အခန်း(၃၅)

46 2 0

by minsetwai

by minsetwai

(၃၅)

ဘာလိုလိုနဲ့ပဲ ကျွန်တော်ရန်ကုန်ပြန်ရမယ့် နေရက်ကို ရောက်ရှိလာပါတော့တယ်။ ရန်ကုန်ပြန်ဖြစ်ရင် ပဲခူးမှာ ရွှေရည်နဲ့တွေ့ဖို့ကို ကျွန်တော် date လုပ်ထားခဲ့ပါတယ်။ ဒီလိုနဲ့ပဲ ကျွန်တော်ရန်ကုန်ပြန်တဲ့လမ်းမှာပေါ့...

"အကိုက တစ်ကယ်ဝင်လာမှာလား ပဲခူးကို "

ဒီကောင်မလေး သူ့ကို ကျွန်တော်နောက်နေတယ်လို့ ထင်နေသလားမသိ။

"တစ်ကယ်ပါဆို၊ ခု ကိုနေပြည်တော်မှာ၊ ကိုအဖွဲ့တွေက မန္တလေးပြန်ဆင်းကြလို့ ကို နေပြည်တော်မှာ ဆင်းနေခဲ့တာ။"

"အင်း ၊ အာ့ဆို ပဲခူးရောက်ရင် လှမ်းဖုန်းဆက်လေ၊ ရွှေရည်လာခဲ့မယ်။"

ရွှေရည်စကားကြောင့် ကျွန်တော် စိတ်ချမ်းမြေ့သွားရတယ်။ သူနဲ့ မကြာခင်တွေ့ရတော့မယ်ဆိုတဲ့ အသိနဲ့ ကျွန်တော်စိတ်တွေ လှုပ်ရှားလာမိတယ်။ဒီလိုနဲ့ ကျွန်တော်ရန်ကုန်ပြန်မယ့် ကားပေါ်တတ်လိုက်တယ်။ ကားပေါ်ရောက်တော့ အဲဒီစိတ်လှုပ်ရှားမူကို အခွင့်ကောင်းယူပြီး ကဗျာစပ်မိပြန်တယ်။ ဒါပေမယ့် ကျွန်တော်သိပါတယ်။ ဓာတ်ပုံထဲမှာ ချောတဲ့မိန်းခလေးတိုင်းလည်း အပြင်မှာမချောနိူင်သလို၊ ဓာတ်ပုံထဲမှာ အသားဖြူတိုင်းလည်း အပြင်မှာ မဖြူနိူင်ဘူးလေ။ ပြီးတော့ ကျွန်တော်ကလည်း ရုပ်အလေးထားတဲ့သူ တစ်ယောက်မှ မဟုတ်တာ။ အဓိကက စိတ်ခံစားချက်ပါပဲ။

ကားကအိပဲ့၊ အိပဲ့..။ပျင်းစရာတော့ အတော်ကောင်း ပါတယ်။ ကားလမ်းတစ်လျှောတ် မြင်ကွင်းတွေကလည်း မြင်နေကျ မြင်ကွင်းတွေချည်းပဲမို့ ကျွန်တော်အတွက်တော့ မထူးဆန်တော့...။ မနက်ရှစ်နာရီက နေပြည်တော်က ထွက်ခဲ့တဲ့ကား နေ့တစ်ဝက်ကျိုးတာတောင် ခရီးတစ်ဝက် မရောက်သေး။ နည်းနည်းတော့ တရားတော့လွန်လာပါတယ်။ ပြီးနောက် ရွှေရည်က ဖုန်းဆက်လာပါတယ်။

"အကို ဘယ်ရောက်နေပြီလဲ..။"

"အခုထိ ခရီးတစ်ဝက် မကျိုးသေးဘူး။ ကားက ဘယ်လိုမောင်းနေမှန်း မသိပါဘူးကွာ။"

"အဲဒီလိုဆို ညနေတောင်ရောက်ပါ့မလား။ ရွှေရည်က အရမ်းမိုးချုပ်သွားရင် အိမ်ကထွက်လာလို့ရမှာ မဟုတ်ဘူး။"

"အင်း၊ ကိုသိပါတယ်။ ရောက်ခါနီးကို ဖုန်းကြည့်လိုက်မယ်။ မတွေ့နိူင်တော့ဘူးဆိုရင်လည်း ဘယ်တတ်နိူင်ပါ့မလဲ။"

"ဟုတ်.”

