احببتك والله يعلم بالخفاء

بارت 22

وفي عصر اليوم الثاني بريحة القهوه العربيه في جلسة الجد حمد الي كان متجمع فيها الجده و ابو رعد و ام رعد ورعد وتغريد وسلطان اما بهاج طالع مع سعود و افنان بالمطبخ تسوي لهم كيكه
وبالسوالف اليوميه قام سلطان بعد ماجاه اتصال من صديقه
وهنا ام رعد شافت الوقت مناسب تكلم فيه الجد وابو رعد
ام رعد : ياعمي انا بتكلم معك بموضوع
الجد : عسى خير
ام رعد : خير خير
الجد : قولي يابنتي
ام رعد : انا قلت اني بزوج بهاج لـ ابو رعد وابو رعد قال لي شوفي البنت المناسبه
الجده : ماشاءالله ابرك الساعات
هنا تغيرت ملامح تغريد وماقدرت تقول شي من الصدمه وهي تدري ان بهاج يحب اديم ولا وده بتزوج احد غيرها
الجد : وعساك لقيتي احد
ام رعد بأبتسامه : ايه لقيت
ابو رعد : بنت من
ام رعد : بنت الشيخ لطيف شهد
مين هي شهد >
نرجع لبارت ٩ في ايام العيد
*******************
دخلت على المجلس بنت في قمة الجمال ولفتت الانتظار عليها ولفتت نظر اديم
اديم وهي تسأل تغريد عنها : تعرفينها مين ؟
تغريد : هاذي اجمل وحده بالديره كلها و ابوها صديق جدي
اديم : اهااا
تغريد : بس تراها تغار تغار من البنات الي احلى منها وترمي لهم نظرات وبمأنك احلا منها اكيد بتجيك نظارت
اديم : هههههههههههه
نوره لهم : بنات شوفوها تجنن احلوت اخر مره شفتها ماكانت جميله لهدرجه
افنان : اي تشوفين بس ترا نفسيتها عكس شكلها كريهه
اديم : مبين اساساً
********************
هنا اسود وجه تغريد ولا قدرت تنطق بكلمه
ابو رعد : ونعم والله فيهم
الجد : خير مااخترتي وانا عمك الشيخ لطيف نتشرف نناسبه
ام رعد بأبتسامه : مدام وافقتم متى تبونا نروح انا وعمتي يمهم ونكلمهم ؟
ابو رعد : بكره بكره روحو عقب المغرب وكلموهم وان شاءالله خير
ام رعد : زين اجل
قامت ام رعد متجهه للمطبخ وقامت وراها تغريد تبي تكلمها واول ماطلعو من المجلس مسكتها تغريد
تغريد : يمه
ام رعد : هلا
تغريد : يمه مو كأنك استعجلتي بزواج بهاج ؟
ام رعد : وليه استعجلت عمره ٢٦ والزواج اهم شي الى متى بيقعد صايع ونفسيته هالايام ماهي زينه
تغريد : يعني يمه انتي شفتي نفسيته وقلتي بزوجه ماعمرك فكرتي ليش نفسيته كذا ؟ ولارحتي ىسألتيه وش فيك
ام رعد بشك : ليه اخوك فيه شي ؟
تغريد الي كانت ودها تقول لامها انه يحب اديم واذا تزوج وحده غيرها نفسيته بتخرب اكثر بس سكتت
ام رعد : بنت انا اكلمك
تغريد : لا ماادري وش فيه بعدين تعالي انتي مالقيتي الا شهد ؟ تزوجينها بهاج ؟ من زين اخلاقها ولا نفسيتها
ام رعد : البنت بنت شيخ وجمالها الكل يتكلم به
تغريد بقهر : يايمه افهميني بهاج يمين وهي يسار لا الطبع نفس طبع بهاج ولا النفسيه نفس نفسيته البنت ثقيللللة طينه ودلوعه ماتصلح لبهاج ابداً حتى بهاج مارح يرضا بها
ام رعد ماردت عليها وكملت طريقها للمطبخ وتغريد تمشي بقهر وراها
ارتعبت افنان على دخلة ام رعد وهي معصبه و وراها تغريد
افنان : بسم الله شفيكم
ام رعد بعصبيه : مافينا شي والموضوع ذا يتسكر هنا
افنان بصدمه : اي موضوع ؟
تغريد بقهر : تخيلي امي بتزوج بهاج
افنان وهي تشهق : هاااااااه ؟
تغريد بعد ماجلست على الكرسي :ولا تدرين مين ناويه تخطب له بعد ؟
افنان : من ؟؟؟!
