بارت 23

6.8K 164 63
                                    

وفي جلسة الجده والبنات الي دخلت عليهم العمه شيخه وبناتها كلهم
العمه شيخه : السلام عليكم
الكل : وعليكم السلام
العمه شيخه بعد مااتجهت للجده تسلم عليها بعدها ام رعد و وراها العمه عواطف وتجمعو البنات يسلمون عليها
العمه شيخه : الحمدالله على سلامتكم
العمه عواطف : الله يسلمك يارب
العمه شيخه وهي ملاحظه الفرحه بوجه الكل : ماشاءالله عليكم شعندكم تبوسمون ؟
عم الصمت على الكل وزاد فضول العمه شيخه وامجاد وهند الا هدى الي ماهمها وقاعده هاديه
العمه عواطف : اليوم خطبت غروده لحمد ولدي والله يتمم يارب
العمه شيخه بصدمتها : حمد الدكتور تزوجينه تغريد ؟؟!
هنا الكل انصدم من رد العمه شيخه
العمه عواطف : نتشرف ناخذ تغريد واحسن من ناخذ يا شيخه وش ذا الكلام ؟
ام رعد : دقيقه يا عواطف
ولفت على العمه شيخه وقالت : وش قصدك يا شيخه وليه بنتي وش فيها وش ناقصها ؟؟؟
العمه شيخه : يعني مدري حمد دكتور ومن مدينه قلت انه يمكن ماياخد من بنات الديره ابد
ام رعد بعصبيه : لا ابشرك اليوم انخطبت تغريد بنتي و بنتي مافيها قصور عشان تقولين ذا الكلام وانا ساكته من زمان بس بناتي خط احمر
العمه شيخه : يوه بسم الله علينا وش فيك عصبتي ماقلنا شي
العمه عواطف بعصبيه : خلاص يا شيخه يا افتحي فمك بخير يا لا تتكلمين ابداً
قامت تغريد بضيقه وهي الي متجمعه الدموع بعينها وقامت وراها نوره وافنان على طووووول
نوره وهي تلحقها : تغريد تغريد
تغريد : نوره ابي اقعد لحالي
افنان وهي جايه : وشو انتي بعد بتبكين من عجوز قريح ماعليك منها
نوره : والله صدق بعدين خالتي شيخه من متى قالت كلام حلو طول عمرها بجيحه
كملت تغريد مشيها لين ماوصلت للغرفه وجلست وقالت بضيقه : وهي صادقه حمد ولد المدينه الدكتور وش جابه لتغريد بنت الديره
نوره بعد ماجلست جبها : تغريد لا تقهريني وش ذا الكلام لا تمشين على كلام خالتي ماعليك منها طنشي هي غيرانه عشان حمد ماراح لبناتها واختارتك انتي
افنان : واصلاً مين بيقبل ببناتها الهيلق الحسنه الوحيده فيهم هدى
تغريد بعد مامسحت دموعها : احس اني استعجلت ابي افكر اكثر
لفت افنان على نوره ولفت نوره على افنان
افنان : تغريد مو منجدك عشانها بترفضينه ؟؟
تغريد : بنات لو سمحتو اطلعو ابي افكر
قامت نوره ومدت يدها لـ افنان : تعالي خلينا نخليها لحالها
وطلعو البنات لكن دخلت العمه عواطف وام رعد
ام رعد بشهقه : وشوله تبكين ؟؟؟؟
تغريد بعد مامسحت دموعها : مابكيت
العمه عواطف بعد ماجلست جبها وقالت : ياغروده يا حبيبتي ماعليك من شيخه تعرفينها طول عمرها تقول كلام مو من محله
تغريد : يا عمه انا اسفه لكن شكلي استعجلت عطوني وقت افكر
ام رعد بشهقه : وش تفكرين به ؟؟ خبله اانتي خبله عطيتي الناس كلمه خلاص ولا عشان شيخه بترفضينه ياويلك مني
العمه عواطف : يا ام رعد انتظري غروده من حقك تفكرين ماحنا قايلين لا بس تكفين فكري قبل كتب الكتاب
ام رعد : يا فصحي وش تفكر وش تخلي عطينا الريجيل كلمه
العمه عواطف : ماعليه حنا اهل يا ام رعد يلا يلا تعالي خلينا نطلع وغروده  تفكر
وطلعت ام رعد والعمه عواطف وقعدت تغريد بحيرتها وبكيتها اما افنان ونوره الي رجعو وهم حاقدين على العمه شيخه وبناتها