"ဟူး..."

ကျွန်တော် သက်ပြင်းချရပါတော့တယ်။ စိတ်ဓာတ်လည်း အတော်ကျရပါတယ်။ ကျွန်တော် ရွှေရည်နှင့် တွေ့ချင်တယ်။ အပြင်မှာ သူနှင့်တွေ့ပြီး စကားတွေအများကြီး ပြောချင်တယ်။ ဒါပေမယ့် ကံတရားက ကျွန်တော်ဘက်မှာ မရှိသလိုပါပဲ။

ခရီးသည်တစ်ချို့ ကားသမားကို ဆုမွန်ကောင်းတောင်းပေးနေကြလေရဲ့။ သူတို့နွားလှည်းနှင့်ကား မှားစီးမိသလားဟု ညည်းကြလေရဲ့။ ဟုတ်လည်းဟုတ်ပါတယ်။ ဖြစ်နိူင်ရင် ကျွန်တော်ကိုယ်တိုင် ဝင်မောင်းလို့ရရင် ဝင်မောင်းချင်မိတော့တယ်။ ကားမောင်းတဲ့ဆရာကတော့ အေးဆေးပဲ။ ကွမ်းလေးဝါးလိုက်၊ ဘေးက စပယ်ယာနဲ့ စကားပြောလိုက်နဲ့ရယ်။

အိပဲ့ပဲ့ကားကြောင့်လားမသိပါဘူး။ ကျွန်တော်တောင် ခဏအိပ်ပျော်သွားရတယ်။ ပြန်နိူးလာတော့ ကားက ဘုရားကြီးကိုတောင် မရောက်သေးဘူး။ ကျွန်တော်
နာရီကြည့်လိုက်တယ်။ ၄နာရီခွဲ၊ သွားလေပြီ။ စိတ်ပျက်လက်ပျက်နဲ့ပဲ ရွှေရည်ဆီဖုန်းပြန်ဆက်ရပါတော့တယ်။

"အကိုတော့ ပဲခူးကို ညမှပဲ ရောက်တော့မှာ ကျိန်းသေတယ်။"

"ဟင်..အကိုက ဘာကားစီးလာတာလဲ။"

"...............လေ.."

"အဲဒီကားတွေက အဲဒီလိုပဲ...။ ရွှေရည်ဆို အဲဒီကား ဘယ်တော့မှမစီးဘူး။ ကားကလည်း စုတ်သေး၊ မောင်းတာကလည်းကြာသေး။"

"ကိုလည်း အစောဆုံးထွက်တဲ့ကားဆိုတော့ အမြန်ရောက်မလားလို့ စီးလိုက်မိတာ။"

"ဘယ်တတ်နိူင်မလဲ အကိုရယ်၊ နောက်တစ်ခေါ်က်မှ တွေ့ကြတာပါနော်..။"
"အင်း...။"

ထိုသို့နှင့်ပင် ည၇နာရီလောက်မှ ပဲခူးကို ကားကဖြတ်ပါတယ်။ တစ်လမ်းလုံးရပ်လိုက်၊ ဖြည်းဖြည်းမောင်းလိုက်နှင့် ခရီးသည်များကို အားနာမူမရှိသော ထိုကားအား ကျွန်တော် နောက်မစီးတော့ဟု စိတ်မှာ နာနာကျည်းကျည်း မှတ်တမ်းတင်နေမိတော့တယ်။
-----------------------------------