بارت 26

9.5K 209 231
                                    

وفي اليوم الثاني عند الجده الساعه ٩ الصباح والبنات مجتمعين عند الجده في سفرة الفطور الكبيره والبنات هادين
وفيهم نوم وتعب العرس بس مغصوبين يقومون للفطور مع الجده
العمه عواطف بضحك : الي يشوفكم يقول
راحت تغريد ماعاد هي جايه بعيد الشر !
ام رعد بضحك : اي والله
افنان بنعس : ياخي انا ودي افهم انتم كيف لكم حيل تقومون الصبح وتسوون الفطور ورغم هذا تضحكون
وتطقطقون مع صباح الله خير !
العمه عواطف : هذا من العجز الي فيكم
ام رعد للبنات : افطرو يا بنات بس تلعبون بالنعمه
نوره : والله ماني مشتهيه ودي اروح اكمل نومتي
الجده : معصي انتي وياها بعد الفطور بنغسل الحوش والسجادات الوصخه
افنان بشهقه : لاااا تكفين يا جده مو ناقصنا تعب ثاني !
الجده : بعد الفطور كل وحده تجيب معها جراكل الما وتلحقني
وقامت الجده متجهه للحوش
اما البنات الي ماكان ناقصهم تعب ثاني وناظرو كلهم في ام رعد
ام رعد : لا تنتظروني كذا سمعتو جدتكم
العمه عواطف : اصلاً امي عشانها شافتكم متكاسيلن قالت لكم تغسلون الحوش
العنود : اهخخخخخخ بس
افنان : من الحين اشتقت لـ تغريد !
وقامت نوره بتعب : قومو يالله
وقامو وراها البنات بكسل وفعلاً راحو لحوش
المطبخ واخذو المويه والجراكل واتجهو ورا الجده الي اول ماوصلو
شافو السجادات على الارض وهي جالسه على الكرسي وبدت تعطيهم الاوامر
الجده : يلا اول كبو الما وبعدها الصابون
وكتبت افنان المويه بسرعه وفزت العنود
العنود : شوي شوي
الجده : يلا يا اديم حطي الصابون
وكبت اديم الصابون وكل وحده اخذت المجروف وبدو يفركون السجادات وبدو شوي شوي يتنشطون
وهذا الي تبيه الجده اما افنان الي تركض بسرعه وتتزحلق والبنات
وراها وكل وحده تعبي الثانيه
صابون وبين الضحك والوناسه طق باب الحوش
الجده الي كانت جالسه وبيدها العصا : شوفي الباب يا نوره
نوره وهي تحاول تبعد الصابون عن وجها : ابشري
ويوم قربت عند الباب نزلت ثوبها الي كان مربوط على خصرها : مين
ام سعود : انا انا ام سعود افتحي يا النوري
نوره الي عدلت شعرها وفتحت الباب
دخلت ام سعود و وراها الهنوف بس نست نوره الباب الي قعد مفتوح
ام بعد ماسلمت : وش حالتكم هاذي ههههههههه
نوره بضحك : استرو على ماواجهتو
دخلت ام سعود وسلمت نوره على الهنوف الي حظنتها
الهنوف : اخبارك
نوره : بخير الحمدالله
الهنوف : قلنا نجيكم صباح عرس تغريد نونسكم
وفي هذا الوقت كان سعود عند الباب وهو الي منزل امه والهنوف ونست نوره الباب المفتوح وشاف
كل حالتها الي يرثى لها وابتسم وصد على طول
نوره : الله يحيكم
