احببتك والله يعلم بالخفاء

بارت 27

ومن بكره في بيت الجد الحمد الساعه ٥ العصر وفي قهوة العصريه الي كان موجود فيها ابو رعد وام رعد والجده

ام رعد وهي تحاول تكلم ابو رعد بموضوع اديم بس متردده
ابو رعد الي فهم عليها انها بتقول شي وقال : قولي الي بتقولينه انا بطلع
ام رعد فزت وقالت : اءء كنت بكلمك على موضوع بهاج
ابو رعد : وش فيه بهاج
ام رعد : مو قلنا بنزوجه شهد بنت الشيخ ؟
ابو رعد : ايه صح ماقلتي لي وش صار معكم
ام رعد الي تجرأت وقالت : كنسلت معاد ابي ازوج ولدي بنت شيخ تشغله بكره بالطلبات ابي وحده بنت ناس واخلاق وجمالها يسبقها ولقيتها
ابو رعد الي عدل جلسته : وبنت الناس الي رحتو كلمتو اهلها وش بتقول لهم الحين لا حنا مانبي بنت شيخ ؟ اذا كانت هي بنت شيخ فبهاج ولد شيخ بن شيخ
ام رعد : ماقلنا شي واصلاً هم كانو مترددين على بهاج وللحين ماجانا خبر منهم
ابو رعد وهو قايم : اجل لا جا خبر منهم ذيك الساعه نشوف
ام رعد بعد ماقامت معه : طيب ماسألتني عن البنت الي براسي
ابو رعد : قلت لك لا جا خبر منهم ذيك الساعه علميني
ام رعد قبل مايطلع ابو رعد : بخطب له اديم بنت طلال
وقف ابو رعد بصدمه ولف وراه : وشووووو ؟؟؟ صاحيين انتم فيكم شي وش بقول لاخوي انا
ام رعد : و وش فيها عيال عم ونزوجهم لا حرام ولا عيب
ابو رعد : وانتي قولتك اديم بترضى ببهاج خذيها مني بنت مدينه ماتاخذ الا ولد مدينه
الجده الي كانت تسمع حديثهم كلللله بصمت ويوم سمعت ام رعد بتخطب اديم فز قلبها واستانست وكانت تبي تمسك اديم عندها بالديره او بالاخص شي يربط ابو سياف بالديره : انا اقول ورا ماتسكت مابقى الا هي ترد بنت اخوك وبنت اخوك ابرك من البعيد
ابو رعد : ايه يمي ماقلنا شي بس اديم ماهي براضيه حتى لو ابوها بيرضى وحنا قد كلمنا الناس وننتظر ردهم غير ذا الكلام ماعندي
الجده : ومنهم الناس ؟ بنت الشيخ الي رافعه خشمها وتبي كل شي تحت رجولها ؟؟؟
ابو رعد : يايمه يا حبيبتي اذكرك ان الشيخ صديق ابوي ولو يدري ابوي انا عطيناهم كلمه وماعاد رجعنا لهم ماعينا خير
الجده : اسمع عاد ابوك خله علي وانت استعجل كلم اخوك طلال ولا ترا انا كلمته
ابو رعد وهو ياخذ نفس بعمق : طيب طيب بس هااااه لا رفض طلال ولا رفضت البنت لا تجون تكلموني
ام رعد بأبتسامه : الله يتممه
وطلع ابو رعد وقعدت ام رعد والجده
الجده : زين ما اخترتي والله يتممه ياربي
ام رعد : امين يارب
___________________
وفي بيت ابو سياف عند اديم وهي طالعه من غرفتها للصاله واول ماشافت الشنط مصفوفه على الجدار راحت لأمها الي جالسه
اديم : يمه الشنط ليش مطلعينها ؟
ام سياف : بكره بنمشي للرياض وانتي لا تنسين تجمعين اغراضك
اديم الي كشرت فجأة وضاقت : ليش نمشي مو بدري ؟
ام سياف الي كانت لاهيه مع ملابس سياف : وشوله نقعد العرس وخلص الديار طلبت اهلها
اديم الي جلست جمبها : لا تكفين خلينا نقعد شوي بعد ماشبعت من البنات
ام سياف الي لفت عليها : غريبه يا اديم وين اديم الي ماتطيق الديره وتبي ترجع للرياض كل شوي اشوفها تعلقت بالديره !