افنان بهمس لنوره : لازم تخرب فرحتنا
نوره : الله يستر بس
العمه شيخه : وين راحت تغريد ؟
افنان : راحت عشان بعض الوجيه تسد النفس
ضربت نوره افنان بخفه
امجاد : وش تقصدين ؟
افنان : الي فهمتيه
هند : مافهمنا فهمينا
نوره الي كانت ماسكه نفسها : فهمتو زين مافهمتو هذا من زود الغباء
العمه شيخه : الله من قلة الادب
ام رعد الي سمعتها لكن ماردت عليها
قامت العمه شيخه وقامو البنات معها وهي تقول : من جينا والوجيه معفوسه هو من شوفتنا ولا الطبيعه كذا الله اعلم
افنان بصوت خفيف : لا والله من شوفتكم
العمه عواطف : مع السلامه
وطلعو وقعدت العمه عواطف وام رعد ونوره وافنان والعنود اما الجده راحت تنام
____________________
وفي بيت ابو سعود عند ريم وهي تجهز الشنط عشان بيرجعون الرياض والهنوف تساعده وهي حزينه
جا سعود وبحظنه حور : والله البيت بدونكم مارح يسوا شي
ريم بطقطقه : ماكأنك قبل يومين تبي الفكه منا
تقدم سعود يحب راسها : لا والله امزح انتم من ما يحبكم
ريم بأبتسامه : متأكد ؟؟؟
هنا الهنوف الي دمعت لا إرادياً وماانتبهو لها الا لما طلعت شهقتها وبدت سعود يطقطق عليها
سعود : يوووو ام دمعيه بدت من يسكتها الحين
تقدمت ريم تحظنها وهي تدف سعود : ابعد انت بس خل اختي
دق جوال ريم الي هو " تركي "
ريم : جا جا
سعود بطقطقه : شف الابتسامه شقت وجها شق
هنا الهنوف ضحكة
ردت ريم وهي تقول : الو
تركي : هلا هلا انا وصلت خالصين انتم ؟
ريم : ايه ايه بس الحين سعود يطلع لك الشنط
رفع حواجبه سعود وهو متكتف
وقفلت ريم وهي الي اخذت عبايتها : سعود يلا الشنط
سعود : انا ؟
ريم وهي متقروشه : سعووود يلا
سعود : طيب طيب الي يشوفها يقول بيروح ويخليها
واخذ سعود الشنط وطلع وطلع وراه ابو سعود يسلمون على تركي وطلع عبود وركض لابوه وهو يقول : اشتقت لك
ابو سعود : لا تطول علينا يا عبود
سعود : والله ليسحب علينا
وطلعت رهف وهي تركض لابوها وبعدها طلعت ريم بحظنها حور بعد ماودعت ام سعود والهنوف واتجهت لتركي واخذ تركي حور بعد السوالف الي صارت مع سعود وتركي وابو سعود اخيراً مشو
ودخل ابو سعود اما سعود الي قعد عند الباب واتصل على بهاج
سعود : وينك
بهاج : في البيت
سعود : مالك نية سهره ؟
بهاج : لا والله ياسعود اني داااايخ ماشوف الدرب بنام
سعود : اجل يلا سلام
وقفل سعود ودخل البيت وشاف فعلاً البيت هادي بدون ريم وعيالها
وشاف الساعه الي كانت ١٢:٢٠ واتجه للهنوف الي كانت في غرفتها ضايق صدرها من روحة ريم وعياله
سعود : بالله سوي لنا شاهي وتعالي الحوش
الهنوف : طيب
وراح سعود للجلسه اما الهنوف الي اتجهت للمطبخ تسوي الشاهي وطلعت لسعود وبدو يسولفون بعتمة اليل وفعلاً مافي نور الا نور الشارع الاصفر
____________________
وفي بيت الجد حمد الي كانو البنات متجمعين بغرفه بينامون دق حمد على نوره وطلعت نوره بدون صوت
نوره : هلا حمد
حمد : هلا نوره امي نايمه ؟
نوره : ايه نايمه ليه ؟
حمد : بس كنت ابيها يلا سلام
نوره : دريت وش صار اليوم ؟
حمد بفضول : وش صار ؟؟
نوره بعد ماحست على نفسها : لالا ماصار شي
بس مامشت على حمد : وش صار قولي
نوره بصوت خفيف : خالتي شيخه اولا جتنا ودرت انك خطبت تغريد وسمعت تغريد كلام
حمد بصدمه : وشووووو ؟!