تغريد : شهد
افنان : شهد مين
تغريد : افففف افنان كم عندنا شهد حنا ؟ شهد بنت الشيخ لطيف
افنان بصدمه وشهقه ثانيه : لا تقولينها
تغريد : قلتها وخلصت بعد
لفت افنان على ام رعد وقالت لها : يمه سكت انك بتزوجين بهاج بس تزوجينه هاذي ؟؟؟؟
ام رعد : وش فيها شهد بسم الله عليها كامله والكامل الله
افنان : بس تدرين انها ملسونه وانها دلوعه و وحيدة امها وابوها واكيد مارح ترضا تسكن بجناح معنا !
تغريد : والاكثر انها مارح تناسب بهاج وبهاج مارح يرضا بها
ام رعد : مارح يرضى ومارح يرضى وانتي شدراك انه مارح يرضى ! انا كلمته امس وقال لي سوي الي تبينه واختاري الي تبينه
تغريد بصدمه : هو قال لك كذا ؟
ام رعد : لا بعد كذبيني ؟
وطلعت ام رعد من المطبخ وقعدت تغريد بمكانها مصدومممه وبالها يقول " طيب واديم ؟"
افنان : البنت ابداً ماتصلح لبهاج
ناظرتها افنان شوي وهزتها : هيييه اكلمك انا
تغريد : هاه
افنان : شفيك ؟
تغريد : مافيني شي انا برجع لجدي لا يناديني الحين
افنان : زين وانا بجيب الكيكه وبجي
وفعلاً راحت تغريد للمجلس الي هم جالسين فيه و لحقتها افنان بالكيكه
لكن محد اكلها الا الجده و الجد وابو رعد والباقي نفسيته منسده من هالخبر خصوصاً تغريد الي شوي وتبكي مقهوره على بهاج وكان المجلس كله متوتر
دخل سلطان وانصدم من اشكالهم وجلس جب افنان بصمت وقال : شفيهم الناس ؟
افنان : امي بتزوج بهاج
سلطان بطقطقه : طيب وش فيها ترا مو ميت
سمعت تغريد كلامه ولفت عليه وعطته نظره حاقده لين ما سلطان جلس هادي
________________
وعند سعود وبهاج الي كانو في قهوة الديره جالسين بهدوء وبهاج سااااكت
سعود : نرجع نسأل المره المليون فيك شي ؟
بهاج : وش عرفك
سعود : من جلسنا وانت ساكت وش فيك
بهاج بتنهيده : الغاليه تبي تزوجني
سعود : وانت وش قلت
بهاج : انا ياسعود تعبتتت وطابت نفسي
سعود : يعني
بهاج : قلت سوي الي تبينه
سعود : يعني بتتزوج ؟
بهاج : هذا الي بيصير
سعود بقهر : بهاج انت تدري اذا تزوجت بتظلم نفسك وبتظلم الي بتتزوجها
بهاج : وش تبيني اسوي يعني ياسعود خلاص الي بيصير بيصير قد عطيت امي كلمه
سعود : يعني حبك لا اديم كذب ؟
بهاج الي سكت وراح تفكيره لـبعيد وقال
لا تقول حبي له كذب لا والله ماهوب كذب
حبيته وتغيرت وانا الي ماشيءً يغيرني
وسكت بهاج وهو بضييييقه اعتمت على صدره
سعود : بس تدري اذا تزوجت لازم تنساها !
