احببتك والله يعلم بالخفاء

بارت 10

عند ابو رعد و العمه عواطف و البنات والجده الساعه ٥:٣٠ في قهوة العصريه

ابو رعد : اخبارك ياامي
الجده من دون نفس : بخير
ابو رعد : احس بخاطرك شي
دخل بهاج : السلام عليكم
الكل : وعليكم السلام ورحمة الله
اتجه بهاج يحب راس الجده
بهاج : اخبارك ياجده
الجده : لحد يسألني عن اخبارك اخباري تسد النفس
استغرب بهاج وراح جلس وعم الصمت على الجميع
مدت تغريد فنجال القهوه لـ بهاج وغمز بهاج لتغريد وبصوت خفيف وهو ياخذ القهوه : وش فيها جدتي ؟
تغريد : بعدين اعلمك
لف ابو رعد على العمه عواطف : وش العلم يا عواطف فيكم شي ؟
العمه عواطف : لا مافي شي لكن شيخه الله يهديها اليوم طلعت لنا سالفه مالها داعي
ابو رعد : وش العلم ؟
العمه شيخه : طلعت كلام لـ اديم يوم انها جت امس باليل وقامت تسبسب فيها وقامت عليها ام سياف والبنت ماتحملت وطلعت وماعاد جت
تفتحت عيون بهاج وتسرعت دقات قلبه وجاه شعور غريب حست فيه تغريد لكن ماقالت شي
ابو رعد : اخو عواطف اخوها
العمه عواطف : اي والله ياخوي هذا العلم يعني انا مدري ماخافت من ربها تجرح البنت ولا استحت من ام سياف وهي جالسه لكن صار الي صار
كان بهاج ماسك الفنجال من اول ما اخذه من تغريد و اول ماسمع السالفه نساه في يده وحترقت يده من الحراره وماحس فيها وكان متمسك في الفنجال بقوه من العصبيه ومافكاه ابداً
ابو رعد : اصلاً انا داري شيخه هاذي لازم لسانها ينقطع من مكانه قليلة الادب كيف تقول لـبنت اخوي هالكلام ماتستحي على وجها ؟ انا ولد ابوي لكن الوعد بعدين 
الجده بصوت عالي : اصص فكوني من الهوشات انا ماني ناقصه قلق بعد خلها اذا كانت عوبا عوبا على نفسها مالك دخل
قام بهاج من عند القهوه و نزل الفنجال  بسرعه وطلع برا الصاله مايدري وين يروح اهم شي محد يشوف وجه وعصبيته ويفهمونه غلط
ابو رعد : بهاج على وين ؟
لكن بهاج مارد ولا لف له اساساً
ام رعد : اكيد بيروح للعيال
عند بهاج وهو طالع من عند باب الشارع ورعد و سلطان داخلين
رعد يوم شافه طالع ونوعً ما معصب : ولد وين ؟
بهاج : ماني برايح مكان
ودخلو العيال عند الجده يتقهوون ومايدرون وش السالفه
بعد ١٠ دقايق دخل الجد حمد عندهم
الجد حمد : السلام عليكم
الكل : وعليكم السلام
اخذ رعد القهوه وصب للجد : سم
الجد حمد : سلمت
الجد حمد : الا وين البنات ياام رعد ؟
ام رعد : والله ياعمي الي بالمطبخ والي ترتب
الجد حمد : ناديهم ناديهم ماقعدو معي كملهم
ام رعد : ابشر
سلطان بصوت خفيف : يمه ناديهم كلهم الا افنانوه تكفين
ام رعد : رح عني بس
الجد حمد الي سمعه : سلطان
سلطان لف بسرعه : لبيه
الجد حمد : لبية سالم بس قم قم تعال جبي
لف رعد على سلطان : جاك الموت يا تارك الصلاة
سلطان بتردد : ليه يا جدي
ابو رعد : تقول لجدك ليه قم له وانت ساكت اذا ناداك
سلطان : ابشر
قام سلطان وجلس جب الجد حمد لكن استغرب ان جده ماقال ولا سوا له شي سوا له اكثر حاجه مايحبها سلطان ان يكون جالس مايقدر يتكلم ولا يقدر يقوم
ضحك ابو رعد يوم شاف سلطان ساكت كأنه صنم ولف على رعد الي بجبه والي يفضله دايم بين عياله : والله عرف له ابوي
رعد : خله يعقل