نوره : ولا بعد تغريد متضايقه من اليوم وقالت لنا انها يمكن استعجلت بتفكر وترجع تقول لنا
حمد : وش استعجلت نوره تستهبلين ؟
نوره : والله هذا الي صار كله من خالتي هي السبب وياعمري تغريد من اليوم تبكي ماسكتت
حمد : لاحول ولا قوة الا بالله يعني بترفضني ؟
نوره : لا ياحمد ماقلنا ترفضك بس خالتي شوشرت على راسها لا هو دكتور وش يجيبه عند بنت الديره و و و ماسكتت واكيد تغريد بتزعل
حمد بعصبيه : وش دخلها وش دخلها فينا دكتور ولا مو دكتور انا ابي تغريد ماهمتني اذا بنت ديره ولالا
نوره بعد ماسمعت الجده قامت من النوم : حمد حمد يلا باي جدتي قامت
وقفلت ودخلت على طول الغرفه
اما حمد الي خاف ان تغريد بترده وهو صدق متعلق فيها ومايبي احد غيرها وبعد تفكيييير طويل نام وهو ماحس على نفسه
_______________
ومن بكره الصباح اول ماقام حمد و وده يدخل يسلم على الجده بس سمع تغريد من عند باب المطبخ الخارجي قاعده تسوي الفطور ومندون اي تردد وبصوت خافت ومن دون مايشوفها
حمد بصوت خفيف : تغريد
فزت تغريد وهي ماتدري وش تسوي اخذت الغطوه على طول تحجبت فيها وقالت بتردد : مين ؟
حمد ابتسم وقال : انا حمد ابي اكلمك بموضوع
قربت تغريد من ورا الباب وقلبها يدق
حمد بعد ماحس انها ورا الباب قال : سمعت في ناس مايبوني عشان ناس
سكتت تغريد وهي ماتدري وش تقول
حمد : تغريد مو عشان خالتي قالت الكلام الي سمعتيه ترفضين انا ماهمتني وانتي لا تهمك
وبضحك قال : وانا راضي اتم الرضا اني اخذ بنت ديره لكن اذا انتي ماتبيني هذا شي ثاني
تغريد بفزه ومندون ماتحس على نفسها : لا انا ابيك
ابتسم حمد و وده يطير من الفرحه
اما تغريد بعد ماستوعبت كلامها مسكت فمها بأحراج وسكرت الباب ودخلت داخل
وقعد حمد بوناسته واخيراً قدر يمشي ودخل عند الجد حمد وابو رعد وابو حمد اما العيال للحين محد صاحي فيهم
__________________
وفي قهوة المغرب عند الجده والبنات جت تغريد ونزلت الصينيه من يدها وهي ماتدري كيف بتفتح الموضوع وبعد ترددات قالت
تغريد : عمتي انا موافقه على حمد ولا راح القى احسن واطيب منكم
عم الفرح على البنات وفزت العمه عواطف ولاإرادياً حضنتها وهي تقول : واللله حنا الي مو لاقين احسن واجمل منك ومن ماياخذ غروده بنت الحسب والنسب
اما ام رعد الي كانت خايفه لكن طمنت الحين وتراقبهم وهي مبتسمه وتقول : زين مااخترتي
والبنات الي كانو مرررره منبسطين لها ولحمد وجلست العمه عواطف وتغريد وبدت السوالف الحلوه الي في كل جمعه
ام رعد : يلا عاد كتب الكتاب مابقى عليه شي
العمه عواطف بفرحه : اي والله
افنان بشهقه : وحنا ماشرينا شييييي
ام رعد وهي تأشر بيدها : اركدي اركدي ملكه عائليه ومابيشتري الا تغريد انتي وش تبين
افنان : انا اخت العروس
ام رعد : اختها ولا خالتها ملابسك مليانه الدولاب
طق الباب والي هو سلطان يبي اغراض من المطبخ
ام رعد : وقومي افتحي الباب
قامت افنان وهي مكشره اما البنات الي طقطقو عليها وميتين ضحك
عند افنان وسلطان
افنان : نعم ؟
سلطان : نعامه تغريد وين ليش جايتني انتي
افنان : لااااا مو عاجبك ؟ طيب خلاص انا اروح الحين وانت اقعد ناد تغريد بصوت عالي وهاه اقولك ترا عمتي والبنات كللللهم بالصاله بس مجرد تتكلم بيسمعونك
سلطان الي ماعنده حل الا يطلب منها : خلاص تعالي تعالي الشكوا لله
وقفت افنان وهي تستند على الجدو ومكتفه يدها : نعم ؟
سلطان : نبي فناجيل قهوه
افنان : والقهوجي وين ولا حنا نشتغل بداله
سلطان الي جا بيصرخ بس تذكر انهم بالصاله وقال بقهر وهو يعظ على اسنانه : رايييح إجازه بسرعه جيبي الفناجيل ولا يكثر !!