ودخلت الهنوف وتحرك سعود وهنا انتبهت نوره انها نست الباب وشافت السياره الي مشت ومسكت قلبها بخوف ودخلت ورا الهنوف
وعند ام سعود و الهنوف الي دخلو عند الجده والبنات
الهنوف بضحك : تسلم ايدينكم
وقفو الباب بفزه الي تعدل شعرها والي تنزل ثوبها
افنان بضحك : اشوا انه انتي ولا غيرك
ام سعود لـ الجده : السلام عليكم
الجده بأبتسامه : وعليكم السلام ورحمة الله الله يحيكم يا مرحبا
تفضلو تفضلو
العنود : جده يعني خلص شغلنا ؟
الجده وهي تأشر بالعصا : كملو لا اجي الا الاقي السجادات والحوش يلقون
ارتمت افنان على الجدار بتعب اما نوره الي جلست على الارض لا إرادياً وقعدت العنود مستنده على المجروف
الهنوف وهي تحلق ام سعود والجده لفت على البنات : انا بسلم على خالتي واجيكم
__________________
وعند تغريد وحمد
قامت تغريد من النوم وبنعس شافت حمد مو موجود
قامت تغريد ودخلت دورة المياه وطلعت ولبست وتزينة وسوت مكياجها الخفيف وتعطرت
وبعد ١٠ دقايق دخل حمد وهو يقول : ياتغريد صاحيه ؟
تغريد بفزه وبتردد : اءءيه
ابتسم حمد من صوتها الخجلان : طيب ادخلي الحمام شوي بس
استغربت تغريد ودخلت الحمام
حمد بعد ماقال للعامل يدخل الفطور وطلع اتجه لباب الحمام وفتحه لـ تغريد الي فزت
حمد بأبتسامه وهو يشوف جمالها : خلاص تعالي
ومد يده وتغريد بتردد مسكة يده بأبتسامه خفيفه
تغريد : قمت من النوم مالقيتك !؟
حمد : ايه رحت اطلب الفطور يلا سمي
وبدت تغريد تمد يدها على شوي شوي
حمد بطقطقه : والله لو بتقعدين تاكلين كذا بيأذن العصر وحنا ماخلصنا
تغريد الي كانت ماسكه ضحكتها وابتسمت على خفيف وبدت تكبر لقماتها
_________________
وعند البنات وهم يتصارعون مع الساجدات وفي ضحك ووناسه جت الهنوف عندهم
الهنوف بطقطقه: ماشاءالله الي يشوفكم يقول ماتغسلون سجادات ابد
نوره : تعالي ادخلي معنا
الهنوف : لالا فكوني من الصابون الحين
غمزت افنان لـ نوره ومسكت يد الهنوف وسحبتها عندهم
الهنوف بصراخ : لاااا تكفين
وبعد ماتقريياً تغرقت مويه و صابون بدت تطلع حرتها بالبنات وتغرقهم معها وفي نص ضحك البنات و وناستهم جت ام رعد
ام رعد بضحك وبصدمه : والله معاد ادري وش اقول حتى انتي يا الهنوف ؟؟؟ ههههههههههههه
الهنوف بخجل بعد قامت وحاولت تبعد الصابون عن وجها : والله هم دخلوني معهم
البنات : هههههههههههههههههههههههههههه
ام رعد : يلا يلا اطلعو وغسلو وتعالو اجلسو معنا
طبعاً قامو البنات يتراكضون وقعدت الهنوف تحاول تبعد الصابون عنها
دخل سلطان من عند باب الحوش الخلفي وبيده كوب الشاهي متتجه للبيت من عند الحوش الي كانت فيه الهنوف
