ពេលរៀបចំខ្លួនរួចរាល់ហើយថេយ៍ក៏ដើរមកឈរនៅតុបាយព្រោះពេលនេះអ្នកស្រីចននិងជុងហ្គុកកំពុងតែញ៊ាំបាយហើយតួនាទីអ្នកបម្រើទាំងអស់ត្រូវឈរនៅទីនេះដើម្បីងាយស្រួលឲ្យចៅហ្វាយប្រើការ
«អ្នកម៉ាក់ថ្ងៃនេះខ្ញុំទំនេរចង់ទៅទិញរបស់បន្តិចសុំខ្ចីអ្នកបម្រើម៉ាក់សិន»ជុងហ្គុកនិយាយរួចក៏ដៀងភ្នែកទៅមើលថេយ៉ុងនៅក្បែរនោះឈរធ្វើមិនដឹង
«ហើយកូនចង់ឲ្យអ្នកណាទៅជាមួយ?»
«អ៊ំផៃទៅបានណា៎អ្នកប្រុស»អ៊ំផៃគាត់គិតថាជុងហ្គុកនឹងឲ្យគាត់ទៅជាមួយព្រោះគាត់មើលថែរជុងហ្គុកតាំងពីតូចចឹងហើយប្រហែលជាយកគាត់ទៅហើយទើបនិយាយឡើងទាំងញញឹម ប៉ុន្តែខុសពីការគិតរបស់គាត់ទាំងស្រុង...
«ថេយ៉ុងឯងត្រូវទៅផ្សារជាមួយខ្ញុំ»
«ហ្ហាស៎..?»គ្រាន់តែឮថាថេយ៉ុងនឹងទៅផ្សារជាមួយជុងហ្គុកម្ចាស់ឈ្មោះក៏បើកភ្នែកធំៗធ្វើមុខស្អុយមក ដូចខ្វះអ្នកបម្រើទៅជាមួយចឹង
«អ្ហឺ...អ្នកប្រុសជុងឲ្យអ៊ំទៅជាមួយវិញទៅថេយ៍វានៅក្មេងមិនសូវដឹងខ្យល់អីទេ»
«ពិតមែនហើយខ្ញុំនៅក្មេងឲ្យទៅជាមួយអ្នកប្រុសដូចជាមិនកើតទេ»ថេយ៉ុងក៏ជួយនិយាយចាក់បណ្ដោយអ៊ំផៃព្រោះសមីខ្លួនគេក៏មិនចង់ទៅដែរ មនុស្សស្អីពូកែឆ្ងល់ពូកែសួរបែបនេះ
«ហេតុអី? ក្រែងថាមានបទពិសោធន៍ការងារ4ឆ្នាំ? យ៉ាងណាឯងត្រូវតែទៅជាមួយខ្ញុំ»
«ប៉ុន្តែ-»
«ឯងទៅៗថេយ៉ុងទុកឲ្យផៃគេនៅមើលការខុសត្រូវនៅទីនេះគឺល្អហើយ អ្ហឺ...ស្អែកនេះម៉ាក់ចង់ធ្វើកម្មវិធីជប់លៀងនៅផ្ទះយើងកូននិងថេយ៉ុងជួយទៅទិញឥវ៉ាន់សម្រាប់ធ្វើម្ហូបថ្ងៃស្អែកផងណា ហើយការងារនេះថេយ៉ុងឯងជាអ្នកទទួលខុសត្រូវ»
«ហ្ហាស៎?? ខ្ញុំទៀតហើយ?»ថេយ៉ុងចង្អុលមុខខ្លួនឯងសួរទៅអ្នកស្រីចន
«ឯងហ្នឹងហើយនៅទីនេះឈ្មោះថេយ៉ុងមានប៉ុន្មាននាក់?»
«ហ្ហឹសៗ...សប្បាយណាស់ម៉ាក់ ឆាប់មកថេយ៉ុង»ជុងហ្គុកសើចចេញធ្មេញដាក់ថេយ៉ុងបន្ទាប់ពីឃើញមុខដ៏ស្អុយរបស់គេហើយឲ្យតែនៅជាមួយនាយមុខស្អុយឲ្យរាល់តែលើក។
YOU ARE READING
បន្លំខ្លួនជួបស្នេហ៍ពិត✔️
Romanceបន្លំខ្លួនធ្វើជាអ្នកបម្រើព្រោះតែចង់ដឹងថាអនាគតស្វាមីខ្លួនជាមនុស្សល្អឬមនុស្សអាក្រក់ព្រោះមិនធ្លាប់ស្គាល់គ្នាពីមុនមកតែយូរៗទៅក៏ស្រឡាញ់គេដោយមិនដឹងខ្លួនព្រោះទង្វើល្អរបស់គេ រហូតដល់ពេលដែរគេដឹងការពិតហើយម្ដាយក៏នៅបង្ខំឲ្យរៀបកាដដែលតើជីវិតក្រោយអាពាហ៍ពិពាហ៍នេះទៅជា...