قامت اديم بحزن وقالت : خلاص كيفكم
ورجعت لغرفتها وفتحت الدريشه الي تطل على الديره خصوصاً بيوت الجد حمد الي اخر بيت هو بيت ابو سياف عشان كذا تقدر تشوف بيوت الجد حمد كلها قدامها
وجلست وسندت يدها على الدريشه ومسكت خذها وعيونها مليانه دموععععع ماتدري وش الي علقها في الديره هالدرجه وبدت تبكي وتمسح دموعها كل شوي لين شافت بهاج وهو نازل من السياره مع رعد وسلطان
فزت ورفعت راسها تبي تشوفه اكثر بس ما مداها ودخلو البيت
ورجعت تبكي بصمت وهي ماتدري ليش تبكي
___________________
بعد صلاة العشاء وعند ابو سياف وابو رعد وهم داخلين على الجده والعيال والعمه عواطف بالصاله
ابو سياف : السلام عليكم
الكل : وعليكم السلام
تقدم ابو سياف يسلم على الجده : اخبارك يمي
الجده : بخير يابوي اجلس اجلس تقهوى
وجلس ابو سياف يسولف مع الجده والعمه عواطف
ابو سياف : انا ان شاءالله بكره راجع للرياض
ابو رعد : وراه بتمشون بدري
ابو سياف : الديار طلبت اهلها
سكت بهاج وقلبه يحرقه مايبيهم يرجعون ابداً
الجده بفزه : توكم جايين مامدانا نفرح فيكم
ابو سياف : لا خلصت شغلي يمي بجيك ماعليك
ابو رعد لـ رعد : رعد جب بهاج وانا بوك
رعد بعد ماقام : ابشر
ودخل رعد عند البنات داخل وهو يضرب الباب ينادي ساره
جت ساره : هلا
رعد : عطيني بهاج
ساره : طيب ثواني بس ابدل لبسه واجيبه
رعد : طيب استعجلي
وراحت ساره تغير لبس بهاج ومشطت شعره وجابته
وعند الباب وهي تعطيه رعد استغل رعد الفرصه وباسها مع خدها واخذ بهاج وطلع
ابتسمت ساره بخجل ورجعت وسكرت الباب
وعند رعد وهو داخل عليهم واول ماشوفوه
كلهم تجمعو عليه خاصةً بهاج الي على طول اخذه بحظنه
سلطان وهو يحط يده في وجه ويفتح وجه ويكرر هاذي الحركه
وبدا بهاج الصغير يبكي
بهاج وهو يضرب سلطان مع راسه من ورا بخفه : دوخ يا الثول خوفت الولد
سلطان : كنت احسبه بيضحك
بهاج : ماظنتي يشوف وجهك ويضحك
الجده : جيبوه جيبوه عندي
قام بهاج بخفه وهو خايف عليه لين ماوصل الجده ونزله لها بخفه
واخذته الجده بحظنها تلاعبه
وبعد سوالف وضحك قام ابو سياف بيطلع
ابو سياف : يلا تبون شي انا بطلع اجيب لي كم غرض
غمزت الجده لـ ابو رعد عشان يقوم ويكلمه بموضوع اديم
وقام ابو رعد يمشي معه لين نهاية الباب
وعند مدخل الباب الخارجي وقف ابو رعد وهو يقول لـ ابو سياف : ابي اكلمك بموضوع
ابو سياف : آمر
ابو رعد وهو مايدري كيف يدخل بالموضوع وعلى طول قال : انا بخطب اديم لـ بهاج
سكت ابو سياف بصدمه
ابو رعد : والي تبيه انت ولا اديم انا جاهز وانا خوك
ابو سياف : والله ماني بلاقي رجال مثل بهاج بس انت تعرف الشور الاول والاخير لاديم
ابو رعد : خذ راحتك وكلم بنتك والي تبيه حاظرين
ابو سياف : اجل زين ارد لك خبر
ابو رعد : فمان الله
وركب ابو سياف سيارته وتحرك اما ابو رعد الي رجع داخل
وعند ابو حمد هو يجهز شنطته بيرجع لجده اما العمه عواطف والبنات ومحمد بيرجعون مع حمد بعد اسبوع بس عشان شغل ابو حمد الي في جده لازم يرجع بدري
واخذ محمد الشنط وهو يحطها في سياره ابو حمد وتجمعو البنات يسلمون عليه نوره والعنود وجت العمه عواطف عند الباب تسلم عليه وتستودعه الله لين ماركب سياره ومشا ودخل محمد عند العيال ورجعو العمه عواطف والبنات الجلسه
__________________
عند ام رعد الي جت لـ ابو رعد تسأله وش صار
ام رعد : هاه وش صار معك ؟
ابو رعد بصوت خفيف : كلمته وبيعلم البنت وبيرد لنا خبر
ام رعد الي استانست : الحمدالله والله يتممه
ابو رعد : انتي لا تعلمين احد ولا تعلمين بهاج لين ماترد لنا البنت
ام رعد : ان شاءالله
ورجعت ام رعد عند الجده وراح ابو رعد عند العيال
وعند الجده الي جتها ام رعد وشافت ماعندها احد قربة من عندها وبصوت خفيف قالت : عبدالله كلم طلال وطلال بيسأل اديم وبيرد لنا
الجده : الحمدالله
دخلت افنان الي كانت عند الباب وسمعت كلام ام رعد وبصدمه قالت : وشووووو ؟؟؟؟ خطبتو اديم لبهاج ؟؟؟
ام رعد الي فزت : اصصص اقصري صوتك لحد يسمعك
جلست افنان بصدمه : يمه صدق الي سمعته ؟
ام رعد الي ماعندها حل الا تقول لها : ايه ايه صدق بس لاتعلمين احد !