واول ماجت عينه عليها رجع ورا لا إرادياً بس ماقدر يشيل عينه عن الجمال الي يشوفه رغم انها كانت حايسه بالصابون وحالتها حاله وهي تحاول تبعد الصابون عن عينها وماتشوف شي
مسك سلطان ضحكته بالقوه وقبل ماتفتح عينها رجع على ورا وراح
والهنوف ماحست ابداً ان كان فيه احد
ودخلت داخل اما سلطان الي اول ماطلع من البيت وهو للحين سرحان فيها وبجمالها
__________________
وبعد صلاة العشا طلع مطلق من عند جدته بعد ماحس نفسه انه اشوا من اول وهو متجهه لبيوت الجد حمد يبي يشكر بهاج وطبعاً تعرفون مطلق اغلب عيال الديره متهاوشين معه
وكان سعود ينتظر بهاج يطلع عشان يروحون يتمشون وبهاج طول ماجا
وسعود ينتظره شاف مطلق الي جا وطق باب بيت ابو رعد وسعود ومطلق قد حصل بينهم سوء تفاهم وتهاوشو ومن بعدها محد يطيق الثاني كشر سعود وجهه ونزل من السياره بعصبيه
سعود : خير ؟ وش جابك هنا ؟
مطلق الي لف عليه وناظره ببرود ورجع طق الباب
سعود وهو متجهه له : ولد اكلم من انا ؟
مطلق وهو ماسك نفسه بقوه ويعرف ان سعود صديق بهاج ومايبي يمد يده عليه عشان بهاج
مطلق : رح عني ماني بجاي لبيتك احسن مايصير شي ثاني
سعود بعصبيه وهو يدف كتف مطلق : لا وش بيصير ؟؟؟؟
هنا ماقدر مطلق يمسك نفسه وهو دينه ودين الي يمد يده عليه ورجع مسك يده ودفها على ورا
وطبعاً سعود ماقصر وبدا يمد يده اكثر واكثر ويبادله مطلق طلع بهاج الي منفجع من الاصوات وهو يقول : يا ولد ولدددد !!!
جدي ياسعود داخل
سعود بعصبيه لـ مطلق : يلا انقلع !
مطلق بعصبيه : لو اني عند بيتك تكلم كذا عند بيوت خلق الله مالك دخل فيها
بهاج لمطلق وسعود : ولد انت وياه جدي وعماني كلهم داخل لا يسمعونكم ثم والله مانمسي اليل
سعود لـ بهاج : وش جاب الكلب هنا ؟
مطلق : احترم نفسك احسن لك
سعود الي جا بيرد لكن وقفته بهاج وهو يقول : دقيقه يا سعود دقيقه
ولف على مطلق وقال : وش جابك يامطلق بغيت شي فيك شي ؟
مطلق بعد ماهدا لف على بهاج وقال له : انا جيت اشكرك على الي سويته معي بس فيه فيران تدور عند البيبان
سعود وهو ياخذ نفس كبير ولف على ورا
بهاج وهو يشد على كتف مطلق : ماسويت شي وانا اخوك
مطلق : يلا تبي شي ؟
بهاج بأبتسامه : فمان الله
وركب مطلق سيارته ومشا بعصبيه
اما سعود الي لف على بهاج وقال له بصراخ : وش تدور انت مع ذا السربوت ؟؟؟؟
بهاج : ومن قال لك انه سربوت ؟
ضحك سعود وقال : لا تقولي من قال لك ومن ما قال كل الديره انه سربوت من يوم يومه
بهاج : وانت فالح تسمع لفلان وعلان ؟
سعود بعصبيه رفع حواجبه وقال : ولدددددد انت تعرف اني ماداني مطلق بعيشة الله وقد تهاوشت معه وانت الحين تمشي معه ؟!
بهاج بعصبيه : وانت من قال لك اني مشيت معه ؟ الرجال كان يبي مساعده وساعدته وخلصنا !
