(Unicode)
"မိုးတိတ်သွားပြီဘဲ လတောင်ထွက်လာပြီ
"အင်း သွားလို့ရလောက်ပြီထင်တယ်"
"အင်း သွားကြစို့"
ခြေလှမ်းများမှာ မနှေးလွန်း မမြန်လွန်း။ သူတို့တက်လာသည့်နေရာမှာ ခေါင်မိုးတစ်ခုပေါ်ကိုသာ။ မြို့တော်အတွင်းတွင် အမြင့်ဆုံးအဆောက်အဦးမှာ ခံတပ်နံရံများဖြစ်သည်။ သူတို့ရောက်နေသည့်နေရာမှာ ခံတပ် နံရံအမြင့်နှင့် သိပ်ကြီးမကွာသော အဆောက်အဦးတစ်ခု၏ ခေါင်မိုးအုတ်ကြွပ်ပြားပေါ်တွင်သာ။ ရှောင်ကျန့်ကလမ်းပြရာနောက်ကို ဝမ်ရိက လိုင်သည်။ ထိုခေါင်မိုး၏ အဖျားပိုင်းသို့ရောက်သော် ခေါင်မိုးအစွန်းတွင် ငှက်တစ်ကောင်ပုံထွင်းထုထားသော အချွန်နေရာရှိသည်။ ထိုနေရာသို့ရောက်သောအခါ ရှောင်ကျန့်ကရပ်လိုက်သည်။
" ဝမ်ရိပေါ် ဒီနားလေးလာကြည့်"
"အင်း"
ရှေ့သို့ခြေလှမ်းများတိုးကာ မျှော်ကြည့်လိုက်သည်။ မီးရောင်များနှင့်မြို့တော် ၊ လူတွေသွားလာနေကြတဲ့လမ်းမတွေ ၊ စည်ကားလှတဲ့ညဈေး ၊ မီးရောင်တွေနဲ့ အရောင်ချင်းပြိုင်နေကြသော လမင်းကြီးနှင့် ကြယ်ရောင်များတို့ဖြင့် ငြိမ်းချမ်းလှသောမြို့တော်ကြီး၏ ရှုခင်းမှာ ငေးမောလောက်စရာ။
"လှတယ်မလား"
"အင်း လှတယ် ၊ လှတာထက်ငြိမ်းချမ်းနေတာ"
"အင်း ၊ သေရည်တစ်အိုးယူ"
ကိုင်ထားသော သေရည်နှစ်အိုးမှ တစ်အိုးကို ဝမ်ရိဆီသို့လှမ်းပေးလိုက်လေသည်။
"ဝမ်ရိပေါ် မင်းဒီဘက်လာထိုင် ၊ ဒီဘက်မှာပိုလှတယ်။ ငါမင်းထိုင်တဲ့ဘက်မှာထိုင်မယ်"
"ရပါတယ် ဒီနားလည်း"
"မရနဲ့ မွေးနေ့ကို အကောင်းဆုံးဆိုတဲ့အရာတွေနဲ့ဘဲဖြတ်သန်း ၊ ဒီဘက်လာ ငါအဲ့ဘက်ထိုင်မယ်"
"အင်း ကျန့်ကော"
နှစ်ယောက်သား တစ်ပြိုက်နက်ထရပ်လိုက်ကြပြီး နေရာလဲကြတယ်။ လဲနေရင်း မိုးကဘဲအလိုက်သိခဲ့လေသလား ၊ အုပ်ကြွပ်ပြားကဘဲအလိုက်သိခဲ့လေသလား ၊ သွားနေသောရှောင်ကျန့်သည် ချောနေသော အုတ်ကြွပ်ပြားကိုနင်းလိုက်မိကာ ချော်လဲမလိုဖြစ်သွားသည်။ တစ်ဖက်က တစ်စုံတစ်ဝမ် ဘယ်နေလိမ့်မလဲ နောက်ပြန်လန်လဲခါနီး ရှောင်ကျန့်ကို အမိလှမ်းဆွဲလိုက်လေသည်။ လှမ်းဆွဲလိုက်မိသည့်နေရာမှာ ရှောင်ကျန့်၏ ခါးသွယ်သွယ်လေးပင်။ ရှောင်ကျန့်၏ ခါးသွယ်သွယ်လေးပေါ်တွင် ဝမ်ရိ၏ လက်တစ်ဖက်ကနေရာယူလျက် သူ့ဘက်သို့ဆွဲယူလိုက်သည်။ ဝမ်ရိ၏ မျက်နှာတွင် လန့်သွားသည့်အရိပ်အယောင်ရေးရေး နေရာယူလျက် ၊ ရှောင်ကျန့်လည်းထို့အတူပင်။ မျက်လုံးနှစ်စုံတို့၏ အချင်းချင်းစိုက်ကြည့်နေမှုမှာ ဘယ်လောက်ကြာသွားတယ်မသိလိုက်အောင်ပင်။ နောက်မှ နှစ်ယောက်သားသတိလည်ဟန်ဖြင့် လွှတ်လိုက်ကြကာ........
YOU ARE READING
မင်းရဲ့အမိန့်အတိုင်းတည်စေ (Complete)
Historical Fictionရန်အန်း ပြည်ရဲ့အငယ်ဆုံးသားတော် မင်းသား (၁၂) "ဝမ်ရိ"။ ဟွား ပြည်ရဲ့ ဒုတိယမြောက်သားတော် ၊ မွေးကတည်းက လျှို့ဝှက်လွန်းပြီး ဟွား တိုင်းပြည်မှ ပြည်သူတို့တောင် "မင်းသား" လား "မင်းသမီး" လား မသိကြတဲ့ "ရှောင်ကျန့်"။ သူတို့နှစ်ယောက်ရဲ့ အမည်မသိ ရစ်ပတ် နှောင်ဖွဲ့...