افنان : وطيب شهد !
الجده : اذا ردو لنا خبر بنعتذر منهم
افنان الي فرحت ان بهاج بيتزوج اديم وفزت مستانسه : الللللله يعني اديم بتقعد عندنا هنا بالديره ؟؟؟؟
الجده : اذا ماقلتي لحد بتقعد
وقعدت افنان ترسم خيالها الواسع وتألف قصص
____________________
الساعه ١٢ باليل وابو سياف داخل بيته واديم في غرفتها على وشك تنام
وشاف ابو سياف البيت هادي ومحد موجود هذا الوقت الي يكلم فيه ام سياف وراح لها الي كانت بالغرفه واول مادخل
ابو سياف : السلام عليكم
ام سياف : وعليكم السلام
ابو سياف بعد مانزل شماغه : مانمتو ؟
ام سياف : سياف نام واديم لغرفتها بتنام
ابو سياف بعد ماجلس على الكنب : طيب تعالي بتكلم معك بموضوع
جلست ام سياف : عسى ماشر
ابو سياف : لا خير خير
وبعد تردد قال : اليوم جاني عبدالله يخطب اديم لبهاج
ام سياف بصدمه : وش تقول
ابو سياف : اي والله هذا الي صار
ام سياف : اي بس اديم توها صغيره وبعدين ماتقدر تعيش بالديره ابداً من يوم يومها وهي بالرياض
ابو سياف : والله انا اشوف اديم ماهي لاقيه مثل بهاج وبهاج رجال مايتكرر مثله بالبشر واما الديره ف شغل بهاج بالرياض وماهي مبطيه عنا كل شوي بتجينا
ام سياف الي ماكان ودها تزوج اديم من واحد من الديره ابداً بس ماتقدر تقول لـ ابو سياف شي والكلمه الاخيره له : طيب وعمرها الصغير !
ابو سياف : وين عمرها صغير ماشاءالله ادوم تخرجت من الجامعه وهذا الي يكفي بس انا الحين جيت اخذ رأيك وبكره بكلم اديم والكلام الاخير لها
ام سياف الي نوعاً ما واقفه في اديم انها بترفض : اءء الي اشوفه انت
ابو سياف بأبتسامه : اجل بكره بكلمها
وقام ابو سياف ينام وقعدت ام سياف مع تفكيرها الطوييييل
____________________
ومن بكره واديم طالعه من غرفتها على اساس تجهز شنطتها للسفر وشافت الخادمه في المطبخ
اديم : شريفه وين ماما
الخادمه : روح بيت جدو
اديم : اهااا طيب بابا
دخل ابو سياف : هنا هنا
لفت اديم : ياهلا بالمختفي
ابو سياف بعد ما شاف وجه اديم المبتسم وهي الي تعطي البيت جو تذكر كلام ابو رعد وقال : اديم تعالي يابوي بكلمك
اديم الي استغربت وقالت : وشو صاير شي ؟
ودخلو الغرفه الي شبه منعزله وجلس ابو سياف على الكنب وهو يأشر لأديم تجلس جمبه
جت اديم وجلست وهي في فضووووول الي وش بيقول
وماعرف ابو سياف كيف يدخل بالموضوع وقال : انا عارف الموضوع بيخوفك شوي بس قبل لا تعطيني جواب فكري وانا ابوك
اديم : اي موضوع ؟
ابو سياف بأبتسامه : انا ادري انك ولدتي وكبرتي بالرياض وانك متعلقه بالرياض وحياتك كلها هناك بس تذكري القرار الي بتقولينه يمكن يغير حياتك تمااااماً وبعد تردد قال انتي يابوي خلصتي الجامعه والحمدالله وجاني عمك عبدالله امس يخطبك لبهاج
فكري وعيدي على الموضوع والقرار الاول والاخير لك وتذكري ان بهاج ولد عمك ومن دمك ولاهو ‏ظارك بالعكس بيحميك وبيعطيك الي تبينه وترا قلب بهاج مامثله واذا عن الرياض دوام بهاج في الرياض وكل شوي بتجينا وبتقعدين عنا والديره ماهي بعائق اذا قلتي تم انتي عند اهلك وناسك
