40

6.2K 192 198
                                    

في الديره الساعه ٢ الفجر والكل نايم وهدوء الديره والهوى الخفيف وصلت سيارة بهاج الي يسوقها ابو رعد لبيت الجد حمد ونزل ابو رعد ونزل بهاج الي توه استوعب انهم وصلو للديره لكن مادخل البيت ابداً واول مانزل ابو رعد رح بهاج لكرسي السايق ومشا وابو رعد ينادي من وراه
كان بهاج طووول الطريق صامت ويحارب افكار عقله بس يوم وصل للديره ماقدر مايفضفض لحد وراح لسعود
ماقدر ابو رعد يرده وهز راسه بيأس ودخل البيت وهو مايدري وش بيصير مع ذا المصيبه
وعند بيت ابو سعود وقف بهاج ودق على سعود الي كان على وشك ينام بس فز اول ماشاف اسم بهاج واخذ الجوال بسرعه
سعود : بهاج فيك شي ؟
بهاج : اطلع انا برا
سعود قام ولبس ثوبه وطلع له مسرع ومفجوع
ركب السياره ولف على بهاج الي ملامح وجهه ماتطمن ابداً
بالعاده بهاج اذا كان ضايق يروح لمحلهم الي فوق الجبل بس هالمره كان ضايييييق لدرجة مافيه حيل يروح او يمشي لمحلهم واول ماركب سعود لف عليه بحزن وانكسار كبييييير وقال : تبي تتطلق يا سعود تبي الطلاق !
سعود سكت بيأس وهو يشوف حال بهاج
بهاج قال بكسره مايحس فيها الا سعود : يالله قلي ياسعود انا وش اخطيت به ؟
سعود : قلت لك من البدايه لا توهم نفسك على الفاضي وانت مو متأكد اذا البنت تحبك ولا لا
بهاج وهو يضرب الديركسون : ياخي تحبني انا اعرفها والله انها تحبني !!!
سعود : اجل ليش تطلب الطلاق ؟ من حبها الزايد ؟
اخذ نفس سعود بقهر وقال : انت الي تحبها مو هي الي تحبك
ارتمى بهاج على المرتبه بخوف ان اديم صدق ماعمرها حبته
ورجع هز راسه وقال : انزل
سعود : وين ؟
بهاج : مالك شششغل انننزل
سعود : مريييض انت تبيني اخلييك وانت كذا لحالك ؟ ماني نازل
بهاج : سعود انزل انا برجع للرياض
سعود الي انقهر اكثر وقال : نعمممم ؟؟؟؟ وين بتروح وين ؟
واشر على راسه وهو يقول : غبي انت غبي ؟ للحين تبي تروح للرياض ؟
بهاج : اييييييه ايه بروح مستحيل اني اطلق اديم مستحييييييييل انا اول مره احب اول مره اتعلق بشخص مستحيل اخليه يروح من يدي مستحيللللل وانت اكثر شخص تعرف كيف عانيت عشان اجتمع بأديم !!!
سعود : بتروح وش بتسوي ؟؟ وش بتقول ؟؟ بترجع وبتطردك البنت زي ماطردتك ٣ مرات قبل لا تصير ضعيف يا بهاج ! الى متى وانت تلاحق وتركض ماتعبت ؟ خلاص تبي تتطلق طلقها وريحها وارتاح انت
سكت بهاج بعدم حيله وبصدمه كبييييره من اديم
وقعدو كلهم ساكتين ربع ساعه كل واحد يفكر وش يسوون وقطع الصمت سعود وقال : بهاج انت تدري انك اخوي واعز واغلا وماابي لك الا كل طيب وبعد ماابيك تتعذب عشان ناس مايستاهلونك ! صح كنت معك بالبدايه وقلت احب وقلت لك عساك على القوه وقلت بتزوج ورجعت قلت الله يتمم لك وكنت وراك بكل شي الا انك تذل نفسك على شي اوهمت نفسك فيه لا تقول اديم تحبني ! لو اديم تحبك ماطلبت منك الطلاق لو اديم تحبك ماخلتك وانت ماتدري ورجعت للرياض !
خلاص يابهاج فتح عينك شف الحقيقه مدام انها مصره على الطلاق طلقها خلها تشوف انك ماوقفت عليها
بهاج وهو يسمع كلام سعود رجعت له اللحظات الي كانت مع اديم وهو يحضنها ويشم ريحتها ويضحك معها كل ذا بيروح ؟؟؟ كل ذا حلم ؟
بهاج بصوت هادي ومغبون : خلصت ؟
اخذ نفس سعود بغضب وقال  : ايه ابشرك خلصت انا بنزل وانت فكر وترا مية بنت تتمناك
