(၅)

33 3 0

by minsetwai

by minsetwai

အခန်း(၅)

ဘယ်လိုပဲဖြစ်ဖြစ် ကျွန်တော်ဟာ
ထိန်းချုပ်ထားမူတွေအောက်မှာ
မနေနိူင်တဲ့သူတစ်ယောက်ဖြစ်တယ်ဆိုတာတော့ ကျွန်တော်ကိုယ်
ကျွန်တော်သေချာပါတယ်။

ဒီလိုပဲ ကျွန်တော်ဟာ ကြမ်းကြမ်းတမ်း
တမ်းအလုပ်တွေကို လုပ်ကိုင်နေရတယ်ဆိုပေမယ့်လည်း တခါတရံတော့
ကျွန်တော်နှလုံးသားဟာ
နူညံနေပြန်သေးတယ်။

Facebookပေါ်မှာ ကျွန်တော်
ကဗျာတွေရေးတယ်။
အဲဒီတော့ facebookပေါ်မှာ ကဗျာဆရာမလေးတွေနဲ့ သိကျွမ်းတာမျိုးတွေရှိတယ်။ ဒါတွေဟာ သမီးရည်းစားတွေ
အတွက်တော့ ခံရခက်စေတဲ့
ဝေဒနာတစ်ခု ဖြစ်ပြန်ပါတယ်။

တကယ်တမ်းပြောရရင်
ကျွန်တော်မေဇော်ကို ကြောက်လန့်နေခဲ့တဲ့ အချိန်တွေ ရှိခဲ့တယ်။
ဒါဟာ မရိုးသားတဲ့တစ္ဆေခြောက်မူ
လို့တော့ သတ်မှတ်လို့ရတယ်။

အခုလို အခြေအနေမျိုးမှာ ကျွန်တော်သူ့ဆီ ဖုန်းမဆက်ရဲဘူး ။

ကျွန်တော်ကိုစိတ်ဆိုးနေသလား
၊ပေါ်က်ကွဲနေသလား ကျွန်တော်အသေအချာမသိချင်မိဘူး။

သူ့အပေါ်ခံစားမိတဲ့ စိတ်ကတစ်ဆင့်
သံယောဇဉ်တွေ ပ်ုပေါ်က်ဖွားလာမှာကို ကျွန်တော်တကယ် စိုးရိမ်နေခဲ့တယ်။

အဲလို မတင်မကျ အဖြေတစ်ခုမှာ
ကျွန်တော်ကိုယ်တိုင်က ဒွိဟ
တွေနဲ့ကန့်လန့်ခံနေသူဖြစ်တယ်။