سعود : تساعده رغم انك تعرف اني متهاوش معه ؟
بهاج الي خلاص انتهت طاقته من المشاكل : ياادمي افهم افهم
واخذ نفس ورجع قال : تبيني اتركه وهو يحتاج مساعدتي ؟
سعود الي ماعاد يشوف الي قدامه ولا يسمع وش يقول لكن انتهى النقاش بعد كلمة سعود الي كسرت بهاج بقوه
سعود : اجل ثاني مره لا تجيني تتبكبك على كتفي واديم ماتبيني واديم ماتحبني !! رح وخله يساعدك
بهاج الي عمره ماتوقع ذا الكلام يطلع من سعود وده يكذب نفسه انه ماسمع ذا الكلام من سعود بس ماقدر سكت وهو في صدمه كبيييييره حتى رمش ماقدر يرمش
ركب شعوب سيارته ودعس على البانزين بسرعه ومشا
اما بهاج الي جلس على الرصيف بصدمته لين ماكتب ذا البيتين الي جت لا شعورياً
ماتربينا على كسر الخواطر
لو خواطرنا من العالم تكسر
امزحو في كل شي الا المشاعر
جبرها يبطي ويمكن ماتجبر
وقام دخل البيت وخاطره مكسور واتجه للمجلس الي كانو العيال فيه والجد حمد وابو رعد وابو سياف وابو حمد
وبين سوالف الكبار وطقطقة العيال
دخل ابو فزاع واحد من كبار الديره
فزو المجلس وهم يرحبون فيه اتجه للجد حمد وسلم عليه وهو يقول : اخبارك يابو عبدالله عساك بخير ؟
الجد حمد : بخيرررر الحمدالله والشكر له اقلط اقلط الله يحييك
غمز ابو رعد لسلطان عشان يصب القهوه وفعلاً قام سلطان بسرعة البرق صب القهوه له
ابو فزاع : عشت وانا ابوك
ورجع سلطان يجلس
وبين السوالف الحلوه كان بهاج للحين عند كلمة سعود الي اوجعت قلبه وبقوه
ابو فزاع : انا جيت عشان اعزمكم القابله ( بكره ) عندي عشاء الله  يحيكم من اكبركم لـ اصغركم
ابو رعد : تبشر بالجيه يا بو فزاع
ابو فزاع : الله يرفع شانك وانا عمك
وقام ابو فزاع وهو يقول : ها مع السلامه
فزو العيال وهم يصرون عليه بالعشا بس كان ابو فزاع مستعجل وماعنده وقت وطلع بعد ما اقنعهم
وكملو الليله بالسوالف في المجلس
__________________
ومن بكره العصر وتغريد وحمد بيجون وكل البيت حايس بالتجهيزات الي تجهز القهوه والي تبخر البيت والي والي
وعند حمد وتغريد الي وقفت سيارتهم وطلعو العيال سلطان ورعد وهم يرحبون بحماس
ابتسمت تغريد وهي تشوف اخوانها يرحبون فيها
لف حمد بأبتسامه لتغريد وقال : اشوف الابتسامه شاقه الوجه !
تغريد بعد ما حست على نفسها وصغرت ابتسامتها وقالت : يعني ما افرح ؟
حمد بضحكه : ههههههههههههه لا ماودي احد يشوف إبتسامتك الحلوه الا انا
نزلت راسها تغريد بخجل
حمد : ماتبينا ننزل ؟
فزت تغريد : لالا بننزل
هنا ضحك حمد من شكلها وقال : طيب بس ترا اذا خلصتي انا موجود !
