(Unicode)
"ဝမ်ရိပေါ် ဒီမှာမင်းစုထားတွေများသားဘဲ"
နန်းဆောင်အတွင်းရှိပစ္စည်းများကို ညွှန်ပြကာ ရှောင်ကျန့်ဆိုသည်။
"ကျွန်တော့်ဟာက ဒီဘက်ကအဝတ်အစားတချို့ပါဘဲ။ ဟိုဘက်က တူရိယာပစ္စည်းတွေက ကျွန်တော့်ဟာမဟုတ်ဘူး"
"မင်းဟာမဟုတ်ဘူးလား"
"အင်း အရင်နန်းဆောင်ပိုင်ရှင်ဟာ ၊ ဒီနေရာကအရင်တုန်းက မင်းသမီးတစ်ပါးရဲ့နန်းဆောင်လေ။ အဘိုးတော် မင်းကြီးရဲ့ သမီး ၊ ခမည်းတော်ရဲ့ အစ်မတော်နေခဲ့တာ ဒီမှာ။ ကျွန်တော့်ရဲ့ အရီးတော် ပေါ့"
"ဪ အဲဒါကို ဘာလို့ဒီအဆောင်ကြီးကိုပစ်ထားကြတာလဲ။ မင်းသမီးရဲ့နန်းဆောင်လို့လည်းပြောသေးတယ်"
"အင်း..........အရီးတော်က အပြစ်တစ်ခုလုပ်ခဲ့မိတာလေ။ အရပ်သားနဲ့လက်ထပ်သွားတာ။ သာမာန်အမတ်ငယ်လေးရဲ့ သားတောင်မဟုတ်ဘူး ၊ ဒီတိုင်းလက်လုပ်လက်စား တစ်ယောက်နဲ့။ အဲဒါကို အဘိုးတော်မင်းကြီးက စိတ်ဆိုးပြီး ၊ မင်းသမီးအဆောင်အယောင်တွေအကုန်ဖယ် နန်းဆောင်ကိုပါမမြင်ချင်တော့ဘူးလို့မိန့်လို့ ကျွန်တော်တို့ဝင်လာတဲ့နံရံကို ဆောက်ခဲ့တာ။ ဒီနန်းဆောင်လည်းအစွန့်ပစ်ဖြစ်သွားတော့တာ ၊ ဒီထဲကတူရိယာပစ္စည်းတွေရော။ အရီးတော်ကအနုပညာကိုမြတ်နိုးတယ်။ ပန်းချီဆွဲ ၊ ဂီတတူရိယာတွေတီးရတာကိုကြိုက်တယ်"
"ဪ.....အဲဒါကြောင့်ကို ၊ မင်းအရီးတော်ကမှန်ခဲ့တာဘဲ။ ဒီအဆောင်အယောင်တွေ နန်းဆောင်တွေကပကာသနတွေ၊ သူချစ်တဲ့သူနဲ့အတူရှိရာကသာသူ့ရဲ့ပျော်ရွှင်ရာလို့သူသတ်မှတ်ခဲ့တာ။ သတ္တိရှိတယ်"
"အင်း..........ကျန့်ကော ၊ ကျန့်ကောခုဏကပြောတာလေ ကျွန်တော့်ကိုပထမဆုံးတွေ့တာ လက်ဆက်ပွဲကျမှမဟုတ်ဘူးဆို။ ဘယ်တုန်းကတွေ့လိုက်တာလဲ"
"ဟင်း....အင်း..အဟမ်း..ဟမ်း အာ.....ငါဘယ်လိုပြောရမှန်းမသိဘူး။ ဝမ်ရိပေါ် မင်းအရင်ပြော ၊ မင်းငါ့ထက်အရင်ချစ်ရတဲ့သူရှိလားဆိုတာ"
"အာ....."
"မအာနဲ့ ခုတည်းကပြောထား ငါနောက်မှသဝန်မတိုချင်ဘူး"
YOU ARE READING
မင်းရဲ့အမိန့်အတိုင်းတည်စေ (Complete)
Historical Fictionရန်အန်း ပြည်ရဲ့အငယ်ဆုံးသားတော် မင်းသား (၁၂) "ဝမ်ရိ"။ ဟွား ပြည်ရဲ့ ဒုတိယမြောက်သားတော် ၊ မွေးကတည်းက လျှို့ဝှက်လွန်းပြီး ဟွား တိုင်းပြည်မှ ပြည်သူတို့တောင် "မင်းသား" လား "မင်းသမီး" လား မသိကြတဲ့ "ရှောင်ကျန့်"။ သူတို့နှစ်ယောက်ရဲ့ အမည်မသိ ရစ်ပတ် နှောင်ဖွဲ့...