لفت افنان متجهه للمطبخ ورجعت وبيدها صينية فناجيل وسلطان الي كان ينتظرها وهو مستند على الجدار ويطقطق بجواله
افنان : امسك
تقدم سلطان وهو يدخل جواله بيجيبه وناظرها نظرات استحقار
افنان : رح ولا عاد تجي تونا بنظبط اغراض الملكه
ضحك سلطان بأستهزاء وقال : اي ملكه ؟ مافي ملكه وخرابيط تو جدي قايل لنا العرس والملكه بعد شهر بالظبط جمعوها مع بعض
افنان بشهقه يسمعونها اهل الديره كلهم : هااااااااااااه ؟ وششششششو
سلطان وهو ياخذ الصينيه : اصصصص فضحتينا يا الفضيحه
افنان بعد ماحست على نفسها وقالت بصوت خافت : عد كلامك وش قلت انت
سلطان : الي سمعتيه وقولي لهم جدي اجل المكله مع الزواج بنفس اليوم وبعد شهر يلا سلام
وراح سلطان اما افنان الي رجعت لهم وهي معقره : يمه يمه يمه
ام رعد : وثول وش فيك
افنان بتردد : جدي اجل المكله مع الزواج بنفس اليوم
العمه عواطف بإستغرات : باللله ؟
افنان : اي والله
لفت ام رعد على العمه عواطف وهي مستغربه بعد بس قالت : اكيد شاف كذا افضل
العمه عواطف : اي ابوي مايسوي شي الا انه ازين وجعله خيره
اجل ابدي يا غروده بالتجهيز
تغريد بأبتسامه عفويه
افنان بقهر وصوت عالي : المشكله موووو هناااا
هنا لفت تغريد على افنان بفضول هي والنبات
ام رعد : انطقي نطق الله العدو
افنان : والعرس بعد شهر من الحين
الكل سكت بصدمه ولااحد قدر يسوي شي الا تغريد الي قامت لا إرداياً مايمديني مايمديني ابداً كيف بلحق بشهر روحات وجيات على الاسواق ولا بعد بالرياض
نوره الي شافت تغريد خافت من الوضع مسكتها وقالت : ماعليك بنحل كلللل شي حنا هنا شهر كامل لين الزواج جبك
العمه عواطف : ايه يمي بتلحقين لا تخافين
تغريد الي من حيرتها شوي وتبكي : بس كيييف ؟
نوره الي لفت على افنان وقالت : افنان جيبي دفتر وقلم بسرعه والعنود الحقينا وتجمعو البنات بالغرفه وبدو يكتبون اغراض تغريد وكلللل شي وخططهم كلها بالورقه من الالف الى الياء
__________________
وعند العيال الي كانت جلستهم عند الشياب نايمه بسوالفهم وحال بهاج وسلطان لا يحكي عنه
سلطان بصوت خافت : ولد الوضع فكك
بهاج الي كان متكي على المركا ويده على خده : وش اسوي لك مثلاً ؟
سلطان وهو يأشر على حمد بنظراته : بالله شف النسيب وجه يعبر عن حالته ههههههههههه
هنا بهاج لف عليه وفعلاً كان منظر حمد مضحك سااااكت ولا يسولف وكل خمس دقايق يتبسم
بهاج ابتسم وهو يقول في داخله " تغريد تستاهله وهو يستاهلها "
تقدم بهاج للعيال وقال بصوت خافت : ياعيال الوضع فكك تعالو نروح القهوه
رعد : هذا اذا قدرنا نطلع قدام جدي
محمد : كل دقيتين واحد يطلع ماهوب داري
بهاج وسلطان الي تبادلو بالنظرات من يروح اول وفز بهاج قبل سلطان وطلع اما سلطان الي انكب وجلس وبتدريج كل واحد طلع
وتجمعو عند الباب وبدو يمشون لقهوة الديره برجولهم ورفع بهاج جواله يتصل على سعود عشان يجيهم
بهاج : سعوووود
سعود : هاه
بهاج : وينك فيه
سعود : توني مخلص شغلي وش تبي
بهاج : الحقنا للقهوه
سعود : من انتم ؟
بهاج : رعد وحمد ومحمد اما سلطان مايحسب
ضحك سعود وهو يقول : حرام عليك خلاص طيب ١٠ دقايق وبجي
وقفل بهاج ولف على سلطان الي يقلده بأستهزاء " مايحسب مايحسب "
بهاج : ماخذ في نفسك مقلب
وعند العيال الي كانو يمشون بالديره متجهين القهوه كان سرور طالع من محل ومستحيل مايحارش بهاج ولا بهاج يحارشه
سرور : بهييج وينكككك من زمان ماشفناك
بهاج وهو شماغه بكتفه وزقارته بيده ونوعاً ما مروق : شكلك اشتقت لي
سرور من بعيد الي كان يلمح : لا بس شكلك انت مشتاق لحد
وقف بهاج ولف عليه وقال : ايه مشتاق لك ومن كثر الشوق يمكن امسح فيك الارض
رعد الي مسك يد بهاج وهو يقول : خله يولد
ولف بهاج بعد ماتجمعت الجنون براسه وكان على وشك يفرمه اما سلطان الي كمل يعطيه نظرات
وبعد ماوصلو جلسو على الطاوله الي ملوها بسالوالف والضحك لين ماجا سعود وسلم على العيال وجلس بجب بهاج
وبنص السوالف والضحك دق الجوال على رعد الي كانت تغريد وهي بخوف تقول : رعد وينككك
رعد الي فز من نبرة صوتها وقال : وش فيك ؟
تغريد : تعال بسرعه ود ساره للمستشفى جاها الم
رعد الي تذكر انه جا بدون سياره وقال : وش فيها !!