ابتسمت تغريد وقالت : طيب
وفتح سلطان باب تغريد وهو يقول : ياااااهلا ومرحبااااااا
ضحكة تغريد : ههههههههههههه اشتقت لي ؟
سلطان : وكيف مااشتاق بسسسس ياحظ حمد
حمد بعد مانزل بطقطقه قال : وخر عن زوجتي بس
سلطان وهو يرفع حواجبه : قصدك اختي
اتجه رعد لحمد وهو يسلم عليه ويدخله
اما سلطان الي كان مع تغريد لين مادخلت البيت ورجع للعيال
وعند البنات اول ماشافو تغريد دخلت عليهم بصراخ
: تغرييييييد
الجده بعد مافزت من صراخهم : وجععع
ضحكت العمه عواطف وام سياف وهم يسمعون الجده اما البنات الي راحو ركض لتغريد الي تحظنها والي تبوسها
وفعلياً كانو البنات في اقصى حد من فرحتهم
افنان وهي تحظنها : اففففف اشتقت لك اختي الوحيده
تغريد الي بدت تدمع : وانا بعد
بعدها اديم الي حظنتها بفرحه
ام رعد : ابعدو عن بنيتي تعالي تعالي يا عين امي انا
وتقدمت تغريد وهي تمسح دموعها وحظنتها
بعدها سلمت على الجده وام سياف والعمه عواطف
واخيراً تجمعو وجلسو كلهم بفرحتهم و وناستهم
________________
وبالجهه الثانيه عند العيال الي كانو يستقبلون حمد بطقطقه وضحك عكس البنات ابداً حتى ابو رعد وابو حمد هم بنفسهم يطقطقون عليه
سلطان بضحك : والله اتمنى انك تنسى ذا اليوم بكامل تفاصيله
ودق بهاج يد سلطان بضحك عمييييييق
_______________
ونرجع عند البنات الي تغريد افتقدت بهاج وانه ماجاها ولا سلم عليها اخذت الجوال وقامت من عند البنات وهي تدق عليه
بهاج بعد ماشاف جواله ورد : الووو
تغريد بأبتسامه : قلنا انك نسيتني بس مو لهدرجه
فز بهاج وهو يقول : لا والله مانسيتك ويخسي الحين جايك
وقام بهاج متجهه لباب القاطع الي بينهم وبين قسم الحريم
وطق الباب فزت تغريد وهي تقول : جا بهاج
اختفت الابتسامه الي كانت على وجه اديم ونزلت راسها بس محد انتبه لها
واول مافتحت تغريد الباب بدا بهاج يرحب بحراره وحماس : ياااااااا مرحبا يا الوجه الي يفتح النفس
ضحكت تغريد وهي تحظنه : والله وقلت انك نسيتني !
بهاج : افااااا انسى العالم ولا نسيتك مين ينسى غردوه ؟!
تغريد الي حست ان بهاج مو بخير ابداً وفي عينه كسر عمره مارح يجبر : انت اخبارك وشلونك
بهاج بمزح وطقطقه : بعد غردوه ماني بطيب !
وفعلاً كانت هاذي كلمة بهاج الي حست تغريد انه قالها بجد وقالت : لالا صدق كيفك ؟!
بهاج الي كان يحاول يخبي كسره قال : الحين انتي تقولي لي ماعليك مني اخبارك انتي وشلونك كيف حمد معك ؟
ابتسمت تغريد وقالت : لا انا بخير الحمدالله وحمد معي كويس
بهاج بتلميح وهو يرفع حواجبه : كويس هاااه ؟
ضحكت تغريد : ههههههههههههههههههههه يلا انا برجع لامي الحين تلعن خيري
بهاج بأبتسامه : طيب
ورجعت تغريد وسكرت الباب ورجع بهاج للعيال
لكن بعد ماسكرت تغريد الباب حست بهاج مو طيب ابداً ولازم تسوي شي
ورجعت قعدت عند البنات بأبتسامه وهي تفكر وش تسوي له
______________________
وبعد المغرب عند تغريد بعد ما التهو البنات عنها نوعاً ما قامت وهي تنادي ام رعد
تغريد : يمه تعالي ابيك شوي
ام رعد بأستغراب : وش فيك ؟
تغريد : الحين انتي تعالي !
وقامت ام رعد معها للغرفه وسكرت الباب وبدت تغريد تفتح معها موضوع بهاج
ام رعد : عسى ماشر ؟
تغريد : لا يمي مافي شي بس بتكلم معك في موضوع ، تذكرين لما قلتي انك بتخطبين شهد بنت الشيخ لبهاج ؟
ام رعد : ايه ؟
تغريد : اييييه انا لقيت لك وحده تصلح لبهاج وتصلح لنا كلنا واشوا من شهد الي شايفه نفسها
ام رعد الي بعد حست ان شهد ماتصلح مره لبهاج بس ماكان لها حل ثاني وبفضول قالت : من ؟
تغريد : اديم
ام رعد : اديم ؟! اديم مين ؟
تغريد : اففف يمه كم عندنا اديم اديم بنت عمي طلال
ام رعد الي سكتت وقالت : والله ماهي بشينه بس ماظنتي بتوافق على بهاج
تغريد : وليش ما توافق عليه بسم الله عليه كل المواصفات الزينه فيه وانتي اخبر بولدك واذا عن انها من بنات الرياض وبهاج من الديره احب اذكرك ان كل اشغال بهاج بالرياض واكيد كل شوي بيروح للرياض !
