احببتك والله يعلم بالخفاء

بارت 13

واخيراً اول ماوصلو بعد طريق استمر ساعه ونص

نزل الجد حمد لين ماتأكد ان هو المكان المناسب ونزلو البنات والكل بيده حاجه ينزلها معه الا رعد الي شال اغراض ساره عنها وهي ودها تذبحه من نضراتها ورعد يشوفها ويضحك لها وهي تعصب اكثر 😂
اخذ رعد وسلطان ومحمد فرشات ومخدات الريجيل وراحو مكان شوي بعيد وصاد عن المكان الي فيه جلسة الحريم طبعاً رعد في الكشتات لا يعلى عليه وكل ماسوا سلطان شي خطا في الجلسه جته ضربه من رعد وكل ضربه اقوى من الي قبلها اما محمد الي انحاش يلعب كوره مع سياف اما عند الجد حمد وابو رعد وابو سياف الي مشو يتمشون واخيراً اتجهو الفرشه الي باليالله خلصوها رعد وسلطان بعد ضرب وهواش
وعند البنات الي الي يضبطون جلستهم بكل حب وحماس اتجه رعد لكرتون الذبيحه الي مستحيل تمر كشته ورعد ماطبخ فيها
__________________
الساعه ٣ العصر عند بهاج وسعود بالطريق
فجأة حس بهاج في شي في الكفره الخلفيه ووقف على جب بهدوء
سعود : وش فيك ؟
بهاج وهو ينزل : اضن الكفر ضرب
نزل سعود معه وبعد ماشاف صدق الكفر رايح فيها : يليللللل
بهاج : ومامعي كفر زايده وش الحل ؟
سعود : كأن هناك محطه ولا !
بهاج : هاذيك مبين مهجوره يا ولد
سعود : خلك هنا انا بروح اشوفها
بهاج لا تطبي ( لا تتأخر )
سعود : ماعليك
واخذ سعود شماغه وهو يتلغثم فيها ومتجه للمحطه واخيراً وصل لها وطلع كلام بهاج صدق المحطه مقفله ومبين مافيها احد ورجع ابهاج بعد تعببب
بهاج : هاه ؟
سعود : والله طلعت مهجوره
بهاج : قايل لك
عند بهاج الي من ناحيه مستانس انه بيعدي الوقت وهم ماوصلو للمكان ولا يكون في نفس المكان الموجوده فيه اديم ومن ناحيه ماله خلق للفكر ابداً

عند جلسة الجد حمد
ابو رعد : بهاج ماكأنه ابطا ؟ ( تأخر )
رعد : قال بيمر سعود وهو جاي
الجد حمد : والله لو سعود في قلعة وادرين ( مكان بعيد )
ابو رعد : ليكون صار فيه شي بس ؟
ابو سياف : لا تتفاول ان شاءالله مافيه الا كل خير
ابو رعد : دق عليه يا رعد شف وينه
فجأة دق بهاج على سلطان
سلطان : هذا هو بهاج !
ابو سياف : شفتو مافيه شي
سلطان : الووو
بهاج : سلطان
سلطان : وينك يا رجال تأخرت ؟
بهاج : تعال لنا برسل لك الموقع بنشر علينا الكفر
سلطان : وحنااا نقول ليه تأخرت
بهاج : استعجل عشان ناخذ نعبي الكفر ولا شف رعد عنده كفر بدبة السياره ؟
سلطان و الجوال على خده وهو يلف على رعد : رعد عندك كفر بالدبه ؟
رعد : ليه انفجر عليه الكفر ؟
سلطان : ايه
رعد الي يخاف على سلطان من الطرق وللحين يحس انه مو قد المسؤولية: قله رعد بيجيك
سلطان : انا بروح له انت معك ولا ؟
رعد بداء يعصب : قل له رعد بيجيك مارح اعيد كلامي !
سلطان : خلاص خلاص لا تاكلني
واخيراً سلطان رجع للمكالمه : رعد بيجيك
بهاج : كان نمت قله لا يتأخر لاتظلم الدنيا علينا
قفل بهاج والتفت لسعود الي بجبه : رعد بيجي ويمكن يكون معه كفر ونفتك من المحطه
رعد : يلا انا بروح للعيال
الجد حمد : ايييه هاذي فايدة السرعه الزايده
ابو سياف : انتبه يا رعد وانا عمك
رعد وهو يشغل سيارته : ابشر
ومشا رعد متجهه للعيال بعد ماتأكد ان معه كفر زايده
_________________
عند جلسة الحريم
ام رعد وهي تشوف رعد شغل سيارته ومشا : رعد وين رايح
ام سياف : يمكن بيروح البقاله يجيب له اغراض
العمه عواطف : مافي هنا محطات لكن غريبه
ام رعد الي حست فيه شي لفت على تغريد وقالت لها : دقي على سلطان شوفي وين راح اخوك !
تغريد : ابشري
تغريد وهي تتصل على سلطان واخيراً رعد
سلطان : لبيه ياهوى حياتي لبيه يا احلا تغريد
ابتسم حمد لا شعورياً وهو يسمع اسم تغريد وتذكر لما شافها بالحوش ترتب الاغراض
تغريد الي دايم تغطي على سلطان مصايبه وبضحك قالت : اقول اسمعني رعد وين رايح ؟
سلطان : ايه بهاج بنشر وراح لهم
تغريد : قل والله !
سلطان : ابكذب يعني
تغريد قفلت الجوال على وجه سلطان وقالت : بهاج بنشر عليه الكفر ورعد راح له
ام رعد : بسم لله عليه وانا اشوفه ليه تأخر
الجده : عسى مافيه شي ؟
تغريد : لالا بس بنشر الكفر
تضايقت اديم اول ماسمعت اسم بهاج وتذكرت السالفه ومن ناحيه خافت عليه
ام سياف : الله يستر عليه
عند سلطان الي مابين لهم ان تغريد قفلت بوجهه
سلطان : يلا تبين شي ؟
شاف حمد جواله الي مبين انها قفلت في وجه بس حب يستر عليه بس مااظن ستر عليه من كثر ماانفجر من ضحك
سلطان : فيك شي انت ؟ تحس بشي ؟
حمد وهو يحاول يكتم ضحكته : لالا بس تذكرت لي سالفه
عرف سلطان ان حمد شاف الجوال
سلطان وهو يحاول يخبي ابتسامته : اجل استر السالفه
____________________
عند العمه شيخه وبناتها في بيتها الخاص