تغريد : مدري مدري بس يمكن جا وقت ولادتها
رعد الي دق قلبه بخوف ولف على سعود وقال : عطني سيارتك
سعود رما المفتاح بدون مايقول شي اخذ رعد المفتاح بسرعه والعيال قعدو بفضولهم
_______________
وعند رعد الي دخل البيت وهو نادي : ياااولد
قامو البنات الي كانو متجمعين على ساره
وتقدمت العمه عواطف وهي تقول له : تعال تعال مافي احد
ودخل رعد وشاف ساره الي كانت تدمع وتقول : رعددد
تقدم رعد وهو يرجف ويقول : يلا يلا مشينا
ولف على ام رعد وهو يقول : يمه يلا تغريد انتي تعالي بعد
وراحت تغريد على طول البس عبايتها وتجيب عباية ام رعد
وبعد مالبسو ساره العبايه بدت تمشي على خفيف بمساعده رعد و ام رعد
العمه عواطف : بحفظ الله لا تنسون تطمنونا
وركبو السياره وطار رعد على المستشفى الي كان بعيد شوي عن الديره وساره تبكي وتقول : بسرعه يا رعد بسرعه
اما رعد الي كان يتلفت قدام و ورا قدام و ورا
ام رعد الي كانت راكبه قدام : شف طريقك ياولد
وتغريد الي كانت تهدي فيهم
واخيراً وصلو للمستشفى ونزل رعد وهو ينادي الممرضات لين ماركبو ساره على العربيه وزاد خوف رعد الدكتوره الي قالت : خذوها على غرفة الولاده بسرعه
ودخلوها للغرفه وقعدت ام رعد تقرا القران وبجبها رعد الي كان خايف ومتلبك وتغريد الي راحت تجيب مويه له
دق جوال تغريد والي كانت افنان
افنان : تغريد وش صار ؟
تغريد : دخلوها غرفة الولاده
افنان بشقه : جا موعد ولادتها ؟
تغريد : ايه
افنان : طيب اول ماتطلع طمنينا تكفين
تغريد : طيب
وقفلت تغريد وجلست جب رعد وهي تهدي فيه وتقول : لا تخاف مارح يصير لها شي
واخيراً بعد ساعه ونص طلعت الدكتوره وهي مبتسمه وتقول : رعد عبدالله بن حمد ؟
فز رعد وهو يقول : انا ؟؟؟! فيه شي ؟
الدكتوره : ابشرك جاك مولود الله يحفظه يارب
عمت الفرحه على ام رعد وتغريد وخاصتاً رعد الي تجمعت دموعه بعيونه ونزل يسجد شكر لله
ورجع يحب على راس ويد ام رعد وهي تبارك لك
وتقدمت تغريد وحظنته وباركت له
لين مالف على الدكتوره وقال برجفه وبخوف : و ساره ؟
الدكتوره : تطمن مافيها شي كلهم سالمين الحمدالله ساعه وبنطلعها الغرفه
رعد الي مسح على وجه وهو يقول : الحمدالله ياررررب
اخذت تغريد الجوال بسرعه وهي تدق على افنان وتقول لها الخبر الي مابقى احد وافنان ماوصلت له الخبر
اما رعد الي طلع لحديقة المستشفى وهو يرفع الجوال على بهاج
بهاج : الو
رعد : بارك لي صرت اب ياعم بهاج
فز بهاج وهو يقول : مبررررروك مبروووك الله يجعله من البارين وينك انت الحين
رعد : انا وامي وغردوه في المستشفى
بهاج : يلا يلا مبروك
رعد : الله يبارك فيك يلا بروح ادق على ابوي اعلمه
وقفل بهاج وهو يبشر العيال بولد رعد
اما رعد الي اتصل على ابوه وفرحة ابو رعد ماتنوصف وعلى طول وصل الخبر للجد حمد ولـ ابو سعود وركب سيارته على طول متجهه للمستشفى بفرحة اول حفيد
واول ماوصل المستشفى تقدم يبارك على رعد الي كان بحديقة المستشفى يدعي ودخلو للمستشفى سوا متجهين لـ ام رعد وتغريد لين ماجا خبر ان ساره بغرفتها وصحت من نومها ودخل ابو رعد وام رعد وهم يقولون : مبروك مبروك الولد والله يطرح البركه فيه ويجعله من البارين
