احببتك والله يعلم بالخفاء

بارت 3

بعد ما العيال نظفو ولعبو اذن صلاة التراويح وقامو كلهم يركضون للبيت يبدلون ويرحون للصلاه ..

رعد وهو يركض : حركات البزران ذي بتخلينا مانلحق على الركعه الاولى
بهاج وهو يركض وفي يده سطول المويه : يا ولد شد شد ( اركض بسرعه )
مشعل الي هو اخر واحد فيهم : يعيال هيه انتظروني
———————————
في البيت عند البنات بالمطبخ تحديداً ..

افنان : يووو شقد انا متحمسه كيف كذا بقعد مع اديم ساعات مره وناسه
تغريد : عاد لا تصيرين خفيفه
افنان : مين الي يشوف وجه اديم ومايصير خفيف ؟ اقول تدرين وش الي خايفه منه
تغريد : وش ؟
افنان : اخاف جدتي ( زوجة الجد حمد )تمسك اديم وتحط حنا في شعرها عشان اديم تكره الديره وماعاد تجيها
تغريد : وش عرفك ان اديم ماتحب الحنا ؟
افنان : يبنت مبين من وجهها انها بنت ذوق وينها وين الحنا !!
تغريد : خلي من ذا الحين جدتي زعلانه منهم عشانهم مايجون دايم ومن زمان ماشافتهم مستحيل تمسك راس البنت الي من زمان عنها وتحنيها
افنان : اي صح
ام رعد وهي تناديهم من المجلس : يا بنات
تغريد : هلا يمه
ام رعد : تعالو اجلسو معنا جدتكم تبيكم
تغريد وهي تلف على افنان : قومي
————————————-
في سكة السفر عند ابو سياف وعياله ..

ام سياف : كم باقي على مانوصل
ابو سياف : مابقى الا 60 كيلو ونوصل يا سياف بابا
سياف وهو في راسه السماعه ويلعب بالايباد
ابو سياف : سياف !
اديم : لابس سماعه
ابو سياف : في البيت بلاستيشن وبرا البيت ايباد لحول ولا قوة الا بالله ناديه يا قلبي
اديم وهي تنزل السماعه عن راسه : سوسي ( دلع اديم حق سياف )
سياف : نعم
ابو سياف : لالا ولا شي ماكأني انادي صار لي ساعه يلا قفل الايباد بابا وسولف معنا
سياف : بابااا
اديم : من يبي الدح ماقال اح
ام سياف : والله هاذي الاجهزه لعبت فيه
ابو سياف : لالا خليه يستانس في الاجازه وقت المدرسه ابغاه يمسك الايباد ولا البلاستيشن بس
وكملو سوالفهم العاديه مع الضحك والوناسه
اديم الي تحب سوالف الحب والقصص هاذي : يبه تكفون كيف تعرفتو على بعض امي من الرياض وانت من الديره اموت واعرف كيف جيتو بعض ؟؟؟
ام سياف : ابوك وينه و وين سوالف الحب لولاي انا ماصار شي
ابو سياف بضحك : لا عاد انتي الي تعرفين
ام سياف : اجل يلا تكلم
ابو سياف : بعدين بعدين
ام سياف بضحك : شفتي يا اديم ؟
اديم : خلاااص ماعاد ابي اسمع شي حشى والله لو انكم ليلى ومجنونها
ابو سياف : اقول وش تبون اكل ؟
سياف : ماك
ام سياف : خلاص ماك ؟
اديم : ايه ايه يلا
وكملو الطريق بسوالف واكل
————————————-
في الديره عند العيال بعد ماطلعو من المسجد ..

بهاج : والله يا جا لعببب
رعد : اقول اسكت لو انك انكسرت وش بتسوي
بهاج الي يخاف من عصبية رعد دايم : عادي تكون تجربه
رعد : ولددد
بهاج : خلاص خلاص
ابو رعد و الجد حمد وهم وراهم
ابو رعد : يا عيال بروح لسوق الديره باخذ كم غرض احد بيروح ؟
بهاج : لا والله انا مواعد سعود والعيال بنتقهوى سوا لكن خذ سلطان ان بقا له وجه يروح فيه للسوق بعد جدي ههههههههههههههه
سلطان بطنازه : هههههه مسوي تنكت ؟
بهاج : ولد احترم الي اكبر منك
ابو رعد : اجل محد بيروح ؟
رعد : انا بخاويك
ابو رعد : يلا امش
———————————-
عند سعود والعيال في قهوة الديره الي مقابله بيوت الجد حمد وعياله..