بهاج قال بصوت خفيف : بعد اديم يحرمون علي بنات آدم
ونزل سعود بعد ماايقن بهاج راااااايح فيها
وبعد خمس دقايق مشا بهاج وراح للمسجد يصلي الفجر بكسره وطلب من الله يساعده ويكون معه وطلع من المسجد بكسره خاطر وشاف عامل الزباله ينظف وتقدم وعطاه كل الي معه لعل وعسى من سبته يفرج الله همه وراح للبيت وعلى طووووول نام من التعب وماعاد له حيل ومابقى الا كم ساعه ويكمل 48 ساعه مواصل
وعند سعود الي تضايق من حال بهاج وهو مايدري اذا اديم تحبه على كلام بهاج له تتطلق منه ؟ بس صلى وارتمى بتعب ونام وهو يدعي لبهاج
_____________________
ومن بكره العصر والجد حمد والكل متجمع بالصاله وابو رعد يقول لهم عن الي صار امس وان اديم رافضه ترجع وابو سياف مايبي يغضب بنته والكل بصدمته وساكت
افنان بصوت خفيف لتغريد : غريبه وش جاها فجأة
تغريد بخوف على بهاج : مدري مدري بس الله يستر بهاج ماهوب معدي السالفه بسلام
ام رعد لابو رعد : ايه بس الطلاق عمره ماكان حل ؟
ابو رعد : وش بيدي رحت وكلمت طلال بس ابد يقول الكلام عند اديم ماهوب عنده
الجد حمد : لالا انا لازم اروح للرياض واتكلم معه
ابو رعد : يايبه وش الفايده لامنك رحت اقول لك البنت رااااافضه وابوها اكيد ماهوب غاصبها على شي ماتبيه
قامت ام رعد بغضب : وولدي ماهوب لعبه عندهم يكفي انك زوجته غصب عنه الحين بتجبرونه يطلق ؟؟ وترا اللي مايبينا مانبيه
العمه عواطف : ياام رعد هدي والامور بتنحل ان شاءالله
طلعت ام رعد بكلللل غضب وقلبها مكسور على بهاج
الجد حمد : لاحول ولا قوة الا بالله
بعد دقايق جا اتصال لابو رعد : سلام
ابو سياف : هلا هلا اخبارك يا عبدالله
ابو رعد : على حطت يديك
ابو سياف الي ماكان وده يقول الا انه قال : حجزت موعد بالمحكمه بعد سبوع وصدقني ياعبدالله ان ذا الشي ماهوب بيدي بس خلها على الله
ابو رعد وهو شايل خاطره : يعني للحين صاملين على الطلاق ؟ مافي حل منا ولا منا ؟
ابو سياف : جربت وانا اخوك جربت اتكلم مع اديم بس ابد راافضه
ابو رعد سكت بيأس وقال بعد صمت : فمان الله
ونزل الجوال والكل لاحظ تعابير وجهه الي تغيرت
الجد حمد : وش يقول ؟
ابو رعد : موعد المحكمه بعد اسبوع ولازم نروح للرياض
البنات هنا انصدموووووو مايقدرون يتكلمون بكلمه والكل معصب والكل يفكر وقامت افنان لنوره والعنود الي يسوون القهوه في المطبخ تعلمهم بكل الي صار وقعدو مصدومين والاكثر مصدومين من اديم
وبعد نص ساعه دخل بهاج بهدوء والكل سكت اول ماشافه وتقدم سلم على الجد حمد وابو رعد وجا بيطلع بس وقف على كلام ابوه الي قال ماكان بهاج متجهز له : بهاج عمك كلمني وقال موعد المحكمه بعد اسبوع
سكت بهاج والكل لاحظ صمته بس قال والكل انصدددددم فعلياً انصدمو واكثر شي تغريد : زين
وانتهى بذا الكلمه وطلع ولا احد قدر يقول شي ماكانو متوقعين سرعة الخضوع من بهاج مستتتتتحيل كان يحلف ويتوعد ويصارخ ويهاوش والللكل منصدم وهو بعد ملاحظ صدمتهم والحين اكتفى بكلمة " زين " وطلع
وتوقعو الكل انه راضي يطلق اديم
وقامت تغريد وراه على طول بس مالحقت عليه ومحد يدري وين بيروح بس وهو طالع قال هالبيتين في باله
ظنوا ان الصمت في وجهي رضى
مادروا بالصمت في وجهي جدال
نظرتي اوسع من حدود الفضا
والسكوت ابعد من حدود الخيال

احببتك والله يعلم بالخفاء حيث تعيش القصص. اكتشف الآن