اديم الي من بهاج كلمة ( يخطبك لبهاج ) دخلت عااااالم ثااااني والكلام الي بعده ماسمعته ابداً لسانها علق ماتدري وش تقول و وش تنطق وقالت في داخلها " كيفففف كيف يقول لابوه يخطبني وهو يدري مابي الزواج كييييييف "
وقعدت اسألة اديم تزيد وتزيد وهي للحين ماردت وماتوقعت ولا واحد بالميه ابوها يجي يكلمها بهالموضوع ابداً
ابو سياف : ادوم لا تستعجلين فكري وردي لي خبر
اديم الي امتلت عيونها دموع ماتدري وش السبب الا انها ماتبي تتزوج بهاج لاسباب كثيره منها سالفتها مع نايف وانها ماتقدر تطالع في عيون بهاج من الخجل وقالت بتردد : انت وش قلت ؟
ابتسم ابو سياف وقال : انا قلت لك الكلمة الاخيره لك ان وافقتي خير وان رفضتي انتي حره بس انا اقول ترا بهاج مافي مثله وعن نفسي لو عندي مية بنت زوجتها بهاج ويستاهل
اديم الي ماتدري وش تقول الا انها قالت فجاءه : الي تشوفه انت
هنا اديم ماحست على نفسها وش قالت وكان كل همها تمشي هاللحظه وابوها ماينتبه لربكتها وماتكسر كلام ابوها وابتسم ابو رعد وقال : اي وقت بتغيرين رأيك فيه تعالي لي ولا تترددين
وطلع ابو سياف
اما اديم الي قعدت في مكانها ولا تحركت ولا هي عارفه وش قالت و وش المصيبه الي طاحت فيها والصدمه الي فاجأتها يوم كانت تفكر انهم بيسافرون جاها ذا الخبر الي عتم على صدرها
وبدت تنزل دموعها على شوي شوي وهي تقول بداخلها " انا قلت له مابي اتزوجك ويروح يقول لابوه ؟؟؟؟! لهدرجه كلمتي رخيصه كذا !! وتغريد ! تغريد كيف كيف تدري اني مابي اتزوج بهاج وماقالت لهم كيفففف ؟!!! "
وقعدت مع زحمة افكارها الي داهمتها وهي ماتدري
____________________
وعند ام سياف وهي داخله على الجده تسلم عليها
ام سياف : السلام عليكم
الجده : وعليكم السلام ورحمة الله
ام سياف بعد ماسلمت عليها وجلست جمبها دخلت العمه عواطف
العمه عواطف : ياهلا بريم
قامت ام سياف تسلم عليها : اخبارك وشلونك
العمه عواطف : بخير ابشرك
وجلسو كلهم يتقهوون عند الجده لين مادخلت ام رعد وسلمت على ام سياف وقعدو كلهم يسولفون
ودخلو البنات كلهم وبعد ماسلمو على ام سياف
نوره : وين اديم ياعمه ليش ماجت معك
ام سياف : والله ياقلبي تجهز الاغراض اليوم ان شاءالله بمشي
ام رعد : الا ياام سياف من وين طلعت لكم السفره للرياض الحين تعرفون أنا بأجازة وماعندكم شي
ام سياف : اي بس شغل ابو سياف هو الي مرجعنا
الجده : الله يعينه على ذا الدوام
افنان : افف ماتهنينا بأديم
العمه عواطف : ماعليه ماعليه تجي مره ثانيه
نوره : طيب على الاقل تجي قبل تمشون
ام سياف : ايه ايه ان شاءالله بتجيكم وبتقعد عندكم قبل ما نمشي
________________________
والساعه ٦ والعالم مخلصه من صلاة المغرب وطالعين من المسجد للبيت
واديم الي كانت عند الشباك بحرقة بكاءها الهايل وماتدري من ايش بالظبط
ويوم شافت بهاج جاي للبيت وما معه احد وهي في قمة عصبيتها وتفكر ان بهاج هو الي مكلم ابوه وهو اساساً مايدري عن الموضوع نزلت مسرعه بمأن مافي احد بالبيت وراحت للباب القريب من مشي بهاج وهو لازم اذا بيروح لبيت الجد حمد يمر من عند باب ابو سياف واخذت غطوتها تحطها على راسها وعيونها الحمرا من كثر البكاء فتحت الباب بشويش وتأكدت مافي احد يمشي ونادت بهاج بصوتها المبحوح من البكي
