THE WORLD OF MOONLIT

CHAPTER 51

"Sorr-"

Hindi na natuloy ni cypher ang sasabihin niya nang bunutin ni zionne ang spada niya. Agad na nagtago si cypher sa likuran ni Jaxon na ikinainis naman ng isa.

"P-Pasensya!! Pasensya!!" mahinang sigaw ni cypher habang nakatago parin sa likuran ni Jaxon.

Napapailing nalang si Zionne at Xyvyn dahil sa kalokohan niya.

"Tayo na, kailangan na ni Aliho ang magpahinga." ani Xyvyn at tumingin pa sa'kin kaya nagsalubong ang mga mata namin.

Hindi ko alam kung ngingiti ba ako sa kanya o hindi nalang dahil seryosong seryoso ang mukha niya. Sa huli ay umiwas nalang ako ng tingin at binaling nalang sa mga tao este Elves ang paningin ko.

Gusto kong mamangha dahil sobrang ganda ng bayang ito. Pakiramdam ko tuloy ay nasa mundo parin kami ng mga tao, tapos malinis ang mga pamilihan. Marami at magaganda ang mga naka display pero hindi gaya ng bayan sa mundo ng mga tao ay sobrang linis dito.

Mga naka hoddie pa rin kami at bahagyang nakatago ang mga mukha, dahil gaya ng sinabi nina Zionne at Xyvyn, kailangan naming mag-ingat na huwag malaman ng mga nilalang dito na nagmula kami sa mundo ng mga tao.

"Ohh mga ginoo at binibini, bili na kayo." rinig kong tawag sa'min ng isang lalaking nagtitinda ng mga maskarang gawa sa papel o karton.

Lumapit do'n si Cypher na hindi naman napansin ng tatlong lalaki naming kaibigan. Nasa unahan kasi sina Zionne, Xyvyn, at Jaxon kaya tanging kami lang mga babae ang nakakita sa paglapit ni cypher sa lalaking tindero.

"Magkano po?" tanong niya na akala mo may pambayad siya.

"Ngayon ko lamang nakita rito ang iyong mukha, ginoo. Ikaw ba ay isang dayuhan?" tanong nang tindero sa kanya. Halatang nagulat si cypher at hindi agad nakapagsalita.

"Gano'n na nga po." pilit ang ngiting sagot niya, ramdam ko rin na kinabahan siya.

"Kung gano'n ay ibibigay ko ito sayo ng libre." nakangiting anang tindero.

"Talaga po?" tuwang tuwa na tanong ni Cypher.

"Mamili ka na kung alin diyan ang naiibigan mo." nakangiti paring anang tindero. Namili naman si cypher na excited pa.

"Pwede po ba ito?" masayang tanong ni cypher habang nakaturo sa isang maskara na kulay itim. Ang maskara ay may nakakatakot na design, isang nakakatakot na halimaw ang naka pinta.

Nakangiting tinanggal ng tindero ang isang maskara na tinuro ni cypher at saka niya ito inabot kay cypher na tuwang tuwa naman.

"Maraming salamat po." masayang pasasalamat ni cypher at saka kumaway pa bago tumalikod.

"Ibang klase talaga ang isang 'yon." rinig kong ani krixi na nasa tabi ko at saka naglakad na din.

Sinuot ni cypher ang maskara at saka pumwesto sa likuran ni Jaxon na ngayon ay nakahinto habang may tinitingnan sa harapan nila. Kinalabit siya ni cypher na agad namang umupo kaya hindi niya nakita, kunot noo niyang nilibot ang paningin niya nang biglang tumayo si cypher at ginulat siya dahilan para mapasigaw siya sa gulat.

Agad na tumawa ng malakas si Cypher nang magtagumpay siya sa kalokohan niya. Galit naman siyang tiningnan ni Jaxon na ngayon ay namumula ang mukha sa gulat.

"Hahaha siraulo talaga." natatawang ani krixi habang nakatingin din kay cypher at jaxon.

"Naku lagot!" natatawang ani Reese nang makitang lumapit si zionne at xyvyn kay cypher habang masama ang tingin.