ام رعد : هاذي قولتك يعني ؟
تغريد بأبتسامه : ايه
ام رعد : خلاص اجل انا بشوف ابوك متى يفضي وباخذ رأيه ونشوف وش بيصير الحين قومي خل نرجع لهم
وقامت تغريد وام رعد الي طلعو من
الغرفه وتغريد الي كانت تقول بداخلها " حتى لو اديم ماودها بعيال العم بس اكيد اول ما تعيش مع بهاج راح تعرفه اكثر وراح تشكرني "
ورجعو وجلسو وكملو سوالفهم الحلوه
_____________________
وبعد صلاة العشاء والجد حمد وابو رعد وابو سياف والشباب يتجهزون عشان يروحون لعشا ابو فزاع وطبعاً راح الجد حمد هو وعياله واحفاده كل العاده بموكبهم الحلو بسياره ابو سياف الي كان فيها الجد حمد وابو رعد وابو حمد
وبسيارة رعد الي كان فيها حمد ومحمد
وطلبعاً بمأن بهاج دايم يتأخر هو وسلطان كان بسيارته هو وسلطان
يمشون ورا سيارة ابو سياف الين وصلو لبيت ابو فزاع الي استقبلهم بحراره و ود
ونزلو وسلمو عليها وجلسو مع الضيوف بين السوالف الحلوه والمباركات لحمد
دخل ابو سعود وسعود الي كل عاده اذا جا على طول يبتسم لبهاج ويجلس جبه بس هالمره الي كان فيها زعلان منه حتى ماحط عينه بعينه ودخل وقال بصوت عالي : السلام عليكم
الكل : وعليكم السلام
وبدا يسلم هو وابو سعود على ابو فزاع وجلسو وجلس سعود مقابل بهاج وهو معصب منه بس خاطره يجلس جبه ويضحك معه بس ماقدر وجلس قدامه بحسافه
اما بهاج الي اول ماشافه تذكر كلامه امس والجرح الي فتحه بقلبه
وبعد السوالف الي مرت
بدا ابو فزاع يدخل الضيوف على العشا
وطبعاً وبعد كل عشا لازم يكون فيه جلسه للشباب برا والكبار داخل
وفي جلسة الشباب الي كان فيها رعد وبهاج وحمد وسلطان ومحمد وعبد الرحمن وباقي شباب الديره اما سعود الي اول ماطلع من العشا راح
وبين سوالف الشباب الحلوه وبهاج الي في كل كلمتين يسج
رعد لـبهاج : علامه سعود ؟ فيكم شي ؟
بهاج : لا مافينا شي
طبعاً رعد ماصدق بس ماحب يتكلم اكثر
قال محمد واحد من شباب الديره : تكفى يا بهاج نبي قصيده
بهاج الي لف عليه وسكت ماقال شي
وبدو العيال يحاولون فيه الي واخيراً قال : طيب
وبسرعة البرق كتب ذي القصيده الي طلعت من قلبه وهو يقول
ليت الغرابيل جتني من عدوً لي
أما تقاضيت ولا بيتقاضى لي
لكن من واحدٍ ذكره غناةٍ لي
ولا زلت احبه وبحبه ولا أبالي
لا مر طرق بخدراته سلامٍ لي
وكنه يسلم علي بصوته العالي
خلوني اسج عن موضوعه احسن لي
ولا الغلا والله يبطي وهو غالي

احببتك والله يعلم بالخفاء حيث تعيش القصص. اكتشف الآن