ودخلت تغريد و وراها رعد الي كان بيده بوكيه ورد وتقدم لساره وهو يحط الود بحظنها ويحب راسها ويقول : الف مبروكك لنا والله يجعله من خير الابناء
ابتسمت ساره ومبين التعب على وجها : الله يبارك فيك
وهنا دخلت الممرضه وهي تسحب العربيه الي فيها المولود وتجمعو عليه واخذه الجد حمد وهو يقرا المعوذات والقران والاذان على اذنه وبعدها اخذه رعد وهو يرجع يأذن في اذنه وتقدم وحطه في حظن ساره الي بكت لا شعورياً اما تغريد الي تمشي وتصوره
الممرضه : ايش اسم
رعد الي ابتسم وقال : انا حالف مااسميه الا على اسم بهاج بعد اذنك يابوي
ابتسم ابو رعد وهو يقول : خير الاسامي وانا ابوك وان شاءالله يطلع على عمه اسم وفعل
وطلع الهديه من جيبه وتقدم له وحط الهديه بصدر بهاج الصغير
ابو رعد : يلا حنا بنروح وانت اقعد يارعد عند زوجتك
وبعد ماسلمو على ساره طلعو مع ابو رعد وقعد رعد مع ساره وهم يتأملون فيه
_______________
وفي الديره عند بهاج وسلطان الي اول مادرو ان رعد جاه ولد راحو للبيت على طوللل وجلسو جلسة الوناسه والفرحه الين ماجات تغريد وام رعد وجلسو في جلسة الحوش الي كان فيها ابو رعد وام رعد والعمه عواطف وتغريد وافنان وسلطان وبهاج يسولفون عن بهاج الصغير وفرحة بهاج بسميه الجديد لا تنوصف وسوالفهم الحلوه الي عتمت الجلسه لين مادق جوال بهاج الي هو رعد يكلم فيديو ويصور بهاج الصغير وهو نايم وكل واحد يذب عليه
رعد : وشو من الحين اخذتو ولدي طقطقه
بهاج : محد يطقطق على بهاج وانا موجود
افنان : يووووه الحين صار عندنا بهاجين ياليل النشبه
تغريد : ويييي بس لو تشوفونه على طبيعه اصغر من يدي
سلطان : ابغفص وجهه
ابو رعد : لا ياشيخ شايفه لعبه
العمه عواطف : الله يحفظه ويحميه ويخيله لهله يارب
الكل : امين
سلطان : الا صدق يا عمتي ليه عمي راح لجده
العمه عواطف : عنده شغل وانا عمتك وقبل العرس بأسبوع بيجي
ابو رعد : مايشوف شر ،يلا يا شباب كل واحد على فراشه الوقت تأخر
وقام ابو رعد بينام وقعدو شوي العيال وشوي شوي كل واحد ينسحب
____________________
ومن بكره العصر وتغريد وافنان ونوره والعنود بالمطبخ يحوسون القهوه والحلا الي بياخذونها للمستشفى
دخلت ام رعد وهي تشهق : الله لا يبارك بعدوكم
نوره : يلا يلا خلصنا
العمه عواطف وهي لابسه عبايتها : خميس دقايق ماجيتو ابوي ماهو منتظر
تغريد : الي بيودينا جدي ؟
ام رعد : ايييه يلا جدتكم بالسياره تنتظر
ركضو البنات يلبسون عبايتهم واخيراً ركبو بجيب الجد حمد الي كان قدام الجده و ورا ام رعد والعمه عواطف ونوره و اخر مرتبه كان فيها تغريد والعنود وافنان متجهين للمستشفى بقهوتهم وحلاهم
واول مادخلو على ساره الي كانت امها موجوده عندها ( ام حسن )
واساساً ساره ماعندها الا اخو واحد الي هو ( حسن ) وتوه بالثانوي
الجده : السلام عليكم
فزت ام حسن تسلم عليهم وبعد ماخلصو اتجهو لساره الي كان بحظنها بهاج الصغير وسلمو عليها وتجمعو بغرفتها
الجد حمد : ياجعله مبروك يا ساره وانا ابوك والله يجعله من البارين