دخلو البنات تغريد  و افنان
وسلمو على الجد حمد
الجد حمد : ياهلا ياهلا بناتي اجلسو اجلسو وانا ابوكم عطوني علومكم اخباركم
تغريد: والله الحمدالله ياجدي بخير
جا رعد اتصال من ساره
رعد : الو
ساره بتعب : رعد تكفا يارعد وينك
رعد الي قلبه دقه : انا تحت عند جدتي في شي ؟؟!
ساره : تعال عندي فوق ابيك
رعد الي قفل الجوال مسرع وفز بيطلع
ابو رعد : سلامات يا رعد في شي ؟
رعد : لا ان شاءالله خير بس ساره تبيني
ابو رعد :زين طمنا
الجد حمد : يلا يا سلطان قم اطلع ونادو لي العنود و نوره
سلطان الي مابغى يقوم فز مسرع وعلى طول طلع ومن شكله المضحك ضحكو البنات عليه
افنان : اطلع اطلع بسرعه لا يمسكك جدي
سلطان الي لف عليها وهو يمشي : احمدي ربك اني مالي خلقك
افنان : يلا رح بس
تغريد الي تكز افنان مع كتفها : خلاص يابنت اعقلي وش تبين فيه
افنان وهي تضحك : احب انرفزه
لفت افنان وشافت ابوها يسوي بيده هاذي الحركه 👍🏻
تغريد : عاد يبه انت لا تشجعها علينا
ابو رعد بضحك : خليها محد مسنع سلطان الا هي كفو بنيتي
____________________
عند رعد اول مافتح باب الشقه ودخل على ساره الي شافها تعبانه مره ومايدري من ايش تعبانه
رعد : ساره ؟ شفيك
ساره : مدري مدري بطني فجأة مغصني ماقدرت اتحرك
رعد : يلا يلا على المستشفى
ساره : جب عباتي وشنطتي شفهم معلقين
دخل رعد الغرفه ياخذ اغراض ساره وهو خايف ومسرع رجع لساره بعد ما لبسها العبايه وقامت ساره على شوي شوي وهي تاخذ القوه من يد رعد لين مانزلو تحت وركبو السياره واول مامشا رعد شاف بهاج الي كان جالس بالشارع سيارته وهي مسرعه
وحس ان في شي اتصل على رعد لكن ماكان يرد بحيث انه كان صامت
عند الجد حمد وحفيداته بعد ماجو نوره والعنود وبدأت السوالف و الضحك والوناسه وقصص الجد حمد الي يقولها لهم
وفي نص الوناسه تذكر الجد حمد اديم
الجد حمد : محد ناقصنا الا اديم بالله دقو عليها خلوها تجي
سكتو الي بالصاله  كلهم ومن ضمنهم الجده و ام رعد والعمه عواطف وابو رعد
الجد حمد : تسمعوني انتم ؟
ابو رعد : امر يا ابوي
الجد حمد : دقو على اديم خلوها تجي
العمه عواطف بتردد : ماتقدر تجي يا ابوي
الجد حمد : ليه وش فيها اذا عشان رجلها انا بنفسي اروح واجيبها
الجده بعصبيه : همها مو الرجول عمتها شيخه سمعتها كلام ماينقال الله يهديها
الجد حمد بتعجب : وش قالت ؟
العمه عواطف : درت انها جايتنا امس اليل وماخلت شي وماقالته لها من تربيتها ومن تربية امها
الجد حمد الي عصب : شيخه هاذي يبيلي معها كلام وهي وش دخلها ببنت الناس اذا جت باليل ولا ماجت وبعدين واذا جت جايه بيت جدها محدً له دخل
ابو رعد : حنا سكتنا لها بالحيل
الجد حمد عصب وجا يطلع من عند الباب لف للبنات وام رعد وقال لهم : جهزو نفسكم بكره بنكشت
لفت افنان بسرعه على البنات بضحكه و وناسه
العمه عواطف بأبتسامه : ابشر
الجد حمد : وها ترا مافي كشته مندون اديم وام سياف كلموهم وقولو لهم
ابو رعد : ماعليك انا بروح لهم بنفسي كل شي الا ادومه عاد
وطلع الجد حمد وكانو البنات متحمسات ويخططون وش يسوون و وش يجيبون ومعهم ام رعد والعمه عواطف
_________________
عند رعد وهو ينتظر ساره بسيب المستشفى