako sa papel niya pero napatitig naman siya sakin. "Ang ganda mo talaga babe." Saad niya pa na nakatitig lang ng malapitan sa mukha ko. Napabuntong hininga nalang ako sa galawang ginawa niya.
"Ang ganda rin ng drama mo, nadali ako." Tipid na sabi ko nalang at napangiti lang siya ng nakakaloko saka mas dumikit pa sa akin. "Artistahing tanga."
"Seryuso. If you ask me what I saw in you, it is not what I saw. It is what I felt for you." Aniya at hinawakan bigla ang pisnge. Akala ko kung ano na ang gagawin niya ng ilapit ang mukha niya sakin pero ngumiwi lang siya sakin at bumuntong ng malakas na hininga sakin bago umiwas nalang. "I'm Addicted to you. I really want to see you every day." Saad niya at napaiwas nalang rin ako bigla meron parin sakin ang pagkailang.
"M-magseryuso ka jan." Padiin na usal ko para mapangiti pa siya sakin.
"Nagseryuso naman ako..para sayo." Aniya na nakangisi lang ng nakakaloko, kung mabilis siguro akong madali sa ganito ay baka niyakap ko na ito pero ikinairap ko nalang, di talaga kami matatapos dito ngayon kung ganito siya. "Why are you so pretty, you're making my heart skip a beat." Banat niya pa na bigla kinurot ang pisngi ko at agad kong dinakip ang kamay niya at mabilis na binali. Napasigaw siya sa sakit at napaaray na nakatingin sakin.
"Loveybabe naman! Pagmamahal binigay ko sayo tas sasaktan mo lang ako!" Aniya na biglang lumayo. Akala ko nagtampo siya doon pero nagkamali ako, napatawag ang ama niya. Nang pinagmasdan ko lang siya sa may bintana nakasandal habang sinasagot ang tawag ay lihim akong napatingin sa kanya. Paano kung diko narin maintindihan ang lahat?.
Nang mapalayo siya sa lamesa ay doon na ako nagsimulang mag-aral ulit. Ayos namang wala siya dahil nakakapag-aral ako ng tahimik pero hindi ko magawang magpatuloy sa binabasa ko dahil parang isang oras narin ang nakalipas ay hindi pa siya natatapos sa tawag niya. Napabumuntong hininga nalang ako sa naiisip ko at hinihilot ang noo. Ano naman sakin kung matagal siya.
Di kalaunan ay inaantok na ako. Sa katamaran ko ay ayoko ng bumalik sa kwarto, pwede naman ako dito hindi ako mapili. Wala naman atang plano si Jeau na mag-aral kaya kinuha ko nalang rin ang reviewer niya at pinagkaisa sa reviewer ko rin para magawang unan at doon ko sinandal ang ulo ko hanggang sa unti-unti na akong mapapikit sa antok.
Di nagtagal ay may naramdaman akong nagsusuklay sa buhok ko, pinakikinggan ko lang ang galaw niya at alam ko rin na nakatitig sakin si Jeau ngayon. Kapag ganito pa siya ay hindi ko na kayang bumalik sa tulog ulit.
Nang tumagal at naiinip na ako ay dahan-dahan na akong dumilat at hindi ko pinakita sa kanya ang pagkataranta at gulat ko ngayon. Hindi ko inaasahan na kaunting pulgada nalang ang layo sa mga mukha namin at magkakadikit na talaga. Naisipan kong pumikit nalang ulit, ayokong makita siya na malapit sakin. Sa kaba na dala ng ginawa niya ay nagsimulang kabahan na ako at hindi mapakali. Itutulak? Sasampalin? Babalian ng daliri? Hindi ko magawa dahil ang tanging nararamdaman ko lang ay ang kabahan, ni magsalita ay diko magawa. Para akong napipi.
Nang magpanggap ako na matulog ulit ay parang napanatag ng kaunti ang sarili ko, kumalma narin kahit papano ang paghinga ko. Didilat pa sana ako ulit para aalis nalang nang maramdaman ko ang hininga niya at doon na may dumapo na isang malambot na labi sa noo ko bagay na mas ikinatulala ko nalang. Sa hindi ko inaasahan ay nagsimula na akong kabahan at ang lakas kumalabog ng puso ko bagay na ikinatakot ko.
JEAU P.O.V.
Kunot noo akong napasagot sa tawag ni papa. Pambihira naman, handa at priparado na ako sa mga banat ko kay Lei ay bigla nalang nawala lahat ng dahil lang sa tawag. Hindi naman sa ayaw kung kausapin ang ama ko pero di ko rin alam bat napatawag siya, saka ngayon lang rin nangyari.
"Nakikinig ka Jeau?" Paglilinaw niya at lihim akong lumayo ng kaunti kay Lei. "Kung may magtatanong sayo na kahit sino, kahit pa ang mga Laurente huwag kang sasagot. Binabalaan kita buhay mo ang masisisi." Diin na saad ni papa para makabahan naman ako bigla. Napalunok ako at ngumiti nalang na nakatitig sa labas ng bintana. Parang tanga ni hindi ko alam kung anong tanong sagot pa kaya?.
"Dont worry. Wala akong sasabihin wala rin naman akong alam.".pag-aamin ko at nakaramdam ako ng kaunting kaba sa puso ko. Bakit naman ganon? Tatawag lang para bantaan ang buhay ko?. Nang maibaba ko ang linya ay bumalik ako sa lamesa at pinakita ang matamis na ngiti ko kay Lei pero napakunot noo nalang ako sa kanya. Nakapikit ang mga mata niya at mahimbing na natutulog, ginawang unan ang mga reviewer namin. Lihim akong tumabi sa kanya at pinagmamasdan lang ang himbing ng tulog.
Hindi siya pangit. Maganda siya, hindi ko siya pinuri dahil gusto ko siya sadyang maganda naman talaga siya hindi ko lang nakikita noon dahil abala ako sa ibang bagay. Simple, hindi naglalagay ng make-up, makinis ang mukha na natural na natural lang at hindi rin ganon ka pula ang labi hindi rin pango pero hindi ganon kataas ang ilong niya kumbaga nababagay lang talaga sa mukha niya at nakakatulala ang mga piloka niya na napaka-kapal at mahaba. Akalain niyo yon, mas gusto ko nalang siyang tignan na ganito.
Nang may kung ano akong naiisip sa sarili ay kinabahan ako bigla. Gusto ko siyang halikan pero bawal yon. Umiling nalang ako para magising sa kagaguhan at sinusuklay ang magulo niyang buhok. Parang wala rin namang pakialam to sa buhok niya pero hindi naman ganon kagulo. Habang sinusuklay-suklay ko ay napapatingin ako sa mukha niya gustong-gusto ko ang ganito, sa boung buhay ko ito lang ang hiling ko na ayaw kong bitawan.
Akma ko siyang hahalikan sa labi, iwan ba bakit ito pa ang pumasok sa isipan ko. Ilalapat ko na sana sa labi ko ng unti-unti siyang napadilat at kahit ako ay napatulala at parang naging bato sa nangyari. Napatitig siya sakin at nagkatinginan na nga kami, para maiwasan ko ang pagkailang ay sinuklay ko ulit ang buhok niya at napapikit naman siya at doon ko siya hinalikan sa noo.
Hindi pa ito ang oras para halikan siya sa labi, gusto ko alam niya na hahalikan ko siya may panahon naman para doon at kahit anong mangyayari ay rerespetuhin ko parin siya.
_____________________________
Follow me.