ساره : الله يبارك فيك ياجدي
الجد حمد : الا رعد وينه ؟
رعد الي توه دخل وهو اصلاً راح يجيب عمال يركبون ورد عند باب الغرفه : السلام عليكم
واتجه للجد حمد والجده وبعدها ام رعد والعمه عواطف
وطلع على طول عشان نوره والعنود
وتجمعو البنات عند بهاج الصغير
_____________________
وفي الرياض ببيت ابو سياف الي وصلهم خبر زواج تغريد و ولادة ساره كانت اديم فرحانه لتغريد وبقووووووه وبعد فرحانه لساره وهي تسولف مع ام سياف
اديم : يمه متى نروح للديره ؟؟؟
ام سياف بضحك : عاد انتي ميته بالديره وجت من الله
ابو سياف الي دخل وقال : ان شاءالله قبل العرس بأسبوع
كشرت اديم وقالت : افف بنتظر سبوعين يعني ؟
ام سياف : اخوك يداوم كيف تبينا نروح للديره وهو يداوم ؟
اديم وهي ترجع شعرها ورا : طيب متى تشتري فساتين العرس
ابو سياف : اي يوم تبينه
اديم : خلاص نروح بكره ؟
ام سياف : يالله يا الحماس الي فيك يا اديم
اديم : يالله ماني متصوره تغريد عروس اففف تهبل
عند ابو سياف الي اتصل على ابو رعد
ابو سياف : السلام عليكم
ابو رعد : وعليكم السلام ورحمة الله
ابو سياف : مبروك الحفيد والله يخليه لهله
ابو رعد : الله يبارك فيك
ابو سياف : وش سماه رعد
ابو رعد : سماه على اسم اخوه بهاج
ابو سياف : ماشاءالله ماشاءالله صار عندكم بهاج اثنين الله يطرح البركه فيه
اديم الي اول ماسمعت اسم بهاج فزت ولما درت ان البيبي اسمه بهاج بعد ابتسمت على خفيف
اما ابو رعد و ابو سياف الي كملو سوالف
___________________
بعد العشاء بالديره تحديداً عند سلطان ‏اللي ماخذ سيارة  بهاج الثانيه  ( الشاص ‏) ومروق ومشغل أغاني ومر اخذ له قهوه اللي كانت في وسط سوق الديرة وفاتح الشبابيك ومشغل أغنيته المفضله
| ارجوك ياسيد المها روف وش خانت الدنيا بلياك، خذت الجمال وحسن الوصوف سبحان من صور وسواك |
‏وفي نص زحمة السوق والسير واقف و سلطان في قمة الروقان ويراقب المحلات اللي يطلعون ويدخلون منها لكن ما انتبه لي الهنوف وأمها اللي كانوا توهم مخلصين أغراضكم واقفين بجنب السير ينتظرون السواق يوصل لهم وكانت أغنية سلطان مرتفعه نوعا ما والشبابيك مفتوحة انتبهت الهنوف له لين ما دققت فيه زين وتذكرته وقالت في داخلها هذا هو سلطان؟ ولد أبو رعد؟ الي طلعني من الحريق ؟
‏وقعدت تراقبه بصمت ويدها مليانة أكياس و بجانبها أم سعود اللي كانت تدق على السواق باستمرار تشوف وينه
‏لف سلطان لا شعورياً في الجهه اللي هم كانو واقفين فيها وأول ما جات عينها بعين الهنوف شالت الهنوف عينها بسرعه وانتبه لها سلطان اللي قصر ‏بصوت الأغاني وشاف ام  سعود واقفة جنبها وهنا عرف سلطان ان هاذي الهنوف! لكن صد على طول وهو وده لو يلف ويشوفها
‏وقال بداخله أنهم يمكن ينتظرون تكسي ولا شي ونزل الشباك بتردد وقال بصوت عالي: سلام يا خالة
ام سعود : وعليكم السلام ورحمة الله انت سلطان ولد ابو رعد ؟
سلطان الي كان وده لو يحط عينه بالهنوف بس ماقدر وقعد مركز
بأم  سعود : ايه انا ياخاله تنتظرون سياره ؟
ام سعود : لا يابوي سواقنا هنا بس تأخر مع الزحمه
سلطان : اكيد !
