احببتك والله يعلم بالخفاء

بارت 6

الساعه ٦ المغرب عند مقلط العيال الي نايمين فيه وبصوت منبه جوال رعد

بهاج وهو في نص النومه وبنعس يقول : صوت جوال من ذا ؟!!
حمد : رعد طف الجوال يا رعد
سلطان وهو يحط المخده على راسه : يووووه
رعد وهو تو يستوعب انه جواله ومد يده يشوف الساعه كم وبشهقه قال : الساعه ٦ المغرب ؟؟؟؟
هنا العيال قمزو كلهم : كم ؟
رعد : قم قم انت وياه لا يجي جدي يهجدنا
قام رعد وحمد يغسلون اما بهاج وسلطان و محمد ومشعل كملو النومه بنعس لين سمعو صوت الجد حمد يتكلم ويقول : الحمير هاذي ماقامت
هنا قمزو العيال الي يلبس ثوبه والي مسوي نفسه مصحصح من زمان ودخل عليهم الجد حمد كانو العيال يسولفون مع بعض عشان يشيلون شكوك الجد انهم كانو نايمين ومن ورا الجد جا حمد ورعد يشوفون العيال كيف صحو وكانو في نوبة ضحك لف الجد حمد عليهم : ورا ماتذلف انت وياه
وراح الجد حمد وبعد ماراح عاد قامو العيال الي يروح للغسال يغسل ثوبه والي يكوي شماغه ويتجهزون للعشا
________________
عند البنات اديم و افنان ونوره وهم باليالله قامو يلبسون ويتجهزون اما تغريد والعنود هم الي كانو صاحين قبلهم ويرتبون المجلس ويسولفون مع الجده والعمات
جت تغريد للغرفه الي فيها البنات يلبسون : وينكم يلا
نوره : هذاني خلصت في احد جا ؟
تغريد : لا مافي احد غير جارتنا ام سطام
افنان : اصلاً محد يجي الا بعد العشا
تغريد : لا ياذكيه بعد المغرب الكل يجي هنا ومابقى شي والحريم يجون بس خلصو
قامت اديم من محلها : انا خلصت
تغريد : ياحلوك يا اديم اصلاً انتي بمكياج او بدون مكياج تهبلللين
اديم : يا بعد روحي والله
وقامت نوره وطلعو البنات مابقى غير افنان
تغريد : يلا يا افنان اخلصي
افنان : يلا يلا
دخلو البنات عند الجده
الجده : صح النوم
نوره : صح بدنك
العمه شيخه :لا كان مطولين زياده ماكأن بيجونا ضيوف بعد شوي
دخلت افنان : وين بناتك ياعمه مااشوفهم ؟؟؟
العمه شيخه بتفكير: بيجون ماعليك صاحين من اليومممم
هنا تدخلت العمه عواطف عشان ماتزود الامور العمه شيخه : الا تعالو تعالو يابنات تقهوو صحصو قبل يجون الضيوف
جلسو البنات يتقهوون وياكلون من حلا العيد ومع السوالف والضحك والجمعه الحلوه
___________________
عند العيال بعد ماخلصو اغراضهم وراحو للمجلس يتقهوون يصحصحون شوي الا فجاة الريجيل وصلو

رعد وهو ماسك فنجاله وعلى وشك يشرب منه : يليل هذول من وين طلعو
بهاج بضحك والي مايهمه الاكل : اشرب اشرب فنجالك واجلس وخل الضيوف يا الرخمه
رعد : اهم ماعلي بطني ياورع خلك انت من رجال لرجال
بهاج وهو يمشي : علوم المراجل مايعرفها الا انا ولا انت ماتعرف الا بطنك
وراح بهاج ومحمد وحمد يرحبون بالضيوف
معدا رعد الي يحب بطنه كمل قهوته هو وسلطان بحيث ان ابو رعد والجد مو موجودين
وزي كل عيد عند الريجيل يقهوون الضيوف ومع السوالف الحلوه
بهاج لـ سعود : انا بطلع برا اشم هوا مابقى عندي رجل امشي فيها
سعود : يارجال رح رح العيال هنا
واتجه بهاج لحوش الجده لان نادراً احد يجي هناك يبي يبعد شوي عن الزحمه
______________
عند البنات في مجلس الحريم والحريم كل شوي يزيدون زحمه