عيون بهاج الي من بعد كلام سعود الاخير امتلت دموع وتقريباً هاذي اول مره سعود يشوف بهاج يبكي لكن فعلاً بهاج وصل لاخر مرحله من الضيق بس ماسمح لدمعته تنزل قام على طول من الطاوله ومسح عينه وطلع برا القهوه وقام سعود وراه على طول
وكانت خطوات بهاج اسرع من خطوات سعود لين مالحقه سعود و وصل لعنده ولفه ‏عليه وضمه بسرعه وبدا يضرب على ظهره
_______________
وفي اليوم الثاني المغرب وتغريد وافنان بصاله يتقهوون مع الجد حمد دخلت ام رعد ومعها الجده
الجد حمد : هاه وش قالو ؟
ام رعد بعد ماجلست : والله ياعمي رحنا يم بيتهم فتحت لنا العماله وقالت انهم مسافرين ومايرجعون الا بعد شهرين او ثلاث
الجد حمد : الله المستعان
الجده : اي والله مطرلين
انزاح هم كبييير عن صدر تغريد وهي لفت على افنان مبتسمه
افنان لي قربت لها وقالت بصوت خفيف : ربي مو كاتب
تغريد : الحمدالله يارب
قامت ام رعد وهي تقول : بحط العشا الا بهاج ماجاب الخظرا يا بنات ؟
افنان : لا باقي ماجا
ام رعد : زين لا جا جيبو لي الاغراض بالطبخ
افنان : ابشري
وراحت ام رعد للمطبخ وجلست افنان تقهوي الجده والجد حمد
دخل بهاج وهو بيده كراتين الخضروات ينزلها من السياره ركضت له تغريد بعد ماسمعت صوته
بهاج : هيه هيه انتبهي لا تطيحين
تغريد : تدري اخر خبر وشو ؟
بهاج : وشو
تغريد : الشيخ لطيف واهله مسافرين وماهم راجعين الا بعد شهرين او ثلاث شهور
بهاج : وش اسوي لهم
تغريد : اففف يا بهاج افهم البنت الي امي كانت ناويه تخطبها لك ماهي موجوده لا هي ولا اهلها يعني لك ٣ شهور زايده
بهاج من دون نفس وهو ينزل الاغراض : واذا يعني ٣ شهور او اكثر ماعاد هي فارقه
تغريد : كيف يعني ماهي فارقه ؟ يعني انت صادق بتتزوج ذي ؟
بهاج : وش اسوي يعني الي تبيها امي انا راضي بها
تغريد : ولد واديم ؟
نزل بهاج اخر كرتون بقوه وقال : الي فات مات يا غروده لعاد تفتحين معي ذا الموضوع
وركب السياره ومشا وهو اصلاً مايبي غير اديم بس مابيده شي
وقعدت تغريد وهي تدري داخل بهاج مختلف تماماً عن الي يقوله وبهاج يعرف يخبي زين الي بداخله ودخلت للبيت بضيقه
________________
وفي الرياض عند اديم الي نزلت من غرفتها طفشانه وشافت ام سياف وابو سياف موجودين بالصاله وراحت جلست معهم ومن بين سوالفهم فجأة قالت اديم : يبه متى نروح للديره ؟
ابو سياف بعد ضحك : بسم الله عليك يابنتي شكلك حبيتي الديره !
سكتت اديم وماردت
ام سياف : مو كأنها الي كانت تبكي عشان ماتروح
اديم : اول ماكنت اعرف البنات زين الحين عرفتهم وحبيتهم
ابو سياف : يا حليلهم
اديم : طيب مارديت على سؤالي ؟
ابو سياف : ههههههههه تونا راجعين منها وانا ابوك لكن ابشري نهاية الترم نروح لها
اديم بتنهيده : يووووه مطولين
ام سياف : ههههههههه اقول بس تبين عشا ؟
اديم بعد ماقامت : لا شبعانه
ورقت الدرج بضيقة صدر
دق جوال اديم وردت بلهفه بعد ماشافت الاسم " افنان "
اديم : الوووو
افنان : ادييييم
اديم وهي جالسه على سريرها : اففف من زمان عن ذا الصوت
افنان : والله حتى انا اكثر اخبارك كيف الرياض
اديم : على حالها انتي اخبارك ؟
افنان : تمام بس ضايق صدري شوي
اديم بفضول : ليه وش فيك ؟
افنان : بس بيتنا اليوم محيوس شوي
اديم : شصار
افنان : امي تبي تزوج بهاج شهد الي شفيتها بالاستراحه بالعيد والبنت ابداً مو مناسبه لبهاج وامي مصره الا هي
هنا صنمت اديم ماقدرت تسوي ولا شي ولا قدرت تنطق بكلمه كأنها دخلت في عالللم ثاني حتى الدمعه من كثر الصدمه ماقدرت تنزل
افنان : اديم !
اديم راح عقلها على ذكريات بهاج يوم جاها وقال انا ابيك وفكرت ان كل كلامه معقوله يكون كذب ولعب ؟؟
وصدمة اديم هنا اكثر من صدمتها على نايف لان بهاج بقلبها غيررر
افنان : اديم ؟ الووو !
اديم بصوت خفيف : هلا
افنان : وين رحتي
اديم : م..موجوده
افنان : ايه اقول لك والمشكله بهاج موافق
اديم بصدمه ثانيه قالت : هو موافق ؟؟؟؟
افنان : ايه موافق الغبي
اديم الي ماقدرت تنطق بكلمه الا : افنان شوي واكلمك امي تناديني
وقفلت قبل ماافنان ترد عليها لكن مااستغربت افنان وفكرت انها مستعجله
وقعدت اديم مصدومه بشكل مررررعب وكأن احد طعنها في قلبها بقسوه مسكة قلبها وهنا بدت تبكي بإقصى حد عندها وبشهق تقول : كذاااب كذااااب
وقعدت وهي من كثر بكاها تحاول تتنفس
ولا مره اديم انكسرت كذا حست بهاج مختلف عن باقي الشباب ماعنده لعب ولف ودوران مع ان صدق بهاج ماعنده اف ودوران لكن ماقدر يسوي شي
_________________
وفي الديره عند رعد وساره الي مابقا على ولادتها الا شهرين
وهي تاكل وياكل معها رعد
ساره : الحين ابي اعرف انا الحامل ولا انت ؟
رعد : الاكل يشهي والله ماني مخلي اكل امي لك
ساره : عمتي سوته لي مو لك
دخلت ام رعد و وراها تغريد وبأبتسامه : خل الاكل يا رعد ماشبعت
رعد وهو يكمل اكل : لا
تغريد : والله كأنكم بزران
ساره بمزح : خلص الاكل علي يا عمتي
ام رعد بضحك : ماعليك اسوي لك غيره
تغريد : بس هاه تاكلينه بالسر عشان مايشوفه ويطب معك
هنا ام رعد وساره ضحكو اما رعد الي انقهر وقام يقلد ضحكتهم
__________________
وبعد شهر ونص في الطريق عند العمه عواطف وابو حمد والعيال متجهين للديره عشان خطبت تغريد وحمد في قمة التوتر
نوره بضحك : حبيبي ارحم اظافرك من ركبنا وانت تعضعض فيها
حمد بعد ماحس على نفسه ونزل يده على طول : لا من قال
ابو حمد : لالا محد قال بس هد يا بوك لا توتر الامور طيبه
العمه عواطف : الحمدالله الذي بلغنا هالايام بشوفة حمد معرس
العنود : امي حبيبتي تونا ماخطبنا وتقولين معرس واذا تزوج وش بتقولين فارس ؟ هههههههههههه
هنا فعلاً السياره كلها ضحكة من قلبها ومبين كل وقت كل واحد يطقطق على شكل حمد الي كان متكشخ من جده
واخيراً وصلو واوصل ماوصلو اتجه لهم سلطان ورعد الي كانو بالشارع يرحبون كالعاده وطلع بهاج من البيت بعد متجهه لـ ابو حمد يسلمون عليه
وبعد ماسلمت العمه عواطف عليهم دخلو عند الجد حمد الي كان عنده الجده و ابو رعد وتغريد وافنان لكن اول ماشافو بهاج يهش لهم من يده عشان يدخلون دخلو على طول
وبدا السلام من بينهم
الجد حمد : ماشاءالله هاذي الساعه المباركه
ابو حمد : الله يبارك فيك يا عمي
ابو رعد : وييينك يا بو حمد من طول الغيبات جاب الغنايم
لف ابو حمد على حمد وابتسم ورجع لف على ابو رعد وهو يقول : ابشر بالغنايم وانا ابو حمد
الجد حمد : كفو كفو ماهي غريبه عليك
الجده : بشرنا عنك اخبارك
ابو حمد : والله الحمدالله كلش زين
وبدو بهاج وسلطان يدورون بالقهوه على العمه عواطف وابو حمد والجده
اما عند البنات في قسم ثاني الي من اول وادخلو نوره والعنود وبعد ماظمو بعض بشووووق كبيرررر
نوره : اخباركم يا بنات
افنان بلهفه : بخيررر انتم اخباركم يالله يابنات ماتوقعت تجونا
تغريد : اي والله حتى انا مره استانسنا بشوفتكم
العنود : يا بعد قلبي والله حتى حنا مره مشتاقين لكم
نوره : اففف لو اديم معنا
تغريد : اي والله
افنان الي كانت تحاول تشتت الحزن : ايييه ماعلينا انتم اخباركم شلونكم الا صدق ليش جيتو ؟
ضربت تغريد افنان مع فخذها : في احد يسأل هالسؤال ؟
افنان : اااااه وش فيها نمون على بعض
نوره بضحك : خليها خليها وهي الصادقه نمون على بعض
افنان : اجل ليش جيتو ؟
نوره بعد مالفت على العنود وناظرو بعض وابتسمو ورجعت نوره تلف على تغريد وقال : بتشوفون شوي
افنان : يليلللل بسرعه قووولي
العنود : لا تستعجلين ياافنان انتي دايم عجله
______________
وفي القسم الثاني بالمجلس بدا ابو حمد يتكلم ويقول
ابو حمد : اكيد انتم الحين مستغربين من وجودنا هالوقت
ابو رعد : لا والله محشوم
ابو حمد : لالا اكيد ودكم تعرفوون سبب جيتنا
الجد حمد : اسلم
وبدا حمد يتوتر اكثر ومحمد يضحك عليه من بعيد وبصمت
ابو حمد : تعرفوون حمد كبر و وصل لسن الزواج
بهاذي اللحظه قبل ما يكمل ابو حمد لف بهاج وسلطان على حمد لا إرادياً مبتسمين وهم ودهم يطقطقون عليه بس مايقدرن قدام الكبار وزادو توتر حمد توتر
رجع يكمل ابو حمد ويقول : وحنا مالقينا انسب منكم وانا جاي يا عمي اخطب من ابو رعد بنته الكبيره لحمد والي يبيه تم
الجد حمد : والله هاذي الساعه المباركه وانا بوك ونتشرف فيكم وحمد ولدنا وحفيدنا وماحنا لاقين مثله لكن الكلمه الاخيره عند ابو رعد هو اولا ببنته
ابو رعد : زي ماقال ابوي والله ماحنا لاقين مثل البناخي حمد ويستاهل كل خير ولو يطلب عيني عطيته من ناحيتي موافق بس اهم شي رأي البنت
ابو حمد : ابد روحو اسألو البنت وماهوب صاير الا كل خير
ابو رعد : قم يا رعد يابوك شف رأي البنت وتعال لنا
رعد : ابشر
وقام رعد لكن اكيد بيقوم معه بهاج وبعد بهاج قام سلطان يبون يشوفون ردة فعل تغريد
اتجه رعد لكن لف على العيال وراه : نعم ؟
بهاج لف على سلطان : نعم ؟
سلطان : وش
رعد : اقول اقول انت وياه وش جايبكم وراي ؟
بهاج : ميدي ؟ ( تقصدني )
لكن شاف بهاج العصبيه الي بعين رعد وقال : والله انا جاي اشوف اختي من زمان عنها
لف رعد على سلطان : وانت ؟
سلطان : اااء جاي مع بهاج
لف رعد وهو يقول : ياصبر ايوب
وكمل لين ماوصل لباب المطبخ وقال : ياولد
ام رعد : ادخل ادخل يابوي مافي الا انا والخادمه
دخل رعد ومعه بهاج وسلطان وانصدمت ام رعد
رعد : يمه ابيك بكلمه
ام رعد : عسى خير
سلطان من ورا : خير خير
لف عليها بهاج وهو يضربه على راسه بخفه : اسكت انت اسكت
رعد : يمه عمتي عواطف والعيال وابوهم جا
ام رعد : ايه داريه توني مسلمه على البنات بالصاله
رعد : زين بس في موضوع ثاني
ام رعد : وشهو
رعد : ابو حمد جاي يخطب تغريد لـ حمد
ام رعد بفرحه : هاه وش تقول
لفت على بهاج الي قال لها : اي والله الي سمعتيه
ام رعد : يا حليله هاذي الساعه المباركه وتغريد ماهي لاقيه احسن من حمد
رعد : ماهي لاقيه ماهي لاقيه بس الحين نبيك تنادينها من عند البنات نبي نشوف هي موافقه ولا لا
ام رعد : ايه ايه يلا
وطلعت ام رعد من المطبخ وقعدو العيال ينتظرون بالمطبخ
وعند البنات الي نزلت عليهم ساره وهي بشهرها الاخير دخلت ام رعد والابتسامه شاقه وجهها
ام رعد : تغريد تعالي ابيك
ابتسمت نوره وهي تدري ليش تبيها لكن ماقالت شي
قامت تغريد وهي مستغربه من فرحة امها : خير يمه وش فيه
مسكتها ام رعد من يدها وهي تقول لها : تعالي تعالي
واول مادخلو المطبخ انصدمت تغريد من وجود العيال كلهم
وابتسم لها بهاج لا شعوريًا
ام رعد الي لفت على تغريد : يا يمه تعرفين حمد ولد عمتك ؟
تغريد مع دقات قلبها السريعه : اءء ايه !
ام رعد : اليوم جو يخطبونك له
قعدت تغريد بصدمه وتذكرت مشاهدها الي معه بس ولا مره فكرت انه بيجي يوم يخطبها
ام رعد : هاه وش قلتي يمي والي تبينه يصير
رجع عقل تغريد على ملامح وجهه الحلوه وعرضه وطوله
بهاج الي تقدم لها وقال : غروده اذا ماتبينه قولي عادي وانتي فكري لا تستعجلين
ابتسمت تغريد له وهي اصلاً حاسه بالامان ومابيجيها ضرر منه ولا من العمه عواطف ولا من البنات لانها تحبهم مره وحست براحه وابتسمت وقالت : تمام انا موافقه
بهاج : متأكده !
دفت ام رعد بهاج بخفه وبأبتسامه قالت : اووه انت الحين بتخليها تكنسل
تغريد ابتسمت اكثر لبهاج وقالت : ايه متأكده ماعمري شفت ضرر من عمتي والبنات
رعد : واصلاً مافي قلب مثل قلب حمد رجال كفو وقلبه نظيف وتستاهلينه
ام رعد لفت على العيال وقالت وفي الفرحه ماتوسعها : خلاص روحو قولو لهم البنت موافقه
طلع سلطان وهو يزغرط بمزح و وقف بعد ماجاته ضربه من رعد اما بهاج الي قعد في المطبخ وهو يحظن تغريد ويقول لها : اذا غيرتي رأيك بإي لحظه قولي لي وماعليك من احد
تغريد : تمام
بهاج بأبتسامه : وعد ؟
تغريد وهي مبتسمه وعينها من كلام بهاج امتلت دموع : وعد
وطلع بهاج يلحق العيال للي سبقوه وقالو لهم انها موافقه وجلس بصمت
ابو حمد : زيين زيين متى تبون كتب الكتاب؟
ابو رعد وهو يأشر على الجد حمد : الكلام عند ابوي الله يطول بعمره
الجد حمد : اجل خلوها الجمعه نهاية الاسبوع
ابو حمد : تم
العمه عواطف بأبتسامه وفرحه : اجل انا خلوني ادخل عند البنات
ودخلت العمه عواطف عند البنات وهنا بدو العيال طقطقون على حمد وحمد مستحي
_____________
وعند البنات الي دخلت عليهم العمه عواطف واول ماشافت تغريذ اتجهت لها وحظنتها وقالت : من قدي غروده تصير زوجة ولدي
ام رعد بمزح : ايييه لازم تحسون بقيمتها
اتجهت العمه عواطف تسلم على ام رعد
وتجمعو البنات والعمه عواطف وام رعد على القهوه بالسوالف حتى بدو يتكلمون وش بيسوون بالعرس وتغريد مستحيه