စဉ်းစားကြည့်ရင် အမျိုးသမီးတစ်ယောက်ကို အမျိုးသားတစ်ယောက်ကချစ်တယ်လို့ ပြောလိုက်ရင် အမျိုးသမီးမှာ အဖြေနှစ်ခုပဲပေးစရာရှိပါတယ်။
အမျိုးသားရဲ့ အချစ်ကို လက်ခံမယ်ဆိုတာနဲ့ လက်မခံဘူးဆိုတာပါပဲ။
လက်ခံမူ၊ လက်မခံမူ ဖြေကြားခဲ့ပြီးနောက်မှာတော့ ယောကျာ်းလေးတွေဘက်က အဲဒီအချိန်မှာ တကယ်အချစ်ကို အကဲဖြတ်ကြတယ်လို့ ပြောရင် ကျွန်တော်က မှန်တယ်လို့ပဲ ဖြေမှာ ဖြစ်ပါတယ်။
တကယ်တော့ကျွန်တော်ပုံစံက အချစ်ကို သရုပ်ခွဲ လေ့လာနေတဲ့လူနဲ့ တူနေမလားမသိဘူး။
ကျွန်တော်အချစ်ဟာ ယုံကြည်စရာအကြောင်းမရှိဘူးလား။
ယုံကြည်အောင် ရှင်းပြနိူင်မယ့် စကားလုံးတွေဟာလည်း လည်ပင်းထဲမှာပျောက်ရှနေတယ်။
လတစ်ဦးတစ်ယောက်က ယုံကြည်လာအောင် ကျွန်တော် အတင်းအကျပ်ကြီးတော့ မရှင်းပြချင်ဘူး။
သူရဲ့ ပင်ကိုစိတ်ရင်းက ကျွန်တော်ကိုအမှန်တစ်ကယ်ယုံကြည်နေတာကိုပဲ ကျွန်တော်လိုလားတယ်။
ကျွန်တော်အတ္တကြီးနေတာလို့လည်း ဆိုကောင်းဆိုနိူင်ပါတယ်။
ဒါပေမယ့် အဲဒါက မူရင်းစင်စစ်ပဲ ဖြစ်တယ်။
"ချစ်၊ ချစ်မှာ စာအုပ်နဲ့ ဘောလ်ပင်ပါလား။"
"မပါဘူး ကို၊ ဘာလို့လဲ။"
သူ တစ်ချက်ပြုံးတယ်။
"ကို ချစ်အတွက် ကဗျာရေးချင်လို့ပါ။"
"မပါဘူးကိုရဲ့။ ဆိုင်က တောင်းလိုက်မယ်လေ။"
"နေပစေ။ ကို သွားဝယ်လိုက်ပါ့မယ်။ ချစ် ခဏစောင့်နေနော်။"
အနည်းဆုံးတော့ ကျွန်တော်မေဇော်အတွက် ကဗျာတွေ ရေးဖြစ်ခဲ့ဖူးတယ်။
ပြီးတော့ မေဇော်ကို အမြဲပြောချင်ခဲ့တဲ့ စကားတစ်ခွန်းလည်း ရှိခဲ့ဖူးတယ်။ အဲဒါက..
သတိနဲ့ နေတယ်ဆိုတာ ကောင်းပါတယ်။
ဒါပေမယ့် အရမ်းသတိထားလွန်းအားကြီးရင်တော့ ကိ်ုယ့်ပယောဂနဲ့ ကိုယ်ပြန်မိနိူင်ပါတယ်ဆိုတာမျိုးပေါ့...။
ခဏနေတော့ သူဗလာစာအုပ်တစ်အုပ်ကိုင်ပြီး မေဇော်ဆီ ပြန်ရောက်သွားခဲ့တယ်။
"ချစ် အဲဒီထဲမှာ ကဗျာမဟုက်၊ဘာမဟုက်တဲ့ စာလေးတစ်ကြောင်းရေးထားတယ်။
ဒီစာအုပ်လေးကို ချစ်ယူထားပါ။
ပြီးတော့ ချစ် ကို့ကို ပြောမထွက်တဲ့ စကားမျိုးတွေရှိလို့ပဲ ဖြစ်ဖြစ်၊ ဒါမှမဟုက် ကို့ကို လွမ်းလို့ပဲဖြစ်ဖြစ်၊ ချစ်ခံစားသမျှကို ကိုနဲ့ မပြောဖြစ်တဲ့အခါ ဒီဗလာစာအုပ်လေးထဲမှာ ရေးပေးပါ။
နောက်တစ်ခေါ်က် ပြန်တွေ့တဲ့အခါ ချစ်က ဒီဗလာစာအုပ်ကို ကို့ကိုပြန်ပေး ကိုဖတ်ကြည့်မယ်။
နောက်ကိုပြန်ယူသွားမယ်။
ကိုလည်း အဲလိုပဲ ချစ်နဲ့ပတ်သက်ပြီး တစ်ခုခု ခံစားရတဲ့အခါ ဒီဗလာစာအုပ်လေးထဲမှာ ရေးပြီး ချစ်ကိုပြန်ပြမယ်နော်။"
ကျွန်တော်ဟာ အရမ်းကိုမှ စိတ်ကူးယဉ်ဆန်စွာနဲ့ မျဉ်းဖြောင့်တစ်ကြောင်း ရေးဆွဲချင်မိပါ။ ကျွန်တော်ဆွဲတဲ့မျဉ်းကြောင်းဟာ ဘယ်လ်ုအကြောင်းနဲ့မှ ယိုင်မထွက်သွားဘူးဆိုရင်။ ဒီမျဉ်ကြောင်းဟာ အတော်လှပနေမှာပါပဲလေ။
----------♥------------------♥----------------