اديم : بهاج
فز بهاج و وقف وهو الي في يده جواله قفل الجوال وبقلق اول ماسمع صوت اديم المبحوح والمبين انها باكيه
بهاج و وجه قدام ولا لف ابداً
اديم بصوت مقهور : هذا الي تبيه ؟ استانست ؟ سويت الي في بالك ؟ رغم اني قلت لك اني مابيك لازم تمشي كلمتك يعني ؟ هاه مشت واخيراً فرحت ؟؟
بهاج الي مايدري وش السالفه انصدم وقرب وقال : وش فيه وش الي ابيه ؟
اديم الي انقهرت زياده رغم انه حطني بالامر الواقع الحين ينكر وقالت بقهر وبدموع اربع اربع : الحين ماتعرف وش صار هاه ؟ يعني بعد مارحت وكلمت ابوك يجي يخطبني من ابوي وخططت لكل شي وحطيتني بالامر الواقع ماتعرف ؟؟؟
بهاج الي قعد بصدمهههههه كبيييييره وهو اصلاً ماقال لحد ولا احد يعرف عن اديم الا سعود وجا بيقول لها " والله ماقلت له ولا قلت لحد وانا ماعرفت الا منك " سكرت اديم الباب بقهرر ورجع تبكي بدموع اربع اربع
وسمع بهاج صوتها وهي تبكي وهو مصدوم وماقال لحد وكيف ابوي يخطب لي بدون ما يسأل ؟؟؟؟
وماعرف وش يسوي الا انه يكمل مشي للبيت ويشوف وش القصه
واول مادخل على المقلط متجهه لابو رعد شاف ابو سياف عند ابو رعد وقد علمه ان اديم وافقت
واول مادخل بهاج
ابو رعد : الذيب على طاريه
بهاج بصدمه وهو حاس انهم بيفتحون السالفه معه مبين من اشكالهم : لبيه
ابو رعد : اجلس اجلس وانا ابوك
جلس بهاج وهو بكامل خوفه صح يحب اديم ويبيها بس مايبي يتزوجها غصب عنها ولازم برضاها
ابو رعد : اسمع وانا ابوك انا خطبت لك اديم بنت عمك وعمك شافك رجال وقد المسوؤليه وعطانا البنت والبنت بعد اليوم شاورها ابوها وعطتنا الكلمه الاخيره وان شاءالله ملكتكم بعد اسبوع
قعد بهاج منصدم من الخبر ماتوقع ابداً ابوه يخطب له اديم وهو مايدري يفرح ولا يحزن ولا وش يسوي بالظبط وكيف بيتزوجها واديم ماتبي ؟
بهاج بتردد وماقدر يقول قدام ابو سياف الا : الي تشوفه يابوي
ابو سياف : اجل الله يوفقكم ويبني بيتكم انا بطلع الحين بروح ازور ابو عبد المجيد من زمان عنه وابجيكم شوي
ابو رعد : فمان الله
وطلع ابو سياف وقعد بهاج مع ابو رعد الي اول ماتأكد ان ابو سياف راح فز على طول لابوه وقال : يبه انت ليش تخطب لي وماشاورتني ؟؟؟
ابو رعد : حنا مشاورينك ببنت الشيخ وموافق والحين نفس الحكايه اللهم خطبنا لك اديم
بهاج بقهر : يبه يمكن اني مابيها !!
ابو رعد بعصبيه : نعممممم وش تقول ؟؟؟ ماتبي بنت عمك ؟ ومن انسب لك من بنت عمك
بهاج الي تلخبطت كلماته : يبه الله يرضى لي عليك افهمني افهمنييي
ابو رعد الي قام بعصبيه : اسممممع عاد انا كلمت اخوي وعطيته الكلام وردي الكلمه الاخيره والحين تجيني تقول مابي بنت عمي ؟؟؟ مو انا الي اعطي اخوي الكلام واسحبه ملكتك بعد اسبوع وانتهى
وطلع بعصبيه
وقعد بهاج في حيرته في وسط المقلط لحاله و وده الارض تنشق وتبلعه وهو مايبي يسوي شي اديم ماتبيه وللحين واقف عند صوت بكيها ويقول في داخله : لهدرجه ماتبيني ؟: