احببتك والله يعلم بالخفاء

بارت 5

عند الجد حمد والبنات في محل الحلويات وكل وحده في يدها كيسه وتختار حلاو
تغريد : بنات تعالو شوفو الحلاو هذا مره لذيذ
اديم : اي اخذت منه انا
افنان : جدي وين اختفا
امجاد : في قسم المكسرات
تغريد : تعالو نروح له
واول ماوصلو البنات القسم شافو كمية المكسرات الي اخذها الجد حمد
الجد حمد : ها خلصتو ؟
افنان : خلصنا خلصنا بس جدي كل هالمكسرات بناخذها ؟
الجد حمد : ايه
تغريد : جدي مو كثير ؟
الجد حمد : العرب يا كلون وانا جدك يلا يلا مشينا
وكلهم ركبو السياره ومايدرون وين يركبون من كثر الاكياس
اديم : سياف تعال بحضني
هند وهي عند الباب وماقدرت تسكر الباب : بنااات بعدو شوي
افنان حق تغريد بصوت خفيف : ماشافت جسمها ماشاءالله عليها وتقول بعدو
واخيراً كلهم ركبو
________________
عند العيال الساعه 11 على وعدهم انهم يتقابلون في ساحة الديره ويبدون قنابل
سعود : يلا شباب 
رعد : بسم الله جب القنابل الثانيه يا سلطان
بهاج من بعيد : يا عيال مالقيت بلك نثبت عليه القنابل
مشاري وهو جاي وشايل بلك في يده : انا انا لقيت
محمد وهو يشغل القنبله واول ماشغلها بعدو عنها الشباب يركضون
سلطان : يا حلوها حلواه
سعود : يلا يلا الثانيه
وهنا بدا سعود يشغل الثانيه واول ماشغلها بعدو عنها الشباب
بهاج : هاذي صغيره وين الي جبتها من الرياض يا سلطان
رعد : هاذي هي شفها
واخذها بهاج وبدا يشغلها واول ماشغلها بعدو الشباب عنها الي يصور والي يتأمل المنظر وحرفياً كانت افضل قنبله من القنابل
بهاج : يا لبيييه
رعد : في مثلها ثانيه ؟
بهاج : لا بس جبت ذي
محمد : يا خساره
مشاري : يلا يلا الي بعدو
وفي هالوقت كل اهل الديره الي طالع مع الدريشه والي طالع مع الباب والي يصور وكانت الفرحه عامه على الجميع
وقت وصول سيارة الجد حمد للبيت هنا الشباب خلصو من تفجير القنابل وكانو البنات ودهم يشوفون القنابل بس ماحالفهم الحظ
افنان وهي تلف من عند الدريشه الخلفيه للسياره وبشهقه تقول : العيال خلصو من القنابل !!!
تغريد : لاتقولين
ولفو البنات كلهم على العيال من داخل السياره
اديم : يالله عاد كان ودي اشوف القنابل
هند : ليتني مارحت معكم
نزل الجد حمد من السياره وهو يأشر للعيال يجون ينزلون الاغراض
رعد : ياعيال جدي يأشر لنا ولا يتهيئلي
بهاج : الا والله يإشر من وين جاي
سلطان : ايه ماخذ البنات لمحل الحلويات
رعد : ههههههههه الحين افنان بتموت لانها مالحقت على القنابل
سلطان : ازين
الجد حمد : ياولد انت وياه
هنا قمزو العيال وراحو عند الجد حمد معدا بهاج الي من اول ماقال سلطان ان الجد حمد ماخذ البنات تذكر اديم ورفض انه يروح
رعد وهو يلف على بهاج : بهاج امش
بهاج : لا روحو انتم
سلطان : بهاج يروح عند البنات هههههه اقص يدي
نزلو البنات من السياره ودخلو للبيت ولمح بهاج اديم الي كانت بوسطهم وبيدها سياف واول ماشافها فز قلبه وتذكر يوم جت عينها في عينه
الجد حمد : نزلو الاكياس في الحوش
سلطان : مشاءالله جدي بتوزع على الديره
الجد حمد : ياخف دمك بس نزل نزل ودخل الجد حمد للبيت
رعد من بعيد لبهاج : ولدد خلاص تعال مافي احد
وهنا راح لهم بهاج ينزل معهم ومنها ياكل ومنها يعبي جيبه 😂
خلصو العيال من الاغراض وجلسو في الحوش يشوفون الاغراض جت افنان وتقول : هيه خلصتو قنابل ؟
سلطان وهو ياكل من الحلويات : اووووه من زمان
افنان : تكفون ارجعو شغلو وحده على الاقل نبي نشوووفففف
وهنا كانو العيال مو يمها وكانو ياكلون من الحلويات
سلطان : مين بالظبط الي بيشوف قولي انا وخلاص
افنان : لا والله مو بس انا كل البنات تغريد و اديم حتى بنات عمتي شيخه يبون يصورون ويشوفون تكفون لا تخلونها بخاطرنا
هنا فز بهاج اول ماسمع اسم اديم
سلطان : عناد للسلق بنات عمتي ماني مشغل يا كرهي لهم كراه ياناس
رعد : اصلاً مابقى قنبله كلها شغلناها
افنان وهي داخله : يووووه
هنا تذكر بهاج ان باقي قنبله في شنطة سيارته وماوده يخليها بخاطر البنات وخصوصاً اديم وقام من عند العيال
رعد لسلطان : وين بيروح ذا
سلطان وهو ياكل : وش قالو لك سكرتيره !
رعد : لا تطقطق احسن مااهفك بالحلاوه الي بيدي
اخذ بهاج القنبله واتجه للبرحه القريبه من البيت ويوم ثبتها دق على تغريد الي كانت ترتب الحلويات هي والبنات
تغريد : هلا
بهاج : هلا تغريد خذي البنات واطلعي من عند باب البرحه الخلفيه
تغريد : ليش
بهاج : انتي اطلعي الحين
وسكر بهاج وكان ينتظر يسمع اصوات البنات يجون عشان يشغلها وينحاش ومايشوفونه بنفس الوقت
تغريد : بنات بهاج يقول اطلعو مع باب البرحه الخلفيه
هنا لفت اديم وكانت ماودها تلفت الانظار
امجاد الي كانت معجبه في بهاج : يلا قومو وكانت تعدل شعرها
انتبهت لها اديم وكانت ودها تصفقها لا شعورياً انتبهت لنفسها وقالت في داخلها : وانا وش دخلني
وطلعو البنات
وهنا بهاج قبل مايطلعون البنات شغل القنبله وركض للعيال
البنات اول مافتحو الباب بدت القنبله تنفجر ومع صراخ البنات و فرحتهم وكلهم فتحو الجوالات عشان يصورون معدا اديم الي كانت سرحانه مع جمال القنبله
وخلصت القنبله
امجاد : ياااي يحلو بهاج
هنا لفت اديم وافنان عليها بسرعه
امجاد : ااااء اقصد يا حلو اختياره للقنابل
افنان بطنازه : ايه ياحلوه
تغريد : يالله يالله امشو
ودخلو كلهم للبيت وكانت اديم مو قادره تشيل عيونها عن امجاد
وقالت في نفسها : ليكون بينهم شي ! حست في نفسها وقالت بسرعه : يووووه وانا وش دخلني خلاص عاد
افنان : وشو ؟
اديم : وش الي وشو
افنان : تكلميني
اديم : هههههههههههه لا ياقلبي
وهنا نادت ام رعد البنات : يا بنات
تغريد : هلا يمه
ام رعد : خلصتو ترتيب الحلويات ؟
تغريد : يلا مابقى شي
ام رعد : يلا عشان نحط العشاء
تغريد : ابشري
_______________
عند ابو رعد وابو سياف في المزرعه
ابو رعد : الا يا ابو سياف ماودك تنقل هنا ترا اشتقنالك
ابو سياف : تشتاق لك العافيه يا ابو رعد والله صعبه علي النقله من يقنع العيال ومنها شغلي خلها على الله بس
ابو رعد : الله يهديك انت الي معلق عيالك بالرياض
ابو سياف : الرياض مافي زيها الا انتم وراكم ماتجون
ابو رعد : ههههههههههه لا تضحكني يا ابو سياف انت خابر العلوم وخابر جلستنا هنا وشوله كيف تبيني اروح واخلي امي وابوي لحالهم هنا وانت اكثر شخص عارف ان ابوي مستحيل يخلي الديره وعاد ترا الديره شبه الرياض كل شي تبيه بتحصله
ابو سياف : ايييه الله يهدي ابوي بس وانت الصادق اي والله الديره متغيره بالحيل وابد ابشر بي الاجازه مطوله وانا عندكم لين تنتهي الاجازه
ابو رعد : هاذي الساعه المباركه
ابو سياف : الا ماودك نرجع للدكه ترا قدرنا خليناه ومشينا
ابو رعد : ايه ايه امش لا يحترق علينا ثم وش نتعشا به
ورجعو للدكه وغرفو عشاهم الي مسوينه وبدو يتعشون
________________
عند العيال في مطعم بالديره ويعتبر الذ مطعم بالديره بالنسبه للشباب
سعود : يا مدير وين طلب
الهندي : يلا يلا خمسا دقيقه
بهاج وهو ماسك الملعقه وجوعان : دقك الي مانيب قايل
مشاري : جب عشانا جعلك للعشه
سعود : الا يا بهاج وين العيال سلطان و رعد ليش ماجو
بهاج : رعد مو يمك عند حرمته وسلطان جدي ماسكه مع حلقه
محمد : هههههههههههههههه يحليل رعد لو انه هنا وجوعان كان لصق وجه الهندي بالقدر الي قدامه
مشاري : الا ياعيال ماود احد فيكم يتزوج ياخي ودي بعرس ادبك فيه ادبك فيه لين اقول امين
هنا بهاج مايدري كيف خطرت في باله اديم وصحى بصوت سعود : بهاج ياولد اعرس نبي نرقص
بهاج وهو يحك راسه : انا مطول الا انت ليش ماتتزوج
سعود : انا حالف بعد ماتتزوج انت انا بتزوج
هنا ضحك بهاج من كل قلبه : لا ياشيخ
جاب الهندي  العشا
مشاري : لا ماكان ودك تجيب العشا
محمد : سمو سمو
________________
عند الحريم وتغريد تنزل صحن العشا
ام رعد : يلا عليكم بالعافيه
تجمعو كلهم على الصحن معدا اديم الي كان سياف جالس جبها وتلعب معه بالايباد
الجده : ورا ماتقومين يا اديم
اديم : هلا لا بس الحمدالله شبعانه !
الجده : اقول قومي قومي ثم حنا في ليلة عيد شوي تجوعين
ام سياف وهي تأشر لا اديم تقوم وقامت اديم ودخلت بينهم وبدت تأكل
وبعد ماخلصو من العشا وشربو الشاهي قامت ام سياف هي واديم وسياف الي شايلته اديم بحضنها ونايم
ام سياف : يلا انا استأذنكم
ام رعد : وين اقعدي شوي خلينا نسولف
ام سياف : الساعه صارت 1 بروح انوم سياف وباقي نتروش ونتجهز للعيد
الجده : معهم حق روحو روحو وانا عمتك بس لا تتأخرون الصبح
ام سياف : ابشري
وطلعت ام سياف متجهه للبيت
بعد 3 دقايق بالظبط قامت العمه شيخه وبناتها
العمه شيخه : يلا اجل اشوفكم بعد صلاة العيد
الجده : غريبه تطلعين !
العمه شيخه الي طول عمرها تقعد عندهم ليلة العيد كامله بس شافت ام سياف وغارت منها : هاه وليش اقعد ؟
الجده : مو من عوايدك انتي وبناتك دايم تقعدون هنا لين صباح العيد
افنان بصوت خفيف : ياشين التقليد يا ناااس
تغريد : تشوفين ! مو طبيعي حتى عمتي تغار
افنان : طلعت زي بناتها الدلوخ
تغريد : ههههههههههه اسكتي لا يسمعونك
العمه شيخه : وانا بقعد دايم عندكم عندي بيت بروح له
الجده وهي متأكده ان العمه شيخه تقلد ام سياف : ماتشوفين شر
العمه شيخه وهي تطلع : يلا يابنات
وطلعو كلهم
الجده : انا بروح انام وقوموني الساعه 5 لصلاة العيد
ام رعد : ابشري
__________________
عند رعد وزوجته
ساره وهي محتاره بين الفساتين وتأخذ رائي رعد فيهم : شرايك هذا ولا هذا
رعد وفي يده الجوال ومو يمها : كلهم
ساره : رعد لا تقهرني كيف كلهم البسهم فوق بعض يعني ؟؟؟؟
هنا قفل رعد الجوال بعد ماشاف ساره عصبت : ياقلبي يعني انا وش يعرفني بملابس الحريم
ساره : يعني ماتعرف بس على الاقل جامل
رعد : اصلاً انتي يلبق لك كل شي
ساره وهي تنزل الفساتين من يدها : لا تحاول تتخطى اصلاً انا ليش اخذ رأيك انت زين انك تختار ملابسك
وركضت ساره داخل الغرفه وقفلت عليها لانها تعرف بتنجلد من رعد
رعد وهو عند الباب : مصيرك بتطلعين
ساره من داخل : ههههههههههههههههه
_________________
دخلت العمه عواطف وعيالها لبيت الجد حمد الساعه ٢ الفجر