ام سعود بضحكه : ايه ايه اكيد بس انت سلم على جدتك وامك
سلطان : يوصل
والهنوف بكل الي صار قعدت تراقبه بصمتتت لين ماجا يمشي ولف عليها وتحرك السير ومشا هو
ام سعود : ياحليله
وجا السواق وركبو معه وقلب الهنوف يدق بقووووه
_________________
وعند جلسة سعود وبهاج الي كانو متجمعين مع عيال الديره بجلسه ضحك و وناسه
خالد ( واحد من عيال الديره ) : عيال شرايكم بكره نكشت ؟
محمد : ام ماعندي مانع
خالد : وسعود !
سعود : مدري وانا خوك بشوف
فيصل (واحد من عيال الديره ) : اي والله الاجواء يبيلها كشته
بهاج : انا والله مقدر يا عيال بكره بودي اهلي للرياض
لف عليه سعود وابتسم بس محد لاحظ عليه
محمد : شعندك بالرياض
بهاج : يبون لهم كم غرض وانا الي بوديهم
خالد : طيب يلا راضنا بقصيده
صفقو العيال وهم يشجعونه وطبعاً بهاج خلاص صار مكشوف ومعروف بالديره انه شاعر
لف عليه سعود وهو يقول له : بمأنك بتروح للرياض عطنا قصيده فيها
بهاج الي عرف سعود وش يقصد وقال بعد ماحاولو العيال فيه
ياديرتن وسط الظلوع معموره
سكانها بين القوافي والالحان
العيال وهم يردون وراه ( الالحان )
ان كان يحكم دارنا اخوان نوره
حبه يحكم ضلوع صدري والاركان
العيال ( الاركان )
رسمت له في داخل الشعر صوره
في بحور شعري صار مينا وربان
هذا ترا قافي وحبه يدوره
يجيني من اللي طالب لولو ومرجان
وان كان حكم القلب زدتي بجوره
مايردع اشعاري محاكم وسجان
العيال انسجمو معه ولا عاد ردو وراه وهم يسمعون جمال قصيد بهاج
بقوم في وسط المحاني بثوره
واردع قدوم الشوق من كل ميدان
اربع شهور عجاف مره بحوره
امسى عليها الهم حاكم وسلطان
واليوم انا هالحزن فجيت نوره
ضحك العيال وتصفيقهم الجمهري وهم يقولون ( صح لسانك )
وليد : لالا خطيررر يابهاج
محمد : كل ذا الجمال وتوك تطلعه لنا حرام عليكككك
اما سعود الي كان يراقب بهاج والعيال بصمت وابتسامه بارده
خالد : طيب اسألك بالله من تقصد بقصيدك
بهاج الي اختفت ابتسامته الحاره وصارت بارده : مقصد احد
فيصل : متأكد ؟
سكت بهاج ونزل راسه تحت ومارد
وليد : قد حبيت يا بهاج
بهاج : ويني وين الحب
طبعاً سعود كان يدري من يقصد زيييين بس ساكت ماقال شي
خالد بضحك : راعي الحب عانه محمد
محمد : ومن ما يحب ياعيال
ضحكو العيال وزادت سوالفهم
قام بهاج وقال : يلا ياعيال انا ودي انام بدري وراي طريق
العيال : مع السلامه
وقام معه سعود يمشي معه لين السياره وهم يسولفون
سعود : ومتى بترجع
بهاج : والله مادري ياسعود بشوف متى يخلصون يمكن نقعد ثلاث اربع ايام
سعود : لا جيت تمشي عطني خبر
بهاج ركب السياره : زين
ورجع سعود لجلسة العيال واتجه بهاج للبيت وقال لا شعورياً
يا مقصدي بالشعر بيت ورا بيت
اتعبوني بسؤال من اقصد بأبياتي
سكت وماجاوبت ولا حتى حقيت
وكتمت العبره وصفيتها جب عبراتي
قالو حبيبك ؟ قلت لا ولا عمري حبيت
قالو حياتك ؟ قلت محدً حياتي
ماعلمتهم عنك ماقدرت وماقويت
وكل ماسألوني ماطلتهم في إجابتي










حبيت انزلها لكم بالويكند 💗 .

احببتك والله يعلم بالخفاء حيث تعيش القصص. اكتشف الآن