(Unicode)
"ဒါနဲ့နာမည်အရင်းကဘာလဲ။ မင်းသား ၁၂ လို့ဘဲသိလို့ ၊ ခုဏကတော့ ခေါ်သံတွေကြားတယ် ဝမ် ဘာဆိုလားလေ"
"ဝမ်ရိ ပါ ၊ ဝမ်ရိ"
"ဪ ဝမ်ရိ ဝမ်ရိ ရိ ရိပေါ် ၊ ဝမ်ရိပေါ်"
"အဲဒါ ဘာကြီးလဲ ၊ ရှောင် မင်းသား"
"ရိပေါ် ဆိုတာ ကျွန်တော်တို့ဘာသာစကား နဲ့ဆို လှတယ် လို့ပြောတာ ၊ မင်းသား ၁၂ နာမည်မှာလည်း ရိပါလို့ နောက်က ပေါ် လေးထပ်ထည့်လိုက်တော "ဝမ်ရိပေါ်" ဖြစ်သွားရော ဟဲဟဲ"
ဝမ်ရိ နောက်ဆုံးပြုံးခဲ့သည်မှာ ဘယ်အချိန်လဲ မမှတ်မိတော့။ အချိန်အတော်ကြာမှ ပထမဆုံးအကြိမ် ပြုံးလိုက်မိသည်။ ပြုံးလိုက်ရသည့်အကြောင်းအရင်းကလည်း သူ့ရှေ့က လူသားလေး ရှောင်ကျန့်ကြောင့်တဲ့။
"ပြုံးတတ်သားဘဲ ၊ စတွေ့တွေ့ချင်းက မပြုံးတတ်လောက်ဘူးထင်တာ။ နာမည်ကို ကြိုက်တယ်ထင်ပ ၊ နောက်ဆို ဝမ်ရိပေါ် လို့ဘဲခေါ်မယ်"
"အဆင်ပြေသလိုခေါ်ပါ ရှောင် မင်းသား"
"အယ် အယ် နေဦး။ အသက်ဘယ်နှနှစ်လဲ ဟောဒီက မင်းသား ၁၂ က"
" ၁၇ နှစ်ပြည့်ပြီးသွားပါပြီ"
" ၁၇ ဆိုတော့ ၊ ကျွန်တော်က ၂၃ ၊ အဲဒီတော့ ၆ နှစ်ကွာတယ်။ ကျွန်တော့်ကို ကောကော လို့ခေါ်"
"အာ......."
"ဘာလို့လဲ ၊ ကိုယ့်ထက်ကြီးတဲ့သူကို အကိုလို့ခေါ်တာ မထူးဆန်းပါဘူး။ ကောကော လို့မခေါ်ချင်ရင် ကျန့်ကော လို့ခေါ် ၊ အဆင်ပြေတယ်"
"ဒါပေမယ့်လည်း နန်းတော်ထဲမှာက......၊ အဆင်မပြေလောက်ပါဘူး"
"မခေါ်ချင်လည်း မခေါ်နဲ့ပေါ့ ၊ ကျွန်တော်လည်း မခေါ်ဘူး။ သွားတော့မယ်"
"အယ် အယ် နေဦးလေ။ ခေါ်မယ် ဒါပေမယ့် သူများတွေမရှိတဲ့အချိန်ဘဲ အဲဒီလိုခေါ်မှာ.....၊ အများရှေ့မှာကျ ဝေဖန်ခံရတာတွေရှိနိုင်တာမလို့"
"အဲ့လိုလုပ်ပါ ၊ ခေါ်ခေါ် ကျန့်ကောလို့"
"ကျန့် .....ကျန့်ကော"
"အင်း ဝမ်ရိပေါ်"
အရင်ကမပြုံးတဲ့ ဝမ်ရိ ၊ ခုတော့ မိနစ်တောင်မခြား ခဏခဏ ပြုံးနေလေရဲ့။ ရှောင်ကျန့်ကလည်း မနိုင်စိန်လေး။ ဝမ်ရိ လို ရေခဲတုံးက ရှောင်ကျန့်နဲ့တွေ့မှ အရည်ပျော်တော့မယ်ထင် ၊ မဟုတ်ဘူး အရည်ကစပျော်နေလေပြီ။
YOU ARE READING
မင်းရဲ့အမိန့်အတိုင်းတည်စေ (Complete)
Historical Fictionရန်အန်း ပြည်ရဲ့အငယ်ဆုံးသားတော် မင်းသား (၁၂) "ဝမ်ရိ"။ ဟွား ပြည်ရဲ့ ဒုတိယမြောက်သားတော် ၊ မွေးကတည်းက လျှို့ဝှက်လွန်းပြီး ဟွား တိုင်းပြည်မှ ပြည်သူတို့တောင် "မင်းသား" လား "မင်းသမီး" လား မသိကြတဲ့ "ရှောင်ကျန့်"။ သူတို့နှစ်ယောက်ရဲ့ အမည်မသိ ရစ်ပတ် နှောင်ဖွဲ့...
