احببتك والله يعلم بالخفاء

بارت 17

رجع بهاج للبيت ودخل البيت بكل هدوء متجهه لغرفته طلعت ام رعد من المطبخ في ظلام البيت فز بهاج
ام رعد بضحك : بسم الله عليك
بهاج وهو يمسك قلبه بكل خوف : يمه ياحبيبتي في احد يطلع كذا ؟
ام رعد : زين اني طلعت تعال تعال ابيك بكلمة راس
بهاج الي كان يحاول يهرب منها : بكره بكره
مسكت ام رعد يده : اقول تعال ماني ماكلتك كلها كلمتين
ومشا بهاج معها للغرفه واول مادخل الغرفه نزل شماغه على السرير وجلس وقربت ام رعد منه : لا تحسبني ماني شايفتك وانت بهالحاله ؟!
بهاج الي كان يحاول ينكر : و وش فيها حالتي ؟
ام رعد : اسمع انت معاد انك صغير مشاءالله عليك بتدخل 29
هنا بهاج عرف امه الى وين بتوصل وهو الي كان يهرب من ذا الموضوع سنين وعاد الحين كيف وهو مايبي احد غير اديم : يوو يمه لا تبدين انا بنام وشيلي هالموضوع من راسك
وانسدح على السرير عشان يهرب من امه
ام رعد : اسمعني عاد انا قلت لابوك وقال شوفي له بنت من بنات الديره تناسب له
هنا بهاج حس الموضوع جدي وقام جا بيتكلم لكن قاطعته ام رعد : انا قلت الي عندي
وقامت طلعت برا الغرفه وقعد بهاج يمسك راسه بألم
___________________
ومن بكره ‏مر اليوم زي أي يوم عادي من هواش أفنان اللي من دون سبب ولا من صوت راديو الجدة اللي يضرب في الصالة والبيت كله ولا من مناقرة ام رعد وسلطان عشان ياكل العلاج لين الساعه 8:17 بعد صلاة العشاء طلعو سعود وبهاج من المسجد كالعادة سوا وكانت أخلاق بهاج مو يالي وانتبه له سعود وبداو يمشون بالديره وبهاج ساهي بالسماء
سعود : فيك شي ؟
بهاج ويده على جيوبه وشماغه كالعاده على كتفه وبعد نفس : امي تبي تخطب لي من بنات الديره ولا بعد ابوي داري وموافق
لف عليه سعود بصدمه قال : واديم ؟
لف بهاج اول ماسمع اسم اديم ورجع يناظر السماء : مدري مدري ياسعود امي قيدت لي يدي مادري شسوي
سعود بعد تفكير : شف لك حل واحد والله يعينك عليه
بهاج بتنهد : وشهو
سعود : انك تروح تكلم اديم وتتأكد منها اذا تحب غيرك ولا واذا قالت لا رح لامك وقل لها ابي اديم بنت عمي وماهي قايله لا لا هي ولا عمي ابو رعد
بهاج في هاذي اللحظه احتار اكثر واكثر كيف بيكسر كبريائه وبيروح لها وكل مافكر يقرب منها يتذكر الي صار ويتراجع
بهاج : مستحيللل
سعود بقهر : وش الي مستحيل لا تزوجت وحده غيرها وظلمت نفسك ونفس الي تزوجتها وقتها وش بتسوي ؟ اذا كنت صدق تحب اديم لازم تروح تكلمها
سعود يحسب ان بهاج يقصد مستحيل يكلم بنات والصدق بهاج يقصد مستحيل اكلمها بعد الي صار كله
بهاج بقهر : مقدر مقدر ياسعود مقدررررر
سعود : لييييه طيب ؟؟!!! قلي ليه
بهاج بتردد : بس مقدر لا تزيد علي
سعود الي ضاق : ها خلاص بكره لاتزوجت ودخلت في متاهه مع وحده ماتعرفها لا تجيني وتتشكى اسمعععع ماعندك الا ذي الفرصه رحح وكلم البنت شفها تحبك ولا وتقدم لها وخلك سعيد طول حياتك بدال ماتصير تعيس
وراح سعود وخلى بهاج
بهاج بصراخ : وين رايححح
سعود : مالك دخل
وبعد سعود عنه لين مااختفى وقعد بهاج على الرصيف حيراااان مايدري وش يسوي ولو قالو له مت مات على طول
_______________
في البيت تحديداً عند العمه عواطف ونوره
نوره : يلا يمه تكفين بس البقاله وبجي على طول
العمه عواطف : نوره روحه لحالك مانك رايحه انتهى الكلام
نوره الي كانت مشتهيه انها تروح البقاله وتشتري لها والبنات الا ان العمه عواطف مانعتها تروح لحالها
نوره : يمه يعني مين اخذ معي ؟؟ خلاص انا اروح مع سواق جدي واجي مارح اطول البقاله بجب البيت
دخلت الجده وبيدها عكازتها : و وش تبين من البقاله
العمه عواطف : انا ادري الي يشوفها يقول انها بزر
[ للمعلوميه نوره عمرها ٢٤ ]
نوره : ياخي مشتهيه اروح اخذ من البقاله اغراض
الجده الي كانت هي بعد تبي لها اغراض : روحي جيبي عبايتي والبسي يلا
فزت نوره بفرح : قولي والله
الجده : ترا بكنسل
نوره وهي تركض تجيب العبايات : لالا خلاص
العمه عواطف : خليها يمه لا تتعبين نفسك
الجده : انا ابي لي اغراض
جت نوره وهي تعطي للجده العبايه وبعد مالبسو اتجهو لسيارة السواق وعلى البقاله
___________________
في البقاله عند صاحب البقاله " سرور " شخص مغرور عشانه بس يملك البقاله ودايم مايعطي احد وجه وفعلياً دايم عينه على الحريم ومايستحي وكل اهل الديره عارفينه لكن كان يتصنع بحركاته انه رجال كفو ومن هالكلام لكن الكل يعرفونه على حقيقته وخصوصاً بهاج وسعود الي كل ماشافوه يرمون عليه كلام لكن دايم يطرون يروحون لبقالته عشانها الاقرب